جعل زولك من أزوال العرب ما يزول يابعد شوف بعض العرب ، و أزوالها .

العين جاها النوم والنوم سلطان « مع السلامة والوعد لا صحينا » .

على الذي بعيونه الناس ذر نوح ما يبدي الهرجة على من بغاها وانا الى جيته غدا الصدر مشروح يبدي لي أسرارٍ على أمه كناها لو ما هرج لي عارف كل منضوح عندي طواريق الهوى ومعناها♥️.

يابخت من صبُح على وجهك النير.

ذبحني صغيرٍ تو مابرقعوه وصام ولانيب من حيّه ولاهوب من حييّ ولاله شبيهٍ كون وضحىً مع الفصام يـدارج عليهـا بالـملاييّن ومـعييّ وانا والله اني خايف والله العـلام ان شي ورى الاجناب ماهو بمتهيي .

ماسلب عقلي وقلبي وأنا عيني تشوف غير غيداً بالوصوف الحسان مدمّره كن في لبة نحرها قمر مابه خسوف تحت مجدولٍ بحنا الشيوخ تخمّره ولا نطحها النود كن النحر قدم محذوف ولا تقفّتها الهبايب تقول مشمّره لا زوت طرق العبايه على علو الردوف بطن حمراً من شهر للسباق مضمّره

الفارع اللي تفرعاً بالدلع و الغرور بـ فعول جدانها آل فلان متباهيه عيونها ما تصيب الا طويل الشّبور دقة سهم عينها فالقلب متناهيه طرقاً لحق عودها المبري كلافه وجور من خصرها المنزوي وردوفها الراهيه تقول وضحاً على الباتل تسج القفور طبوعهـا كـايفه و وصوفها ناهيـه .

الحور من جنة الفردوس يمكن رموك للأرض ياجادلٍ فيك الشموخ الأبي عليك وصفٍ يحيّرني وهيبة ملوك نوادر الوصف منّك سابيتني سبي وسامتك والثغر ولا الحجاج الضحوك دمار شامل تراجف منه حتى ركبي شكراً جزيلاً ماهوب لك لأمك وابوك أجمل سلاله بعد طوفان نوح النبي🤍

ليت مالك في حياتك — خوي ولا طليب كان ابي أخشّك وسط خافقي واقول ضاع !

الشاعر مشعان البراق عندما قرر يعتزل القصيد بعد محبوبته ويتجه لـ دينه وربه ويلتزم قال بقى ذنب واحد من ذنوبي عجزت أنساه بعد ما هداك الله يا قلبي على التوبة لك الشوق يا ذنب تركته لوجه الله عسى سيئات الشوق ماهي محسوبة يا كل الاسرار مايدري بك إلا الله توب وأنا تبت والتوبة هي التوبة

يالجادل اللي بكثر الزين مكتظّه أدري بقو الزمن وأن العمر حاسك عليك من حلو الذهب غارت الفضه مالقت حيّلة سوى تنبت بـ راسك

خاطري ماهوب طيّب ولا مرتاح بال والعرب ما عاد لي شف في منطوقها اتظاهر بالسعاده وقول الحال عال ولا انا ضايق والاخلاق طايح سوقها.

مع غيرك من الناس قاسي وهرجي جلف و معك شايفٍ لبّيه لدعاك سبّاقه مضارب عيونك في فؤادي مضارب شَلف بزينك تراي مودعٍ حبك أعماقه ولا لي دوى عقب العنا و الزمان الصلف سوى حبةٍ من مبسمٍ / ما حدٍ ذاقه .

شعوري شعور التايه المرغم المنهار آعرف آوّلي لكنّي آجهل وش آخرتي :)

ياراعي العنق الطويل وراعي الحمر الرقاق اللي مايبرد كبدي الا مبسمه ومعنقه ماتدري ان مسامر الجلاس عقبك مايطاق وشلفاك عيت تقتل الجاني وعيت تعتقه تعال يا راع القوام الغض والخصر الدقاق تعال والباقي من اوصافك مانقدر نطرقه

يا عيون سلهمتها كما شفرات موس مثل حدّ سيوف ربعي ليا ثـار الوغى صوبتنيّ بنت شيخٍ يروي كبار روس جادلٍ في زينها اليوسفي زوم وطغى عيطموسٍ لو وراء حبّها حرب البسوس يقدم الرجال لـ عيونها .. لو مابغى

ماشلع قلبي من الغيد ياغير اللعوب فارعٍ فيها من الزين ما لا ينغطي بين ملفاح الجدايل وطقات الكعوب لا حضرت ماعاد للغيد دربٍ ينعطي كل ماجتهن تهزع تلقن الهـبوب كنها من فوق كبد الغنادير تخطي

ميـزك ربـي من النــاس وعطاك ميـزةٍ .. تخص ذاتـك وتعنيك لك وصــوفٍ نـادره دايم معاك ودايمٍ محبــوب وناسك تهتويك كم حســودٍ ودّه يكـدر سمـاك في ذمــتي والله .. أنا منبهر فيك "إنت مثل الجــوهر الصافي صفاك تنـذكر بالخيـر .. اذا حد يطريـك "

قنيت الموتر اللي يهيضني على المطراش و تركت التذاكر للخطوط السعودية

من يقول إن في بداوتنـــا شقى الـبــداوه عـــــــلمتنـا حـاجتيــن مانحـب إلا عـــــلى وضـح النـقـا ومانــــعيف إلا وجيـه الحاسدين