رفيقي الطيب عدو العذاريب دايم لـ صعبات المواقيف وجْهه اشوف في وجهه بدا الشيب والشيب " من زود قولة بيض الله وجهه "

يابن الحلال افلح وذبّ الخريمه الى حصل لك كسوةٍ ترتديها ماقول لك مال التواريخ قيمه لكن ماحب اللي يخوضون فيها ليه المجادل في العلوم القديمه هذي علومٍ مالحقنا عليها الوقت ذا وقت الرخا الله يديمه ياللي تدوّر مهرةٍ تعتليها لي فـ المراح اكثر من امية بهيمه الفارس اللي فيه خير

الألسن تشابه كلها بين فك وفك لكن فرقها في منطق الرجل واسناعه لسان النزيه من المسبه يركه رك ولسان الخبيث الله يقصه من القاعه

يجيني ليا ضاقت عليه السبُل وارضيه و حتى الطريق الصعب لرضاه ذللته

كبار الهقاوي ماتعلق على البيبان والامجاد من يتعب لها تحفظ سجله ياراعى الجناب الدمث والمحزم المليان اعرف آن طيبك فطره ولينك جبله احدٍ وقفته لا شح وجه الزمان تبان واحدٍ لا اصتفق موج الدهر بان به خله الله يقطع اللي مثل ماقال ابن جدلان لو الناس تصفي كلها ماصفى كله )؛ محسن بن مترك

الدروب الجرد رمضا وانا اشكي من ضماي و السراب و طول الآمال " عوّان الظما " ودّي اظهر من جهام الطموحات بـ عصاي ماخسرت اغلى مبادي و لا اعزّ انتما

يالله ياللي كلنا منك وإليك ياللي بذكرك تستلذ ألسنتنا إن ماتهيّت رحمةٍ من مناشيك وإلا ترى ما اعمالنا منجيتنا عبدالله العير

وجدي وجود اللي يخدر ليا فاق وليا صحى ف اللي حواليه بَرّق ضاقت على روحه وسيعات الآفاق نوبٍ يغرّبه ، ونوبٍ يشرّق ضرب الابر في يديه والصدر والساق تقول مرمي ب الرصاص المخرّق

ما رضى الطيّب على الطيّب غبينه ..

حصلت لي مشرب مايروي الظامي لا ادركت خيره ولا افتكيت من شرّه

رعبوبتي لا فاخرن الرعابيب حفيده اللي يقبلون بزوامل لاتنثرين الدمع دمع المره عيب في عين حر منكسر ويتحامل -محمد ابن الذيب ..

ياما تنازلت عن "حقي ومصلوحي" حتى لو "الكلمة العوجا" على لساني يفتل حبال الكلام وينقض جروحي ؟ اللي على "أتفه ذنوبي" .. ينكر إحساني وأنا علشان "غيري" .. موجعٍ روحي ولاحدٍ موجع روحه "علشاني" - جابر النشيرا

ياجعلني ما أخسر حبّك و لا أعتاض فيك ولا أخلى من غلاك و شوقك الفوضّوي - صالح النشيرا

ياهل الوعود اللي ما منها منافيع المجد ما احدٍ يكسبه بالمناوي فيكم ظنون اهل المعرفه مكاويع بعد انكفت منكم زمول الهقاوي في سوقكم بالذات لا اشري ولا ابيع ولا شفت بريه ولا عود جاوي اللي ماينفع في صغار المواضيع والله ما ينفع في كبار الدعاوي

معك اغتنيت من الهوى والحب يامال الغناه و حببتني في أيامي اللي ماهقيت أحبها أنت الحياه اللي عطت للناس معنى للحياه وأنت النعيم اللي عليه الناس تشكر ربها.