بعض البشر زوله يغرّك وجسمه والا الحقيقه ما ورا الثوب رجال خبلٍ عديم الراي والزوم قسمه مهارته صارت مع القيل والقال ورا المصالح طول الايام رسمه له رغبةٍ باهل المناصب والاموال وقت اللوازم راح علمه مع اسمه يالله عسى ما له بالاجواد منزال بـ✍️ي #سليمان_العليّان

إيـاك تـشـمـت بغـيرك يبتليك الله أو تنبش عيوب غيرك تِنبش عيوبك واحـذر تـكلـم كلامٍ مـانت كـفـوٍ له تضـيع هيبتك عند الخـلق ودروبك وابعـد عن اللي يضـرك كـثره وقـله إن كان تـبي السـلامه دربـك وثوبك #سليمان_العليّان

بعض البشر ما هو بيسوى ربع قرش وعـنـد الـعـرب مـا غـير مـالـه يـرزه والبعض له بالطيب والمرجله فرش يلقى من اهـل العـرف قـدر ومعـزه في كل قلبٍ دمث الاخـلاق له عرش مــع الــثــنــا لـه حـلـة الــود بــزه #سليمان_العليّان

#بوح_lلخاطر حـان الـوداع ومـا بـقى شي ينـقـال والصمت سـاد وعبرت دمعة العين وآهـات جـرّت بـين الاضـلاع مــوال وقلوب ترجف من لظى لحظة البين يـا حــزة الـتـوديـع : كـدّرتي الـبـال يـا ليت عـن جـو الـولايـف تصـدين #سليمان_العليّان

لا جـيت مجلـس فالـتزم في نظـامه وإعرف ترا المجلس له آداب وسلوم إحفظ مقـامـك فيـه واحفظ مقـامه خلك تجي محشوم وتروح محشـوم كـم واحــدٍ ضـيّـع مــقـامــه كلامه من هـرجـةٍ ما هـو بـهـا كان مـلزوم #سليمان_العليّان

#سيحه_البال بعض السوالف ضايعه مثل ما قيل (حكيٍ على غير النشـاما غـثـا بـال) ودك الى الواحـد يعرف الرجـاجيل اللي لهم في سـاحـة العرف منزال للسـالـفـه وزن ومـكان وتفـاصـيل عند الذي عنده لـهـا مـيز وعـقـال #سليمان_العليّان

كم مجلسٍ يترك ويجفى وينعاف باسـباب شـخصٍ به يقل احترامه مع ثقل دمه للسـخـافـات ميلاف يـطـلـق لـسـانـه ما يثـمّـن كلامه هذا وجنسه عنده النقص ينشاف ما تلـحـق اللي صـد عنه المـلامه #سليمان_العليّان

نفسك بلبس الشرف والعز جملها والخـير والـبر والحسـنى تحـلّـيها من طيْب الاخـلاق عطّـرها وكملها والذكر خله عن الضـيقه يسـلّـيها واحـذر من اوزار خلـق الله تحملها باسـبابها صـالح اعمالك تخـلّـيها #سليمان_العليّان

لا صـار في صـدرك من الضـيق تكه مـع عـبرةٍ حـلّـت ، ، وزادت ضـراوه وجيش النكد خـرّب مـزاجـك وركه والوقت ضـامك بالجفـا والقسـاوه خـل الـرجـا غـالـيـك والـيـاس بكه وادخل على الله وابيض الفال خاوه #سليمان_العليّان

يـا نـور فكـري يا مغـذّي خيـالي يـا غـالي آمـالي ومـالك مـيـولي عليك يصـلاني من الشوق صالي واحس ما غـيرك بالاحباب حولي سـكنت في قلـبي وبـاريـت بـالي يا همي المشكل وواضـح حلولي #سليمان_العليّان

