اكتشفت ان الحياه بكبرها قطعة مسافه تغوي المفتون لين العقل يصحى و يتنبه و استعذت من الدروب اللي نهايتها حسافه قبل ترميني ملذات الزمن في جوف غبّه

صدري الليله توشّح وحشة الليل المظلّم فيه رهبة قبل نطق الحكم معْ قرع الثواني كنّه يدف النسم من داخليّه فوق سلّم ياكثر ما يمتلي صدر الكتوم اللي يعاني ليتني لا ثقلت ضلوعي من الشوق اتكلّم لا متى واشتقت لك تذبل قبل توصل لساني

دنياك يازين ماتستاهل الضيقه :(

مرحبا يا اللي ما بين الغيد وحدك دُرّه عند غيرك ما يجي للزين ذكر و طاري والله ان البال محدٍ غير زولك مرّه تسرحين بقلبي اللي يعشقك و افكاري من عرفتك و الغلا فـ الصدر لله دره يا اجمل ارزاق الحياة و مكسبي واقداري

في زوايا تالي الليل يرتاح الضمير لا فهق عقب اول الليل باقي ضيقته لاكذب وجهي عليكم وقال اني بخير برقوا في لمعة .. عيونه وتدنيقته

جوارحي لـ الغياب المُر مضطره والوصل مانيب فيه اليوم متجود ان كانك تروح مره وتحضر مره انا اقدر اروح لكن ماقدر اعود

يوم زل من المساء ثلثه وداعبني نسيمه هيّض الهاجس وون الصدر مافيه وسرا بي ⠀ لين حوّل بي على وادي مراعيه هشيمه ما به الا انا لحالي كنّ ما حيٍ درا بي ⠀ في رجا قولة لابد انه بيقفى السيل دييمه خوفي ان الوقت ياخذ ما بقا لي من شبابي

الى متى والشوق دوره يستثير الهامي كل ما جيت بسلى فالحياة يجيني الغياب اكبر مصيبه والوصال الزامي لا تعذبني وانا دمعي ما هو بيديني دمعتين من جفاك و نظرة استسلامي قادره تخطف حياتي عاد من يحييني اخذني عن لهفة اشواقي وكبر احلامي و الله الله فالمواصل والله الله فيني

كل زله على شانك تطوف والعذر بيننا ستر وغطا حتى لو كانت عيوني تشوف انت الصح وعيوني خطا

لقيت في راعي الهوى طبع غريب اللي غلاك يسنّده ويحدّره اليا تفارقتوا وقلبك مستصيب وهو يحس بـ ضيقتك وتكدّره يحزن لـ حزنك بس ماوده تطيب لاطبت حس أنك ماعاد تقدّره

كم على مترامية الأطراف من مترامي ياهدب سود الليال الناعسات النجّل تصغر أسامي وتكبر فـ العيون أسامي وكل ميقافٍ بصفحات الزمان مسجّل ما يدوم إلا مقامك .. يالمقام السامي لارخص من كان قدره فالضلوع مبجّل

وش استفدت من النباهه يانبيه يومياً الفرصة تمرّك .. وتعبببببرر ولا لقيت لحالتك .. عذراً وجيه الا انّك تحب التحلّي .. بالصبر تاخذ من امثلة الزمان ، اللي تبيه وتخلي الباقي ، وهي فيها عبر ترى التجاعيد اللي تطلع فالوجيه هذا حزن ياصاحبي .. ماهو كبر

سجيت لكن سجتي ما تطوّل ماعاد هي بلحية مشاريه واعذار بس الوكاد اني من العام الاول وكبدي على ملّه وقلبي على نار

ألتقينا والهواء ماله أمان والخجل عم المكان وعمّني والسؤال الي عجزت أرميه كان انت ماعندك يدين تضمني؟

يابو وجهٍ جميل وعودٍ أطرق انا كنت اعرفك والا مشبّه . انا احب البحر واللون الازرق واحب اغرق واحب اللي تحبّه . عليك من السلام النور لا اشرق نهارًٍ مفرق حجاجك مصبّه

عسى ماحصل يفداك يالخاطر الحساس ويفدى مشاريهيي ليا جات منقاده حبيبي عليك من الرضا و اليقين لباس وعلي الصبر حتى الوصل يبلغ مراده تعلقت فيك وشفتك من الحياه اساس و علقتني لين الحياه اصبحت ساده ادف الخطاوي كل ما تاقف الانفاس على كل ذكرى تشلع القلب بـ اوتاده

عليك السلام الوافر الي بدون قياس  ياعنقٍ عليه معلق باقي امالي مع انك بعيد وطرقتك تتعب العساس  انا اشوف حلي فيك واشوف ترحالي يطل القمر ولا يغيب القمر لا باس الاغلى تهون بـ حضرته قيمه الغالي عن الطلة اللي تنتظرها جميع الناس أنا في انتظار الطلة اللي على بالي

يا عذاب اللي لقى من ذكرياته صوتٍ يناديه وإحساسٍ يتلّه كن مابه حاجه أكبر من سكاته لا بدت تطويه الأحداث وتفلّه كل يوم وله من الشوق التفاته في مرابيه القديمات و محلّه وان بدا ينعاد له ماضي حياته عاش كلّه في شوي ومات كلّه