انت ك نايب متكدر .. ذنبه ايه الامتياز تكدره معاك 😅😆 ماهو كدا مش هيحبك فمش يعملك شغلك بضمير فهتتكدر بردو وهي جمعية ودايرة 🙄

في ملاحظة غريبة .. تمريض اقسام الجراحة لطيفيين 🌸🌸🌸 مش عارفة ايه السر في كدا بس دا شيء حلو ويارب يبقى عدوى وتنتشر 🙏🏻🌸🙈

المرضى بيقولولي يا ميس .. والحمدلله دا تطور بعد ما كان بيتقاللي يا حبيبتي ويا كتكوتة وانتي في سنة كام اللهم لك الحمد 🙏🏻🌸 برستيجي انتحر

يعني مثلا يوم برد دي دا بدل ما اقعد في البيت اشرب حاجة سخنة وادفى بشوية شوربة واكلة حلوة وانا تحت بطانيتي الجميلة الناعمة .. افضل متكدرة كدا على ما ييجي معاد الإمضا اللي ملهاش اي ٣٠ لازمة حلو الامتياز دا .. حلو اوي فعلا

شيفت الجمعة اللي الواحد يصحاله الساعة ٦ ونص وينزل يبيع لبن فيه دا اكبر تكديرة في الدنيا

بس انا مكنش ينفع اخد شيفتات نايت مع حوار البصمة القرف دا

الساعة ٢:٣٠ -> الشمس حرقتنا والحر فرهضنا الساعة ٤:٣٠ -> المطر غرقنا والسقعة تكتكتنا

لو كون حد بيعمل بضميره واخلاقه وبيجبر بخاطر غيره في شغله ومبيرميش اللي يقدر عليه على غيره ويتهرب منه .. لو دا اسمه هبل .. يبقى انا هبلة ومش هعرف ولا عاوزة اعرف اغير دا فيا بقى مفهوم النصاحة دلوقتي هو قد ايه هتعرف ترمي حمل الشغل على غيرك بدهاء شكرا انا راضية بهبلي وعدم دهائي دا

اعاتب النايب اللي مقدرش اني فضلت بعد معاد شيفتي وكلمني باسلوب مش لطيف .. ولا اوصل ضيقي من الموقف للسنيور بتاعه .. ولا اطنش وافكني خالص ؟!

من انجازاتي الصغيرة النهاردة : ١- ولا رزاية لزقت في قعر الحلة ٢- عملت انا وتسنيم بيتزا ولا اروع

الواحد في مرحلة تستيف الورق دي كان نفسه يبقى في الشتا بدل الحر والفرهدة كل يوم كدا واحنا لسة بنقول يا هادي 😪🙈

Stress gastritis دا حاجة مقرفة اوي بجد ونفسي اخلص منه في اقرب وقت والله

بابا بقاله حبة بيتصل بيا كل نباطشية يسألني عاملة ايه ويتطمن عليا ويقفل .. ودي احلى حاجة بتفرحني طول اليوم ♥️ ربنا يديمه فوق راسنا ويصرف عنه كل سوء يارب 🙏🏻🙏🏻

مضطرة اتعامل في حياتي بشخصيتين واحدة مسئولة بتدي اوردرز وبتدير وبتحل مشاكل وبتاخد قرارات .. وواحدة بتشتغل في مكان كمرؤوسة بتنفذ اوردرز وبتستحمل سخافات وفساد مش بإيديها تغيرهم .. كل يوم لا كل ساعة مضطر تتحول من شخصية للتانية .. واحيانا بتبقى الاتنين في نفس الوقت موضوع سخيف جدا