#صباح_الخيرᅠ بعض العرب في حزة الضيق تلقاه ياقف معك مخلص بماله ورايه والبعض يخلف هقْوتك حين تنصاه ما له بدرب الطيب علم او درايه عليك باللي يبذل الجـهـد والجـاه اللي الى جيته تحصّل عـنـايـه وابعد عن اللي منه الافلاس مجناه دام الكرامه لك مع العز غـايـه #سليمان_العليّان

ياللي قطفت الورد من قلبٍ اغلاك لا تـتركـه يـذبـل وهـو بين ايـاديك إسـقه بحبـك واحتفظ بـه بدنيـاك وارسـم على نفحـة عـبـيره امانيك الـورد وردك ، والـهـدايـا هـدايـاك وردٍ عـبـيره منك ما هـو بمـدمـيك #سليمان_العليّان

ودي اسـولف بك على كل من كان من كثر ماحبك ومن فرحـتي فيك لكـني اخفـيـتـك وانا فيك فرحـان واخترت مع قلبي اسولف بطاريك للسالفه بك روح واحساس واوزان والحرف حرفك والمعاني معانيك #سليمان_العليّان

#بس_اقول أحـدٍ يـدوّر بالـخـلايـق عـذاريب واحدٍ بهـم عينه تشـوف المـزايا كلٍّ بطبعه له مذاهب واسـاليب بالناس له نظره وشـرح وقضـايا والرابح اللي نظرته نظرة الطيب يغض طرفـه لا يشـوف الخطـايا #سليمان_العليّان

قلـبي لقلـبـك بالمـحـبـه تقرّب عسـاك ترغـب يا نعـيـمه بقربه وهـو على رجـواك شـرّق وغرّب ويشـوفك آفاقه وشـرقه وغربه لاجلك على سـلم المحبه تدرّب واصبح على حبك مساره ودربه #سليمان_العليّان

#مجموعه_الخواطر إضـحك قبل لا تثقل الضـحكه عليك وتـشـوفـهـا صـعـبـه وعـمـله نـادره واعرف تـرا حبـل السـعاده في يديك مـا دام لانـفـاســك بـصـدرك بـادره إضحك ترا الضحكه تجي منك واليك دام انـهـا لاســعـاد قـلـبـك صــادره #سليمان_العليّان

بعض البشر لا حضر مجلس تفرد به مـا غـير يـقـرق ويسـتعرض بطـولاته والـكـذب عـلمـه تمتـع بـه وغـرد به مـاحـدٍ يـسـكِّـته لـريـالٍ بـمـخـبـاته قـل الـحـيـا مـع ردا فـعـلـه تبـرد به جاهل يظـن البشـر تجهـل بهـفـواته #سليمان_العليّان

قال : السلام ، وقلت : جا لك سلامي مع الـغـلا والـود واحـلى ابتسامه حـيّــاك ربـي يـا مـبـدد ظــلامي يا ألطف احساسٍ مـلكـني غـرامه قال : انت لك حبي وكل اهتمامي واخذت من قلبي رفيع العلامه قلت : اسـتمعني يا جميل الاسـامي خـل الـغـلا بـيـني وبـيـنـك مقـامه #سليمان_العليّان

#صباح_الخير_والسعاده عطـني دقـايق لاجل عـيني تشـوفك واروي نواظـرهـا بشـوفـة محـيـاك وان كان حالت دون شوفك ظروفك يـكفـيـني اني لا غفت عـيـني القـاك عـيـني وقـلـبي بالمـحـبـه ضـيوفك يا مكـرم الضـيفـان كل الغـلا جـاك #سليمان_العليّان

الصمت حكمه لا تعرّضك السفيه والهـرج مع جـاهـل بـتركه فـايده والبحث باللي ما يهـمـك لا تجـيه والكلـمـة العـوجـا بنقصـك زايده واتـرك قلـيـل المعْـرفـه لا ترتجيه تـرا صـحـيح العلم منتب صـايده #سليمان_العليّان