يا رب... هبني الصبر لأقبل تغييرك لي بالواقع و الإيمان لأقبل تغييرك للواقع بي والحكمة لتمييز مشيئتك من بين الإثنين #ساعدني #متعادة

الانسان محتاج يتعلم يحط حدود فى العلاقات عشان ميتأذيش من اى فعل او رد فعل بسرعه..

الوداع.. هناك من تركونا و لم نقدر ان نقول لهم سلام و هناك من سنحت لنا الفرصه كى نقول لهم سلام و هناك من لم يريدوا منا حتى السلام و جمعيهم تركوا فى انفسنا آثار و جروح الفقد..

بتوتر لما حد يسألنى: انتى كويسه ؟؟ بحس انى مش كويسه كده او اكيد انا مش كويسه وانا مش واخده بالى 😅

Maybe someday i'll be able to write myself in pages.. For now i'm just staring at my empty page trying to find me..

اكتشفت انى مش بحب افعال الامر ابدا حتى لو هيقولولى اعمل حاجه انا معنديش مشكله معاها او حتى بحبها.. و اكتشفت انى بحب الاستئذان ممكن / ينفع / عندك مانع / ... تعملى كده ؟ انا ممكن اوافق بس عشان اسلوب طرح الحاجه عليا كان حلو..

نفسى ابطل اعول هم رد الناس عليا لما اشكيلهم... هى مش مسؤوليتى بس بحس انى بيصعب عليا ميعرفش يرد و ده احيانا بيخلينى متكلمش !.

فى اغلب الاوقات بكون عارفه انا محتاجه ايه عشان ابقى كويسه.. بس بقالى فتره مش قادره احط ايدى على حاجه لو اتصلحت هبقى تمام..

انا كنت فاكره ان اللى اتكسر بيتصلح.. بس طلع ان اللى اتكسر اتكسر و خلاص و حتى لو حاولوا يصلحوه بيفضل متجرح فى حتت !

مفيش منتخب شجعته و كسب من ساعه ما ابتديت اشجع فى كاس العالم السنه دى 😌 عاوزين فريق يكسب متخلونيش اشجعه 😅

ولا يوم يجى انتصار مبتسبقهوش الآه🤲🏼🤍

مهما كانت درجه قربنا مش مقبول ان حد يرن عليا فوق المرتين الا لو اهلى او لو فيه مصيبه حصلانه و محدش هيحلها غيرى! (و دى حاجه اصلا نادرا ما هتحصل) انا من اكتر الحاجات اللى ممكن تقريفنى من اى بنى ادم هى الزن..

الناس محتاجه ولو كلمه كويسه بس "الف سلامه عليك ربنا يخليك ليا ربنا يحفظك انا واثق فيك تسلم ايدك شكرا تعبتك معايا ربنا يقومك بالسلامه طمننى عليك متقطعش كده مره واحده بتوحشنى لو عوزت حاجه كلمنى علطول" الجمل البسيطه دى حنينه على الناس فعلا فى وسط عالم متوتر و كئيب.. والحقيقى بيبان❤

اختبرت حقيقى ان الله بيغير،، بيتكلم،، بيوعد،، بيوفى،، بيصبر،، بيحب،، بيحضن،، بيسمع بكل اهتمام. We're so special 🥰 #تأملات_عيد_ميلاديه

من اصعب ال لا اللى ممكن تتقال ال لا اللى بتقولها لنفسك.. لانك بتحس انك بتربى نفسك بنفسك ! و بعد ما بتقولها لا بتكون عاوز تبكى زى العيال و فى نفس الوقت عاوز حد يقولك برافو عليك انت صح.. A person without self-control is like a city with broken-down walls. "Proverbs 25:28" NLT

بقيت انا اللى بجيب سيره الديفوه اللى عندى و بعبر عن استيائى منه عشان اللى قدامى مش هو اللى يبتدى و عشان برضو لما يحس انى الموضوع مزعلنى يسكت!..

انا عندى بعبع هو انى اعرف ان فيه حد زعلان منى!! و حقيقى بندم على كل مره اتعاملت فيها بعفويه شويه مع ناس حساسه..

بدايه رحله "مش لازم ارضى كل الناس و مش لازم ابقى على وفاق مع كل البشر و مش لازم اول ما كل الناس تشوفنى تبقى مبسوطه انها شافتنى و مش لازم اعجب كل البشريه"...