صوتّ الغلا في خاطري قام يدعيك ، مدري وصلك الصوت ولا اعيده....؟

لو جار الزمن وافترقنا ببقى احبك ، والانسان يحشّر مع اللي يحبه....

يسوقني الشوق لين آقف على بابه ، و أحن نفسي من المنقود و أعود...

ماهو بشرط اليا نسوك انك رخيص ، ترى الثمين احيان صعب الامتلاك..

نفس المدينه والسحابه والظروف ونفس الكلام اللي نخاف ونتقي ، ونفس السحاب اللي تشوفينه اشوف ماهو حرام يمرنا وما نلتقي...؟

والله اني عارف ماعلى الدنيا مقام من رجاها مثل راجيٍ سراب القايله ، - الحظيظ هو اللي توجه لربه واستقام واشترى الداره الاخيره بدارٍ زايله !

مدخلك بالله ياحبيبي ومن رباك تعود علي لاتلحّق الغلطه بالغلطه ، - وان كان ودك تبتعد لجل ذاك وذاك عسى الله يبيحك كان سببت لي جلطه !

ليت مالي عين تدمع ولا قلبٍ رهيف .. ودي ان الزينّ والشين في عيني سوا

ما يستفز الاحساس ويغيّر ظروف ، إلا احتياج انسان لانسان مقفي ...

شاف نفسه من بعد كثر اهتمامي ، وشفت شكلي من بعده وما عرفته...

لا يمر فبالك إلاّ كل الأشياء الجميله ، بالك أثمن من يمرونه خبيثين النوايا !

من كثر ماتجرح احساسي ماعاد احزن الظاهر ان الحزن هذا .... تعديته !

لحدن يلومه لافضل العزله .. يرتاح في ركنه الهادي وزاويته

جيتك يتيمٍ من اللوعه نفض يده .. أنت العوض في حنان أمه واهل بيته

حسبي على الناس ماخلوه فحاله تدخلو فيه حتى غيرو .... نيته !

حتى لو انه نّساني ماعلي منه ، انا لو انسى اخواني ماتناسيته !

لا حدّك الوقت تتركني؟ فلا تطيعه وإن كان طعته امـانه لا تودّعني ..

بس المحبه صارت من طرف واحد مثل الشعر لا فقد وزنه .. وقافيته

في ليلةٍ حزنها يملى دقايقها .. غصبت نفسي على دربه ومريته