تحسب ان خاطري دايم على كيفك يوم تضحك ويوم مسويٍ فيها لو أنا صاحبك وأغلى مواليفك المزاجات من طبعي مدانيها كان حبي تربع في سراجيفك وص نفسك ونفسي لاتوصيها ابك أنا افز لامن مرني طيفك وانا من عزوةٍ تلطم معاديها وانت نظرة عيونك تعتبر سيفك غمد سيوفك الله لايحييها ✍️مفلح هادي

لو خذيت الحب من باب التسلي كان ماضاقت علي الأرض الوسيعه طبعي ان حبيت أجي للحب كلي بس لايمكن يجي حبي ذريعه اقدر اجيد الجفيا والتخلي واعرف أسلوب التحايل والخديعه والمنافق لو يصوم ولو يصلي تكشفه دورات الايام السريعه ✍️مفلح بن هادي

ياهيه أنا مانيب شحاذ اهتمام اعطيك مثل اللي تقدم من عطا تخطي وتلحقني مشاريه وملام وتشوف نفسك صح والعالم خطا المحترم يفرض علي الاحترام ومن زل قلنا له مراويح القطا ✍️مفلح بن هادي

الموعد اللي ماتت أحلامنا فيه ماكان موعد كان مسرح جريمه البيت هذا. كني. اللي مسويه جدد علي بعض الجروح القديمه ماعاد ابي كلمة هلا عقب لبيه تثر على صدرٍ ضلوعه هشيمه ✍️مفلح بن هادي

قطع كبدي منك والا بري حالي المهم. اني عليك أجوع واظمى انت لو انك على السنه حلالي صرت حاكم دولةٍ فالغرب عظمى ✍️مفلح بن هادي

ترى الخاطر اليا طاب والنفس لاطابت تقفي ضعون الود معها وتبعدها الايام وش ودت والايام وش جابت لاتقعد تحسف والمواجع تعددها مادام الهقاوي مع طويل الرجى خابت سيوف الهجر للي يبي الهجر جردها ✍️مفلح بن هادي

شعور المحبه وانتكاس الغلا والشوق عليها السلام ورحمة الله من اعماقي لاشفت السحاب اللي بليا رعد وبروق دعيت الله انه يسقي عروق خفاقي على شان يحيي قلبي الذابل المحروق لأمنه انتعش قلبي مافكرت ف الباقي لو ان المحبه سلعه تباع وسط السوق ماضاعت مشاعر حبي وشانت اخلاقي ✍️مفلح بن هادي

اعرف البعد والليل الطويل وحيلة الكذاب لكن دروبكم يامدبلجين الكذب ماسكها ترى طبع الملكع يبتسم لو ذاق سم الداب يمشي حاجه وحاجه معا حاجه يشربكها على شان يعرف وشلون ب اسلوبه يصك الباب ولو صبره. يقوم. له جمالٍ من مباركها ✍️مفلح بن هادي

النوايا البيض تظهر ماتخفى اصبر وتعطيك نيتك الحقيقه ✍️مفلح بن هادي

كل ماجيت اتحاشى زلتك في حقي الكرامه وقفت بيني وبين الزله انتهت روح المحبه والغلا المتبقي شل عفشك والطريق اللي تبيه تدله والا أنا بالصبر من نار الجفى متوقي كيف وانا ماتوقى لامسكت الدله🔥👌 ✍️مفلح بن هادي

اتصالي معك ماغير تحصيل حاصل وانت عارف وداري عن رفيقك وسده لعنبو ذا الوصال ولعنبو ذا التواصل كان مافيه حب وكان مابه موده انتبه لي قبل لاحط للوصل فاصل ماورى الفاصل إلا كسر خاطر وصده ✍️مفلح بن هادي

ماهيب فرصة ملاقى أم العيون النجل👍

حنا نظيفين مبدا خل الاشكال مادام عينك على زين المظاهر ترى القمر يكتمل ويعود هلال وإلا انت مكشوف من تحت المجاهر مبداك مشبوه والمشبوه لازال على عمياه لو يصير ماهر ✍️مفلح بن هادي

والله انه مانكب مستقبلي وأحلامي غير كلمة ورد الوايت ورد الناقه

ان لحقنا من عناء الوقت والدنيا صلف نتحمل ونتجمل وحيل الله قوي مره نسلف ومره ندورها سلف البطون جياع والذيب يقنب ويعوي الكريم اليا لفى الضيف بالواجب حلف والبخيل اليا لفى الضيف وجهه يلتوي ✍️مفلح بن هادي ٠

أبحرت في غبة امواج الغرام وعبرت مابين طوق الهلاك وبين طوق النجاه عزالله اني على بعض السوالف كبرت تمرني عابره مااوليتها الانتباه والحاجه اللي لها فتره عليها صبرت صبر المريض التعيس الي يدور دواه مصيرها تنتهي كسرت والا جبرت ومصير راعا الخطا يعرف نهاية خطاه ✍️مفلح بن هادي

والله لو اموت من حزني ونزف الجروح ولو العشم في معاليق الضماير بكى لااخفي معاناة صدرٍ من همومه يفوح وانت اعتبرها غبى والا اعتبرها ذكى الرجل ماهوب من طبعه بسره يبوح أنا اكره اللي اليا منه تضايق شكى خلوني اصد وأبعد في حياتي واروح أنا عزيز المقام اللي سكت ماحكى ✍️مفلح بن هادي

على الله ياعام العام الأول وعام العام ياسبحان من غير شعوري ووجداني من اول مغير اضحك اليا هبت الانسام وهلحين لو يذعذع النود بكاني ترى من فقد نص أمنياته وطاح وقام خذا درس من دنياه مهوب مجاني لاشال الثقه من جملة الناس مايلام عشان الثقه ماتنعطى فلأن وفلاني ✍️مفلح بن هادي

فلسفة شعري وتفكيري وبعض أشعاري ماتلايم لااكثر العالم ولاتفرحها يدري الفاهم وانا اللي داري انه داري اني اجامل عباد الله والا أصارحها الصراحه في بعض الاحيان سلكٍ عاري لو تنوشه يد لميس الناعمه يجرحها ✍️مفلح بن هادي

ماعاد يغريني كلام المحبين اللي يقولون الكلام الملفق مادام عمري وصل تسع و٣٠ بريح ركاب العنا واترفق عيني على الدنيا وقلبي على الدين واطلب عساني في رضى الله موفق عساني الاول بصف المصلين واليا سجدت دموع عيني تدفق ✍️مفلح بن هادي