♦️♦️♦️♦️♦️♦️♦️♦️♦️♦️السيد غلوار بحري بمستشفى بحنس بحاجة ماسة ومستعجلة لوحدتين دم O+ و B+ رجاء االي قادر يتبرع بدم يتواصل مع عيلتو عالرقم 03269594 #دم #لبنان

الحداد على "الحقيقة" يلّي ما بعُمرا رح تنكشف بهالبلد! الراحة الدائمة أعطه يا رب والصبر والتعزية لعيلتو 🙏 #باسكال_سليمان

باليوم العالمي لحرية الصحافة تحية لكلّ صحافي عم بوصّل رسالتو من دون ما يهتمّ بال rating تحية لكلّ صحافي مش ناطر فضيحة حتى يعمل scoop وتحية لكلّ صحافي حرّ بيعرف إنّو الحرية هي مسؤولية كلمتو وقلمو هنّي ضميرو وما بيتأثّر بال trend . . . حتى يعلّي سعر قلمو! لارا المغاريقي🖋️

#ما_بدنا_الحرب #بدنا_نعيش_بسلام

لكلّ شخص مش فارقة معو حياتو لكلّ شخص عم بهلّل للحرب روحو حاربو على غير كوكب نحنا #ما_بدنا_الحرب نحنا #بدنا_نعيش_بسلام مش قادرة بقا إبلعها 🙃 ومن القريب قبل البعيد!

صار إلي فترة شهرين غايبة عن التلفزيون، شهر كنت خارج لبنان وحالياً بسبب ظروف خارجة عن ارادتي، بس قريباً جداً 🙏 رح إرجع طلّ عليكن من خلال البرنامج الصباحي "عالموعد" كل ثلاثاء الساعة ١٠ الصبح عبر شاشة Mariam TV. ومواضيعنا عم تواكب كلّ الظروف الصعبة يلّي عم بمرّ فيها لبنان وشعبو

نحنا سلاحنا رجاءنا وإيماننا 🙏🤍

كلّن بيدّعو الوطنية ولبنان عم يغرق وعم نغرق معو وما حدا عم يعمل شي للوطن! #لبنان_لا_يريد_الحرب #بدنا_نعيش_بسلام

يا رب إنتَ وحدَك خلاصنا🙏 وأحد مبارك للجميع 🤍

#لبنان_لا_يريد_الحرب #بدنا_نعيش_بسلام

بلد نوابه لتوزيع الإعاشات والحصص الغذائية قادته للتّحاليل السياسيّة والمراهنات الفاشلة رجال دينه للإستنكارات وبيانات التمنّي والترجّي كيف له أن يحيا ويبقى مساحة للعيش الآمن، الكريم والحرّ؟

ما زال #حريق_الربوة مستعرًا منذ 48 ساعة، وهو قضى حتى الآن على جزء كبير من إحدى أجمل غابات المتن الشمالي. ربما بات ضروريًا الاستعانة بطوّافات من قبرص، كما سبق وحُكي، لأن سرعة الرياح لا تساعد في انحسار النيران. 🔴 ويجب كذلك إنزال عقوبة قطع اليدَين بالشخص الذي افتعل الحريق.

منام على "الله يمرّق هالليلة على خير" ومنوعى على "الحمدلله عالسلامة طمنونا عنكن" ..تعبنا؟أكيد تعبنا …خفنا؟عم نموت رعبة وكيف لاء والبيت كلّو بهزّ، وكلما تتجدّد النيران رح نضلّ متمسّكين يا رب بنور صليبك الشامخ بوجّ الشرّ . .ويا سيدة الحدت عينك عالحدت🙏🤍 #لبنان_لا_يريد_الحرب

مبارح كان عنّا ورشة عمل بمبنى التلفزيون. ومن بعد ساعتين من الوقت، مدير البرامج بقلّنا: صار لازم نِخ ... وقبل ما يكمّل الكلمة، بَرمنا كلنا لعندو وعيوننا مفتّحين! بدّو يقول نِختُم ونحنا على كترة هواجسنا اليومية قدّرنا "نِخلي"! وعلى أمل إنّو "نِخلص" . . .😃

الجنوب💔 النبطية💔 صور💔 صيدا💔 وكلّ شبر عم ينزف فيك يا لبنان💔 بيكفي بقا . . . سألتونا نحنا شو بدّنا؟ أخدتو رأينا قبل ما تفوتو وتفوّتونا معكن بهالدمار ؟ هالدمار يلّي عم يقضي على البشر والحجر! لبنان ما رح ينتصر الا اذا عاش بسلام #لبنان_لا_يريد_الحرب #بدنا_نعيش_بسلام

#لبنان_لا_يريد_الحرب #بدنا_نعيش_بسلام

معادلة جديدة: إنذار = إطلاق نار كثيف في الضاحية لتحذير السكان بالمغادرة = يلّي ما بروح بغارة بروح برصاصة! من شو ولا من شو بدنا نخبّي راسنا . . . منقول "فالج لا تعالج" أو "دق المَي مَي"! عم كون ناعمة بالأمثال! الصبح إلك يا رب وإنتَ احمينا من كلّ شي🙏 يا #سيدة_الحَدت احمينا🙏

ما بدّي موت كرمال حدا … بدّي عيش بسلام🙏

#لبنان_لا_يريد_الحرب #بدنا_نعيش_بسلام

كلنا "للوطن" #لبنان ❤️