راشد القطيما : كنت احسب انك من جروح الزمن طبي لا تقصف الروح فيني اللي مكفيني ' هذي سواياك وانت تقول يا حبي وش عاد خليت للي ما يدانيني ' لاكن امانتك من عقب انتهى نبي انهم ما يدرون باللي بينك وبيني ' وانا علي الرضا فيما قضا ربي اللي حصل منك جعله في موازيني .

مساعد الرشيدي: يابنت من قاد الصعايب وهن عوج وقلوب عدوانه من الغيض تدما لك بالشرف قدر ومدارات ومروج واسم تنومس هيبته بين الاسما انا دخيل الكحل والعطر والروج والضحكة اللي قادت العشب للماء لا يزعل اللولو يموت ازرق الموج والحلم يغرف والمجاديف تضما.

عبدالله بن عون ل طيره 𓅓 : وهاجر مهاجر مبحرات السفاين للصين ولا اهبط على ضلع قزوين ' لو كان ما عندي فرقك بهاين حنا عزاز ولا نهين العزيزين ' خلك تروح ولا تشوف الغباين شاملك عفوٍ مثل عفو المساجين .

سعد بن جدلان: لعل رب جمع يوسف بيعقوبي يلمني مع وليفي واتهنى به اللي من اجلخ ماغير احسب ذنوبي والقلب كن الدبا الحنان يرعابه الكلمه الطيبه لا قطها صوبي ولا نظرلي بنظرة عطف جذابه فرحت فرحه صلاح الدين الايوبي ساعة تولى على المقدس وصلى به

ابو مطلق الشمري : إن عودت للطناخه عدني مطنوخ وان عودت للردى مانيب متردي يبراني الله من اللي دايم منفوخ عذره مع الناس هذا ما فعل جدي حريصٍ على نفسه بلبس القصب والجوخ فندي ولا غيره من الناس متفندي ياهيه لا تنخدع الدار فيها شيوخ منابع الجود تقدر تاخذ وتدي

سعد ابن جدلان : ياصباح الخير ياطلة الصبح السعيد جل شأن اللي مصورك عما يصفون انت نبذة معشر الانس والشيء الفريد ليش مدري بس لله في خلقه شؤون يا صبابة ذوق الالباب واصغاي النشيد يالقبال السمح والخاطر الرحب الميون ياذهب قارون يا ملك هارون الرشيد من لقاه اغناه والسابقون السابقون

سلطان الهاجري : مرحبا يا اعذب الاصوات واغلاها صوته العذب مرسلته على شاني والمشاعر ترحب به من اقصاها من خفوقي ومن دمي وشرياني كل كلمة تداعب حمرة شفتها تمتلكني وتامرني وتنهاني انا وارضي وشعري من فداياها حتى بحري ولولوي ومرجاني

سلطان الهاجري : تسبني واقول تراك مسموح ردي على شرواك دايم كذيا قد سبني قبلك ثلاثين سلتوح واللي يبونه كلهم ما تهيا اضحك واخليها عجاريف ومزوح واقول وش جاب الثرى للثريا

فالح الغنامي : عشان يبقى جميلك في عيونك جميل وفّر ججمايلك للي يستحقونها

ناصر الفراعنة ♡ : حجم ناحل خصرها في ردفها لاجيت احدد حجم نقطة نون داخل نون ماتقبل زيادة بين خصرٍ اشتراكيٍ وردف رأس مالي ويل ويلي شيب عيني طر جيبي ويل حالي

مساعد الرشيدي : وكل امرك للكريم ويسمح امرك كل ما دكت على قلبك روابع وافرد همومك على سجاد صدرك واحسب حسابك من الليلة وطالع ولا تقارن في قصير الشبر شبرك ولا تنازل عن قيمك ولا تراجع ولا تواضع للوضيع يضيع قدرك من مجبورٍ على بعض التواضع

🤷🏻‍♂️🤔 يالعنبوا عيونها تذبح بدون سلاح مـا تمهل المذبوح نطق الشهاده في رمشها الايمن سكاكين و رماح وفي رمشها الأيسر حقوق السياده

سلطان الهاجري : ان تواصلنا مع الغالي بنفس اسلوبه شك حتى في محبتنا وفي مذهبنا وان عطيناه الغلا والكلمه المحسوبة صد منا لين شمنا من غلاه وتبنا

بدر عبدالمحسن : جابك الله يوم قالوا معوض خير انشهد ان الخير وجهك وترحابك

🤷🏻‍♂️🤔 - ولقد رأيتك في منامي ليلةً ف نسيت ما قد كان من احزانِ -وحسبت نومي في فراقك يقظتاً حتى صحيت على فراق ثاني

فهد الشهراني : من يعتمد عالناس بيضيع ويحير ويذل ويبدل بشخص بداله كم واحد ما شاف في هالبشر خير حتى من اصغر واحد من عياله ومن يعتنز بالله يشوف التباشير عزالله ان فال السعد دوم فاله الله يقول نروح فالارض ونسير والله هلقنا كل واحد لحاله

🤷🏻‍♂️😅: راحت حياتك كلها مدح وهياط ما تدري ان مدحك لنفسك سماجة مغير انا وانا وانا وانت خراط في ذمتي ذمه ما سويت حاجه

ما كنها الا مهرةٍ بالميادين الله عن الخيل الاصيلة فرقها

ناسٍ تسرك ساعة الضيق والياس وناس مريضة تبتليك ب مرضها

بعض العرب في داخله سالم الزير واذا بدا اللازم عسى الزير سالمم