لم يكن الغرق مشروطاً بالماء فقط أحياناً يكون الغرق في حضن أحدهم😌 #هلوسات_ليلية😃

كترانين الشباب يلي بصورو تفاصيل يومياتن وحياتن على سوشيل ميديا أو بصيرو يعملو اسكتشات قال ان هني مهضومين🥴 معليش في قصص ما بتلبق الا للبنات يعني أنت كشاب طول وعرض ليه قاعد عم تنمحن و تنجلق كل نهار على تيك توك وانستغرام وغيرن لعما وين وصلنا🙃 #انقرضو_رجال🙂

أنا اليوم انسانة مبسوطة😃 طبعا كلكن لح تسألو ليه😁 لان بكل بساطة الغدا اليوم هو كروش و فتتة لسانات🤤🤤😍😍 لما بتكون المعدة مبسوطة بكون المزاج عالي ورايق 😌😂

لولا تويتر ما كنت لح اعرف ان بكرا في انتخابات بلدية🙄 صراحة أخر همي البلدية و انا ما لح انتخب أصلا ومن هلأ💩 على كل البلديات يلي حالها من حال هل البلد زبالة🥴 (باستثناء كم بلدية بكل لبنان) #قرفانة_من_كل_شي🥲

الجمال يكمن في تفاصيل 💜💙💛❤️🤍 #لبنان_الحلو😍😍 #البترون

لا صوت و لا حدث هل اليومين يعلو فوق صوت دوري أبطال أوروبا🔥🔥🔥ودوري الاوروبي طبعا👀 صراحة في شغلتين بعدن بس بفشو الخلق بهل الحياة الأكل طبعا 😋😋 و حضور مباريات الفوتبول 😍 بين برشلونة و الانتر أنا مع لعب الحلو 😁 #الفوتبول_عالم_تاني❤️

لك شو عم بصير😳الحرب العالمية الثالثة لح تولع و العالم ناطر مراهق عمره 17 سنة صابغ شعره أشقر يفوت غول و يأهل فريقة😂😂😂 دخلكن بالهند و باكستان ما بيحضرو فوتبول طيب يأجلو الحرب لنعرف مين بدو يربح دوري ابطال هيدي السنة😁

يعني طلع ضغطي اليوم ل18 بهل المباراة رائعة بين برشلونة و انتر 🔥🔥😂😂 منيح في فوتبول كل الضغط و الغضب يلي جواتنا بيطلع بالصريخ نحنا عم نحضر 😂😂😂

في حساب عنده الاف المتابعين على تويتر طلع نصاب وسارق مصاري من العالم بحجة المرض🥴 🔴القاعدة الاولى والاهم على تويتر: ماتصدقو حدن هيدا عالم افتراضي الكل في يكذب قد مابدو وفي ناس هون عايشة على شحادة بكذبها🙃 لح تنصدمو من كمية نفاق على تويتر🤐 #عالم_وهمي_ناس_وهميين_حتى_اثبات_العكس

يلي عم يتحملو أهل الجنوب خاصة القريبين على المناطق الحدودية ما حدن بيقدر يتحملو😓 كأن قدر أهل الجنوب يضلو حاملين تابوتن وكفنن على ضهرن وماشيين💔 لأيمتى هيدا القهر والظلم والعذاب والاهمال بدو يضل لاحقن🤬 الله يحمي الجنوب وأهله🙏❤️

الناقص يسعى دائما لإيذاء غيره كي يشعر بالكمال👌 #من_دروس_الحياة_القاسية

نصيحة وتشكروني بعدين: ما تصدقو ولا food blogger بقلكن هيدا المطعم طيب و بجنن كلن كذابين حتى الصادق شوي فيهن كذاب🙂 هول ناس عم يقبضو اذا أكلو خرا لح يقولو واو شو طيب ولازم الكل يجربو🥴 فخففو جلقان عليهن وبطلو تعملو لفود بلوغر قيمة 🙃

كذا جريح برصاص طايش لهلأ و للاسف في طفل مات وكله كرمال نتائج انتخابات بلدية ببلد كل شي في زبالة🥴 الحمدالله ولا مرة هل الشعب بيخذلنا ودايما ببرهن لالنا ان شعب متخلف وجاهل🤬 وهيك شعب ما بيلبق لاله الا هيك سلطة زبالة🙃 #رصاص_طايش #يقطعمركن_شو_متخلفين

من ايجابية ان نكون ناصحين بهيك طقس ان ما منطير اذا مشينا على الطريق😂😂 عم شوف قدامي ناس مش قادرين يهدو حالن من الهواء القوي لك سيارةعم ترقص من قوة الرياح🌬️🌬️🌪️ #الهواء_طاير_طاير

مربى التوت هو تاج راس كل المربيات😋😋 #حلو_طبيعي😍 قبل بعد

نحنا بلبنان لازم أكثر ناس ننبسط برفع العقوبات على سوريا لسبب وحيد: بيرجع الامل ان مليونين نازح سوري ملزق عنا يرجع على سوريا🥹 ملف نازحين لازم وضروري يكون أولوية لان صراحة قنبلة موقت ممكن تنفجر بأي لحظة بوجنا بنص دين هل الوضع خرا بالمنطقة🙃

وأخيرا 💃💃 مبروك للكل الشمال و خاصة أهل طرابلس باقالة هل المحافظ الفاسد و الزبالة والمفروض يتحاكم أصلا و تنعاد الانتخابات بطرابلس طبعا بقية المحافظين مش أفضل ولكن هيدا رمزي نهرا الأسوأ والأخرا على الاطلاق🙃

بخصوص العملاء طبيعي لما اسرائيل بدها تشغل عملاء تختار ناس من ضمن بيئة المحور والحزب ولكن الملفت جدا ان يكون هلقد في عملاء من ضمن البيئة وعلى مستوى🙃 قبل ماجماعة المحور تهاجم بقية لبنانيين وتفتح حروب معن كل الوقت روحو حاسبو قياداتكن وشوفو وين الخلل يلي خلت أقرب ناس لالكن تبيعكن🙂

الزمن عم يركض والحياة عم تركض والعمر عم يركض الا حظي كاسر أجرو مين 20 سنة ومش عم يتحرك🥲🥲 #يلا_مننظر_بعد_20سنة_شو_ورانا🧑‍🦳😂

كل الاحزاب مجتمعين بلائحة وحدة ببيروت ونازلين على الانتخابات مع بعض وهون على تويتر لح يوصل دم للركب بين أنصارن😹😹😹 الاول بيتهم تاني ان عميل وصهيوني والتاني بيتهم الأول ان ارهابي ومش لبناني طبعا نهار الاحد العميل والارهابي لح ينتخبو نفس لائحة😵‍💫 #سياسة_بلبنان_أوسخ_من_المجارير🙃