كل حاجة، كل حاجة رزق من ربنا، ولو مش مؤمن يا سيدي سميها أي حاجة، غير إنك تشوف إنك تستحقها. والله لو فكرت كام واحد زيك بالظبط وأحسن وأنت رزقك أوسع هتعرف إنها مش بمين يستاهل خالص.

لو حد قالهالي هقوله العفو بس أنت اتأخرت أكتر م اللازم بصراحة واستنيت كتير وده مينفعش، أصل كدا أنت ذكي يعني؟ يعني متأخر ومفروض تعتذر، دلوقتي بقيت متأخر وتنح.

وقع كلمة عافته تقيل حبتين

شكله شبه البيوت اللي واجهتها سيراميك على طريق المنصورة

بحب لويجي برناديلو لسبب ملوش علاقة بكتابته، وهو إني وأنا في تانية إعدادي مدرس العربي صديقي-وكل مدرسين المادة دي في كل المراحل كذلك- جاب لي كتاب قصص إيطالية بتاعته وقالي اقرأيه عشان أنت موهوبة هتكبري تبقي كاتبة🥹🥹 وكنت مروحة مبسوطة جدا فكل ما بشوف حاجة عن برانديلو بفتكر الموقف ده

محتاج ٢ متبرعين فصيلة بي سالب دلوقتي ل إيمان يحيى سويلم التواصل مع عبدالرحمن عبدالعزيز مركز جراحة الجهاز الهضمي المنصورة 01098046549

قولو نجيل القرية على حدود المنصورة، هي أقرب قرية للمنصورة كأنها جزء منها. موجودة من ٣٠٠ سنة تقريبا واسمها له قصتين: إنه تحريف ل along the Nile إنه عشان القرية اتعملت وقت العثمانيين جاي من كلمة مستعمرة اللي هي koloni بالتركي. شكرا وانتظروني في معلومات ملهاش لازمة بحب أجمعها.

هو مفيش حد رأى أحد أشباهه الأربعين في الشارع عادي؟ مفيش واحدة شبه مدرسة العربي بتاعتها مثلا؟ كلها مارلين مونرو وسعاد حسني؟ وبعدين مفيش حد شبه الفنانة نادية الجندي خالص؟

ليلى علوي دي عشان حاجة لها علاقة بالكتابة والله محدش يفهم غلط.

احنا في وقت الواحد لازم يقبل فيه من الناس الحد الأدنى من كل حاجة: من النبل والأخلاق والرحمة والذوق والمراعاة والإنسانية والأمانة والتمييز. لإنه فعلا زمن ردئ بشكل محدش كان يتخيله. أقل قدر من التمييز والذوق بقوا حاجة الواحد يحمد ربنا لما يشوفها حواليه.

نغاشة نغشة..

الفيديو ده والفيديو اللي في التويت الأصلية، الاتنين من الدقهلية، والله حاجة محرجة شوية.

نفسي يبقى عندي عشر عربيات تويوتا كورلا وخمستاشر حتة توسان وستة وتلاتين حتة سبورتاج، أبيع منهم كل سنة كام واحدة لعشاق الحالات النادرة والشاذة في السنبلاوين ونبروه، أبيعهم بأضعاف قيمتهم الحقيقة وأصرف من فلوسهم باقي السنة.

لما يكون في فيديو مثلا عن مصر، بفضل أقرأ كومنتات العرب من أماكن مختلفة وهما بيحكوا عن ذكرياتهم مع القاهرة وقد ايه بيحبوها ومش بينسوها وأعيط، أقرأ وأعيييط. 😭😭 والله مفيش زيها للأسف.

جبت شمع لطيف جدا من areencandles.store وكان في شمعة اتأثرت حاجة بسيطة من الحر بس شغالة وهما أصروا يبعتوا واحدة تانية ومعاها هدية كمان. جبت شمعة الأيسد كوفي عشان مش بشرب قهوة كتير الأيام دي لظروف صحية، فريحتها بتعوضني. وشمعة على شكل وردة ريحتها جميلة جدا بجد. ريكومندد.

بحب صور الأكل اللي مش مهتمين جدا بصورته، يعني عندي أصدقاء بيصوروا اللي بيطبخوه عادي: الخطوات وهو في الحلة العادية بتاعة طقم حلل الجواز دي، وبعدين طبق طيب مصري كدا.قصدي معملوش أي خطوة زيادة عشان الصورة مخصوص.أكل طبيعي فيه شوية هرجلة ولمسة عشوائية إنسانية محببة.

فإن الظن أكذب الحديث.

عملت مج شاي بلبن قد دماغي في محاولة للبحث عن أي نوع من أنواع الأمان المفقود، نفسي الشاي بلبن يشتغل ويداوي الفزع اللي حاساه.