« أخاف أصحى بيوم ولا معي قلبٍ عليك يذوب ولا لي عين يزعّلها البطا منك — وترضيها »

الوقت..لو غيّر مفاهيم وطبوع أبقى الذّي ما غيّر الوقت طبعه يوم الليالي جفوة أحباب وربوع "ما بار بـ أحبابه..ولا خان ربعه" يا اللي تشوف العمر تابع ومتبوع أنا أشوف العمر موقف وسُمعة

صرفت النظر عن كل حاجة تجيب أقصاي أبي راحتي .. حتى لو أخسر أمانيّي تجاوزت تأثير أصدقائي وقول أعداي ودقّيت مسمار النعش في هقاويّي لو أقدر أكون انسانه ثانيه مانيب إياي من سنين يمديني وصلت لمشاهيّي مع ان المبادي مالها شي في مخباي أنا ! كل يوم ادفع ضريبة مباديّي

بلاني ربي بقلب صخر وخاطر حساس مابين امسح غلا الغالين وبين امسح دموعي

ما أعرف شلون شكل الالتئام ولا أعرف من التعب كيف ارتمي آقف بوجه الصعيبات العِظام لين ينشف داخل عروقي دمِي داخلي عقده من زْحام الكلام أدري انّه لا انِّطق يرجف فمِي تشهد لوقفاتي جروحي القدام تـدري انِّي للهزايـم ما انتمي

العتب مايلحقك يلحق بياض أحلامي قبل أعرف ان الدروب اللي تجيب تودّي كنت أعدّك فالمواقف بندقي وحزامي واثر ما انت بقد وقفاتي ولا انت بقدّي ذاخرك توقف معي لا وقفوا قدّامي واثرك أول من تردّى بي ووقف ضدّي

سوّد الله وجه من خلى أبيض القلب يفتش في بياضه .

بالهون ماعادك على الخافق تمون يا أول غرامٍ في شبابي شعاني نسل الحرار الشقر ماتقبل الدون تشوم بنت معربين المجاني ياكيف برضى موقف الذل والهون وأنا عيوفٍ ماتحب الهواني من صدتي بتموت ضامي ومغبون وتبطي على مثلي صويبٍ تعاني خسرت لك من ندّر الغيد مزيون صعبٍ تحصل مثلها فـ الزياني

على فكره يعني مثل ماتعدي الايام بتعدي المشاعر .

2026 اللهم سنة بلا فقد بلا أوجاع بلا هموم اللهم سنة تتغير فيها أقدارنا إلى ما نتمنى❣️

« عسى هالعام يمر أخف من شيلة المولود ولا تنعاد لي ساعه .. من الماضي ولياليه وعسى عامٍ راح مرت لياليه جفا وصدود تصير من العوض بـ الذاكره والعمر منسيه وعساني مانحرم من شوف وجه أمّي ووجه العود ولا من ضحكة أخوانِي ولا أقرب الأصْدقا ليّه »

2026 يا رب نعيش فيها شعور فهد المساعد يوم قال "احسب ايّام العمر راحت عليّه / ما دريت إنّ اجمله في ما تبقّى"

من اقسى المشاعر اللي تمر على الإنسان هو انقلاب الحَال « من المحبّه و الأمان إلى اللاشيء من القرُب إلى النفور » وتستوعب فجأة لسَان حالك يقول " مَاعدت أشعر في رُبوعك بالأمان "

من بديت أستصغر شعور العتاب حبل وصلّك ما حرصت أجودّه أذكر إني كنت أخاف من الغياب والمُخيف ؟ إني بديت أتعودّه .

« الهناء باكر يضوي لي شموعه »

" الحياة رحبه وفجوج الله وساع " لاتكن عالق في مشهد نافذتك القديمه مهما كان بالغ الجمال .. لا تكن أسيراً ! كل دربٍ تحسب ان مافيه غيره ، فيه غيره لا تعلّقها على شورٍ عطاك الله بداله

من اسرف فالغلا لاتامنه يوم من الايام تدور به الدواير لين يسرف في الكراهيه

قولوله إن الغيم جفت مزونه ووجه الحياوي فوّر الغدر دمه ما توقف الدنيا على هالنمونه وماحاتي فراقه ولا شلت همه معاه انا عايش وعايش بدونه ماني يتيم وحده الشوق لامه مني عليه اخاف تطلع جنونه وفراقنا بدعي عسى الله يتمه وإن كان نفسه للتلاقي حنونه عنده خيالي لا تضايق يضمه