جرحك بقلبي اطول عمر واجمل مكان لا محتّه السنين ولا أمتثْل لـ الشّفاء - سعود مبارك

نسايم الشوق تحييني و تقتلني ليت المشاعر ليا لجّ الهوا طرما - محمد بن هرشان

الهقاوي حملها أثقل من جبال السّرات لا تعلقها .. على اللي ماهوب كفو لها -عبدالله السراهيد

ماودي أكسر خاطرٍ كنت احاضيه ولا ودي أني عن دروبك نحاوي يَ كم بغيت أقولك لا وقلت .. أيه وأحاول أجرح لكن أجرح وأداوي قلبي وله عاده ولانيب نـاهيه من لـه صلاحيه فالأمر السمااوي ؟ - مزيد الوسمي

وجودي وانا من بين شويه وجراره على واحد ٍ مافيه بعده ولا قبله ㅤ ㅤ ذكرته وانا ابادل يديني على الطاره بدارٍ خلا والخاطر اضيق من الدبله

" لا جبرنا الزمن " كلٍ يكمّل طريقه ! وأنت حاول تذكّرني ، وأنا احاول انسى . _ بندر الدويش

يقول محمد المقحم : ترا النفس اذا خابت او خُذلت ماعاد تثق ولاعاد تأمن حتى لو سامحتت . وطرى علي بيت الشاعر الي يقول : " النفس لا طابت ترا مابها طبّ أصعب علاج ، علاج نفسٍ عزيزة "

معك صادق الا كل ما قلت كيف الحال هي الكلمه اللي مقدر اصدق معك فيها - عايض العاطفي

أنا وش إللي جابني للحب ؟ غير أني عنيد ! أحارب أكثر من ثغر ، و أواجه أكثر من عدو _ مزيد الوسمي

يا مقفي لا يروح الليل شرهات … وطلايب شرهتي شرهت محُب وغلطتك .. وخيمة من عرفت إنك تدور زلتي وقت الصعايب اقتنعت إن الوصل مكروه والفرقا غنيمة مادريت إن الفراق المر مكسب لـ الحبايب لين شفتك تاخذ المدحة من لساني شتيمة

سحاب و ذعاذيعٍ عليله و ليلة سبت ياوش جاب طاري الهم والحزن والفرقا لاتشكي شعور الفقد ولّا شعور الكبت ترى الصبر مثل الدمع لاطاح مايرقا تراني عقب ماذقت جور المفارق تبت ولاعاد أجر أخطاي وألاحي الورقا

والصدر توه على . . أول زمته نافر لا واهني من تقهوى من فناجيله :) - مطلق بن شويه .

عسى الخيال اللي بروقه لها ضـوح يرخـي هماليـل الغشين القراحـي - بن زويبن - اللوكيشن : فـوق ديرة داعَج العُكش النوَايـم تَـردف الونّااات وتْـهل العَـبـاري - مطحس حمد

"سقاك الله : يادارٍ لها بين الحنايا دور مراويح السحاب اللي تخلي اليابسه ترفه عسى وبله يصب أيام ولا يا عساه شهور أنا اعرف السحاب اللي يشده مثل ما اعرفه" - محمد الكريدي

لن ترى معادن الناس بـ الشكل الصحيح لين تبلغ " مجريات الظروف " آشدّها كان تبغى تعيش .. باقي حياتك مستريح خل عنك ( الطيبة الزايده ) عن حدّها _ عبدالله السراهيد

جعل غيمٍ يوسّع خاطرك ، ما يزول وجعل كل الليالي فيك .. متباركه - ناصر مناحي

" أنت والله حبيبي وأنت والله داري إنّ نظرة عيوني يّم غيرك جماله " - خالد الفيصل

" من كثر ما اتعبني شعور إنك تروح ما عاد يسعدني شعور .. إنك تجي" — عبدالله السراهيد

البارحة ياللي وجودك جود وغيابك جحود ياللي هل النمات لو يرمونها يخطونها ياللي شمال من الخبر شرقٍ عن رمال النفود ياللي تعنيني لها اقدامي واجي لعيونها البارحة ما بين ريحانك ونفحات الورود هبت هبوب الشوق والذكرى تميل غصونها - سمي الزعفران رعاه الله ..

ما ندري يمكن الصدفه تجمّعنا مع الأيام ورى ما ننتظرها ؟ وش ورانا ؟ ما ورانا شيّ _ عبدالرحمن بن جزا