ياسيد اتركها هذه السنه ايضا بلاش تاخدني والخطيه لسه مسيطره عليا وانا لسه مش عارفه اكون بنتك وعلي صورتك ومثالك لم بشوف شباب اصغر مني وفي نفس سني بيموت بتخض انا نفسي اروح عندك زيهم بس ممكن تاخدني وانا مستعده نفسي يكون ليا عندك مكان بس مش عارفه اعمل اللي يخليني معاك فساعدني اوصلك

السنه دي اكتر سنه عدت عليا غيرتني 180 درجه بقيت شخصيه مشاعرها متجمده بطلت ازعل من اي حد مهما كان الموقف اللي عمله بعدت عن ناس استحاله كنت اتوقع اني ابعد عنهم كنت ساذجه جدا في مشاعري بس مع الاسف اتاذيت جدا من اكتر ناس كنت كويسه معاهم بس في الاخر اتعلمت الدرس كويس

من كتر ما في حلم ما بيتكرر معايا بقيت نفسي اقوله كفايه عرفت اللي فيه خلاص مش كل يوم هصحي مخضوضه 😂💔

انا مكمله حياتي بعد ما فقدت جدي وروحي كانت فيه وبعده فقدت امي التانيه وقبلهم اخويا فغياب اي حد من حياتي استحاله هياثر فيا اللي هو انا خسرت الغالي مش هدور علي الرخيص بجد 👌

اكتشفت بعد العمر دا كله انه في ناس مينفعش تكون صريح معاها ولا حتي تتعامل معاها بطيبه قلبك وانه محدش بيفوز غير اللي بيعرف يتلون ويبقي بميت وش ورغم اني اتاكدت من كده بس مش عارفه غير اني اكون انا علشان كده الحل هو البعد وبس 👌

امي في الروحه والجايه عماله تذل فيا علي اختياراتي في اصحابي وحاجه مرار طافح بس هي عندها حق انا اختياراتي عايزه الحرق 😂💔🙆

💔💔💔💔

حنين واللي داق منه اكيد عارفه اله اللي ملهوش حد ❤❤❤❤❤

المره دي انا جايه اقول اني مش ندمانه علي اي حاجه حلوه عملتها لحد ولقيت قصادها كل كره وحقد ووجع بس هوعد نفسي اني هعرف قيمتي كويس وهسيب حقي ربنا ياخده لانه الوحيد اللي شاهد علي كل حاجه وحاسس باللي حسيت بيه حقي عندك يارب ❤🙌

هفضل ممتنه لمريم طول عمري علي كل احساس حلو خلتني احسه بعيد عن كميه الحب اللي بتقدمها ليا بس هي بجد بترجعلي ثقتي في نفسي وبتقويني وبتاكدلي اني جميله واستاهل اني اتحب وانه اي حد طلع من حياتي خسرني وحقيقي انا بحبها اكتر من نفسي ❤❤❤❤🌏

تلاقينى فجأة قولت يلا الحمدلله ف نص الكلام لما أحس إنى هبدأ أعيط و أنا بحكي حاجه .

طلب صلاه من اجل الطفل جاستين ايهاب ربنا يمد ايده ويشفيه ويطمن اهله عليه 😓🙏🙏

في ناس في حياتي نفسي اسالهم سؤال واحد ليه بجد اصل انتوا مشفتوش مني غير كل حب ازاي قادرين تردوا كل الحب دا بكره وخذلان وتجيبوا سيرتي وانا كل اللي كنت بعمله اني كنت بدافع عنكم وبس هل انا كنت استاهل اتاذي كده

كان في كلام نفسي اقوله بس مقولتهوش ورد كان المفروض ارده ودا محصلش مش ضعف بس مش متعوده اجرح حد حتي لو كلامه جرحني بس في الاخر كلنا هنوقف قدام ربنا ونتحاسب وواثقه في الله العادل ❤❤❤❤

اليوم ودعت صديقي المقرب صديقي الأقرب انتهت صلاحيته بعد أن رأيت منه جانبا لم أكُن أعرفه بعدما سمعت مالم أكن أتوقعه يوما أو يُخَيَّلْ إلَّي أن يرميني بِه العتاب ع قدر المحبة هذا مادامت صداقتنا حية ولكن ماصدر منه قد قتله ف قلبي فالسلام لمن أَوهمني السلام اليوم أدفِنك اوَدِعَكْ

فيه مقوله لمحمود درويش تقول"ويكفيك مني عقابًا بإنني لن أراك كما كنتُ أراك"الإنسان يوصل مرحلة إنه لا يغدر ولا يخون ولا ينتقم بس نظرته تتغير.. وإذا نظرته تغيرت تغير كل شيء.

فرح مريم خلص وكان فارق قوي معايا اني اكون معاها في الحنه والفرح من اول اليوم يمكن اللي حواليا مستغربين انا بعمل كل دا ليه لانه بجد محدش مدرك اللي هي كانت بتعمله معايا من بدايه ما اتعرفت عليها لحد امبارح يوم فرحها كان مهتمه اني اطلع بااحسن صوره ليا انا بجد بحبها وهتفضل الاقرب ليا

بيبقي نفسي تجيني فرصه واسال حد سافر السماء شكل اللحظات الاولي في السماء ايه طيب استقبلوك ازاي كان احساسك ايه وانت في حضن المسيح وبيطبطب عليك بجد نفسي اجرب الاحساس دا واكون ليا مكان في الملكوت انا عارفه اني مش مستعده ولا بعمل حاجه توصلني بس واثقه في مراحمك ❤❤❤🙏

مستنيه اليوم اللي هتعوضني فيه عن كميه الوجع والخذلان اللي شوفتها حتي لو مش هنا علي الارض هيبقي في السماء وهتمسح كل دمعه من عيني وهتبدلها باافراح واثقه فيك وهفضل واثقه حتي لو مش فاهمه خطتك في حياتي بس متاكده انه حتي وجعي بيبقي لخيري ❤🙏

النهايات في حاجات كتير احنا مخترناش تبقي دي النهايه في علاقات في حياتنا مرت بمراحل كتير قوي واستحاله كنت اتوقع انه النهايه تبقي ماسويه كده مبقتش عارفه العيب في مين بس كل اللي عارفه اني بقيت خوافه اني ابدا من تاني علشان في الاخر عارفه النهايه هيبقي شكلها ايه 💔