إحساس انك خسرت كل حاجه وانك المشكله دا مزعج

إحساس ان نفسك تتحب وتبقى محبوب رغم ان الناس بتحبك بس انت دماغك فشخاك تفكير في قد ايه انت شخص غير محبوب ولا يستحق الحب إحساس لا أتمناه لألد أعدائي

والله ربنا يسامحك يا بابا علشان لو حصل اللي انت قلته مش هعرف أسامحك طول حياتي

يعني ايه أنا السبب في كل حاجه؟ يا أمي افهمي مش هقدر أسامحك بجد بعد كل السنين دي يعني مستنياني بجد أنا اللي أخد الخطوه في علاقتنا دي؟ مش أنا اللي كنت بقولك اضربيني وانا صغيره وأقفي ضدي في كل حاجه وكل ما اشتكي تقوليلي أكيد انت السبب لا يا ماما مش أنا السبب والله

أنا كنت مواظبه على حفظ القرآن وكان مستوايا كويس وكنت بقرأ ورد وأذكار يوميه ومحافظه على صلاتي حاليا مقصرة بطريقه بشعه ومش عاجبني الوضع ونفسي أرجع تاني، بقيت أغلب اليوم نايمه على السرير مش قادره اقوم ولا ليا مزاج أي نصايح علشان بجد الوضع مزعج

ماما بتقولي ربنا يلعنك شكرا يا أمي😆😆😆

مش عارفه إذا كنت هقدر أسامح أهلي انهم ضيعوا عليا فرصة إني أعيش حياتي وأجرب حاجات جديده رغم كل اللي كان في نفسي لا عيب ولا حرام بس ازاي بنت وعايزه تعيش؟

يارب عجّل بديسمبر وسقعه ديسمبر وشتا ديسمبر و شغف ديسمبر

المضحك ان الأكونت الأساسي أنا أكتڤ عليه واغلبكوا يعرفني وبنتفاعل سوا بس الأكونت دا للجانب اللي مش بعرف أقوله هناك علشان الناس هناك تعرفني ف قمة الضحك والله

كدا كدا محدش يعرفني هنا أنا عندي اضطراب قلق أصلا والوضع مقزز ومكملتش جلسات الثيرابي😆😆😆

الفكرة أنا هبقى بنتهم لما أكون بسمع الكلام وبجيب درجات كويسه ومحترمه، انما لو عملت حاجه عكس كدا أنا مش بنتهم. هما بقى هيفضلوا طول الوقت بابا وماما مهما عملوا وأنا مشاعر ميتيني مفيش ليها أي لازم علشان كدا انت بنت عاق يا مارسلين!😆😆

والله يا ماما مش فاهمه مشاعري نحيتك والله