ذو فِكر علمي وإنساني أصيل ولكنه فقير مادياً يبقاله وضعه وإحترام أعلي بآلاف المرات من متغطرس سفيه ولكنه غني جداً مادياً ، الرأسمالية عمرها ما هتكون المتحكم ف شخصيتنا الكريمة..

أندية السعودية سايبين كولر اللي واخد اكتر من 10 بطولات مع الأهلي وإتفقو مع جوزيه جوميز اللي واخدله بطولتين بالعافية مع الزمالك ، إحنا بننتمي لنادي نحس نحس للأسف..

أسبوعين ياعالم أسبوعين وأكتر ع غياب إمرأة نوبية "آمنة محمد يعقوب" من منطقة (فيصل-الجيزة) ومحدش يعرف عنها أي حاجة! ؛ كل لحظة بتعدي بتزيد صعوبة وألم ع أهلها وناسها وكل معارفها ،، اللهم يا راددَ الضالة نسألكَ بعزّتكَ وسُلطانكَ أن ترُدّ علينا ضالتنا فإنها من عطاياكَ وفضلكَ ورزقكَ..

(محدش ينسي) ،، خلينا دايماً فاكرين إن الإلحاح ف الدعاء والثقة بالله هما مفتاح الإجابة وإن "كل ما يكتبه الله" لنا دايماً دايماً خييير..🙏🏾❤️

مفيش فرق بين ٣١ ديسمبر ٢٠٢٤ و بداية السنه الجديده 2025 ، الفرق ما بينهم زي يوم التلات والأربع مثلا لكن الفرق الحقيقي ف التواريخ بيبقي بين ٣٠ شعبان و ١ رمضان ،، فاللهم بلغنا رمضان لا فاقدين ولا مفقودين..🙏🏾❤️

تبقي قاعد لا بيك ولا عليك تلاقي نفسك عديت ال28 سنة..!😅

صفقات الزمالك الجديدة ، يعقوب قمر الدين دبيازة وخالد كشميري وخضر كراويتة وإسماعيل أحمد قنباوي وعثمان عبدالجليل ششة ومحمد سنبل وحسبي الله ونعم الوكيل ف اللي كرهونا الكورة..

مظنش ان مرموش هيوصل لرُبع اللي عمله صلاح ع ملاعب إنجلترا بس نتمني ذلك لإنه شخصية سَالكة وتستاهل الخير..

قُل لليالى أن تُطيل ظلامها فقد اقترب اللقاء ولا نُريد المُلتقى..🏃🏾‍♂️😅

اللهم إنقلاااب ف موازين القوي ف العالم يتبعه القضاء ع الرأسمالية..🙌

يعني هي جت ع الكام سنة الحلوين اللي هنعيشهم ف العشرينات والعالم يغفلق! ، جيل نحس..😅😂

نعم لإلغاء ماتش القمة القادم..

هدف الزمالك اللي سجله بن تايج عالمي ع فكرة ، جودته ومتعته من البداية ف عدد التمريرات اللي جه منها الهدف..

بعد تجميعة من الملاحظات ف المجتمع بتاعنا إستنتجت إنه عشان النوبة ترجع قوية من تاني لازم نبدأ بإلغاء الشعار أو اللقب اللي مشهورة بيه كل قرية لإن التركيز بقا منصب بالكامل ع الجزء فقط (القرية) وليس ع الكل (النوبة)..

أصدقائي وأحبابي، إحياءً لسنة نبينا في التبشير بقدوم شهر رمضان ، أبشركم وأهنئكم بحلول الشهر الفضيل لعام ١٤٤٦هـ الموافق ١ مارس ٢٠٢٥م ، كل عام وأنتم بخير تقبل الله منا ومنكم صالح الأعمال وبلغنا وإياكم رمضان غير فاقدين ولا مفقودين وأعاننا جميعاً على الصيام والقيام وصالح الأعمال..🙌❤️

ع قد الشعور بالرضا بإنتفاضة النوبين عامةً ع الفيس بوك ضد اعلان بلبن العنصري ع قد الشعور الداخلي اللي بيهمس جوايا بإننا مازلنا برضو بنتحرك ف مواقف لا تُسمن ولا تُغني من جوع ورامين ورا ضهرنا حقوق نوبية ليها أكتر من 60 سنة مشوفناش منها أي تنفيذ..

ده وإن دَل فبيدل ع اننا كزملكاوية بنضع المبادئ قبل العاطفة وده نادراً لما يتشاف من اهلاوية! ، الانسحاب ده بالذات ف ماتشات القمة معناه هروووب وخوف من المواجهة مهما كانت الاسباب والمفروض دايما بيبقي آخر اختيار مش استراتيجية رئيسية..

-"ليس كل مايتمني المرءُ يُدركه تجري الرياح بما لا تشتهي السفن". -"وما نيلُ المطالب بالتمني ولكن تُؤخذ الدنيا غِلابا". -نتمني و في التّمني شقاء وننادي ياليت كُنا وكانوا". ___________ فعلاً الفرق ما بين الأماني والحقيقة زي الفرق بين الدوائر والخطوط المستقيمة..

الأشخاص المتآصلين مش بتتغير صفاتهم حتي لو إتغيرت أحوالهم! ، الكريم بيفضل كريم حتي لو الفقر ركبه والمتسامح بيفضل متسامح حتي لو إتظلم والمحترم بيدي إحترامه للكل حتي لمن لا يستحق ، الصفات دي بتبقي نَزعة أخلاقية فيهم مش سلووك عااابر وبس..

عندي قناعة تامة إن الإنسان بيشتاق ف بعض الأحيان لسنواته القديمة ! ، مش عشان كانت أروع لكن لإنه كان فيها أقل وعياً لإن الجهل ف بعض زوايا الحياة من النِعم اللي بتغطي القلب بالسكينة والسلام النفسي..