من صب لي من دلته ربع فنجال صبيت له من خافق الروح دله

غاب عنّي والوله خلاّه عندي في غيابه مادرى ان فرقاه نار ولا درى ان لاماه جنّه ياوجودي وجد من صفّق على ماضي شبابه بان شيبه والسنين اللي يبيهن خالفنّه غرّته خضر السنين وراح عمره مادرى به غرّرنّه وارفعنّه لين سجّ وحولنّه

بعد الفراق اللي مثل واهج النار ماعاد لي في باقي الحب عازه فقدت من يدرى على القلب ويغار وحبه ورى حدب الضلوع ارتكازه الحب .. من فرقاه خليته يسار وسلمت تسليمة ' صلاة الجنازه

الوقت هذا ، وقت حظك ومخباك وإن زاد مالك كل ربعك يبونك وان قل ماعندك رفيقك تعداك ولاهو بعيد ابن عمك يخونك ماينفعك هذا ولا ينفعك ذاك الله يعينك كان خابت ظنونك مهما حرصت انك تزين سجاياك اكثر عباد الله ماينفعونك

ماكنت اظن الحب تمثيل وافلام ولاكنت اظن بيوم عني تصدين - اصبح مقامك جزمة تحت الاقدام كل مارفعتك غصب مني تطيحين - عيشي على حب المذله و الاوهام وابقي على ذا الحال لين ماتموتين

الغلا جسمٍ رقيق ومرهف احساسي ثيابه مثل غصن الورد يومٍ الهبايب يطرقنّه مازرعت إلا غلاه ولا نقلت إلا صوابه والحشا ماضاق من خضر الطعون المستكنّه الظبي ماله شبيه وبينك وبينه تشابه إلتفت بشويش وألقى فيه منك وفيك منّه

ماعاد فيني حيل لمعاتب النّاس مليت اداريهم وأساير هواهم . اللي ييون القرب على العين والراس واللي يبون البعد ربّي معاهم

تكوي كفوف قبل عامين ترفاك وتبوق قلبن معلن لك سلامـه روح ترانيي طايب النفس مابغاك حكم طغى ما عاد ينفع نظامه لا تقول وش صابك ولا اقول وش جاك " حسابـنا وياك يـوم القيامـه "

خلك سما واترك أهل القاع للقاع وارفع عيونك ، للنجـــوم المطله! وخلك مثل ما قيل للعـزم تبّاع مافيه صعب ، إلا وربك يحله!

صدورنا صافيه والجود فالموجود يالله عسى هالليالي كلها صافيه جعله يجي العيد لا فاقد ولا مفقود والله يعوده علينا بصحه وعافيه

مشغلني التفكير في بعض الأمور تجمعت في وقت واحد كلهّا محتاج لي مخرج ومنفذ للعبور للشجره .. اللي تحتويني ظلها صبرت فالدنيا وانا مّاني صبور ! شيّبت من كثر الهموم و حملها أحلام في عقلي و في راسي تدور بس النهايه ما قدرت اوصل لهّا

اليا حكو فينا الرخوم المهابيل أهل النمايم واليدين البخيله صم الجبال اتعدل الروس تعديل هذا جزاء اللي فيه لفه وميله صنيعكم عرض الجبل ياهلّ القيل من صد عنكم وش تبون بسبيله مافيكم أحدن راح مثل الرجاجيل الكل منكم ياحياة الرذيله

في عينها دوله وفي رمشها كون وفي محجر عيونها هلاك القبايل . خلقه من الله دون مكياج صالون ينطف حلاها زين و الكحل سايل

من لا يقدر هـيبة السن والشيب يطيح من عـين الرجـال احتـرامه اصغر عيال الذيب يكبر وهو ذيب وفـرخ النعامه طول عمـره نعامه

سلم على جدي عسى الخلد داره وقله على درب المعزه تبعناه وسلم على جدي رفيع المناره وصيته وهوه تحت الثرى مادفناه وسلم على جدي وقله خساره في وقتنا مافي مثله وشرواه

بشويش ياللي تلبس البشت بشويش خفف على ضغط الكراسي جلوسك اكبر طموحك ضلعةٍ في طرف عيش لاجارد سيفك ولاشلت قوسك صور سناب لناقضات العكاريش ياشيخ تالي الوقت مازين ضروسك وقت الرخاء ديك الحبش نافش الريش ووقت القساء يجيك حرٍ يحوسك

يدوخ راسي لا سمعت الفناجيل ويطيب راسي لاتقهويت دله الدله اللي تطبخ من البن والهيل هي الدواءلاصار بالكيف عله

هلا مرحبا . . بالنادر الغالي الجذاب تراحيب قلبي فيك من قبل ترحابي تدري اني شخص ماني سريع اعجاب ولا كل حاجه عابره تكسب اعجابي دخلت ف حياتي عرض من اوسع الابواب وانا للحبايب . . . ماني مشرّع ابوابي وسخر لك الله كل سبه من الاسباب و خلاك سيد قلبي وسيد احبابي

ياليل يعجبني سكونك وهاويك مغير انا وياك والناس نامت فكري لقاله راحتٍ في مساريك والنفس في مسرى لياليك هامت"

سولف وتنبت بالصدور النواوير واقطف غلاك من العمر ماحيينا ياكثر مايفرق حضورك عن الغير مثل المطر مهما هطل ما اكتفينا يا بحر جودٍ ما بشطّك معاذير وقلبك لنا عن جور الايام مينا قلبك وطن وانا ومثلي جماهير لنا وطن .. لكن معاك انتمينا