في مرحله من الحزن كدا بتكون مش عايز تشتكي ولا عايز مساعدة بتكون عايز تفضل ساكت وف حالك بس

أوعي تفتكر ان التقل أو الردود المتأخرة حل، ده كان زمان، حالياً اللي هتعمل معاه كده هيعتقد انه شخص غير مرغوب فيه ولو حاول مرة والتانية مش هيحاول التالتة وتدريجياً هينسحب اللي بيستني كتير بيفقد الرغبة حتي في الحاجة اللي استناها.. لذة الشئ في توقيته

هتفضل ازمة حياتي "المفروض اكون مبسوط، انا ليه مش مبسوط؟"

عارفين احلي شعور ممكن الانسان يحسه ايه؟ انه يكون مطمن، مش قلقان ولا خايف من حاجه مطمن وبس

أكتر صفة ممكن تجذبني هي الحنّية وفعلاً دي يمكن أول حاجه بدور عليها وبعدها بتغاضى عن أى عيب تانى، مفيش حد حنين فيه عيوب ولو فيه فحنيته قادرة تشفعله، أى حد حنين قادر يكسب حبى بدون مجهود، لو هاتمنى حاجة اتمني ان أي حد بتعامل معاه يكون حنّين ومهونش عليه ولا يهون زعلى ولا خِصامى .

يارب اشوف الحقيقة دايمًا مهما كانت صعبة وموجعة، اعرف اواجه كل شيء مهما كان مُجهد.. اقاوم واقوم تاني مهما اقع.

عموماً مفيش أسوأ من إن الإنسان يشك فى مصداقيه كل ذكرى جميلة عاشها بسبب النهاية المفاجأه اللي كسرت كل حاجة.

في جملة علقت معايا بتقول "إمسك في اللي فاهم حقيقة قلبك بغض النظر عن تصرفاتك" وحقيقي الواحد بيبقي محتاج اللي يفهمه من جواه، اللي يمتص غضبه وقت عصبيته، اللي ميلومنيش علي حاجات عملتها غصب عنى، اللي مهما حصل عمره مايتغير معايا ولا يسبنى لوحدي، اللي شايفنى حلو في أسوأ حالاتى.

"أحن منظر في الوجود الإنساني، وبين مختلف العلاقات البشرية، مشهد وضع الرأس على كتفِ شخصٍ آخر، كأنك تأخذ استراحة من العالم على رحابة كتفين"

مش عايز في حياتي غير الناس السهلة، اللي الحياة معاهم بسيطة من غير كلاكيع ولا عُقد.. علاقات نقدر نعيشها في سلام من غير صراعات.. مش هنحارب في كُل الجبهات.

الحمد الله على الحقيقة اللي بتجيلك لحد عندك تبين لك قد ايه انت مُغفل بتهلك روحك بدون تقدير.

”أتمنى أن لا تخدعنا وجوه من أحببنا ، وأن لا نمشي أميالاً في الطريق الخطأ“

عارف لما تتعب من انك قوي وكُله عارف آنك هتعرف تتصرف وتقدر تشيل، ساعات بتبقى عايز تقولهم آنك مش بالقوة دي وإنك بتقاوح وعايز تسند وتميل على حد ويسد معاك ميوقعكش.

نفسي السنه دي تخلص ع حاجه حلوه تفرحني و تعوضني عن كل الزعل إللي زعلته فيها.

الفترة دي تقيلة اوي، ربنا يعديها على خير وبأقل خساير.

كُنت متوقع اللي هيحصل بالظبط بس مش عارف زعلت ليه.

عارف انت احساس الندم انك خليت حد يعرفك اكتر من اللازم

"أمّا من يتقلب ودَّه، فلا سند فيه، ولا اطمئنان في صُحبته."

يارب هذا القلب القلق آمنه بأمانك حتى يطمئن

ربنا دايمًا بيحققلك اللي انت بتدعي بيه، يا اما بيحققه على طول، يا بيأجله شوية يا بيعوضك عنه لدرجة انك بتبقى هتبكي من الفرحة انه لم يستجب وعوضك افضل عما اتمنيت مليار مرة والله.. الحمد الله على ايد ربنا اللي محوطانا دايمًا.