ف ضربه معينه هتاخدها من حد معين ف حياتك هتكون بعدها شخص تاني خالص .

لو ليك نصيب في حاجة هتيجي لوحدها من غير أي مجهود حتي لو هي أشبه بالمستحيل سلم أمرك لله محدش بياخد غير نصيبه .

أنا أكتشفت مؤخراً إن السكوت حل مُريح لأي حاجة وكُل حاجة والله.

عارف لما احلامك رغم بساطتها مبتحققش فتزعل مرتين ، مرة انها احلام بسيطة ، ومرة انها متحققتش.

الأيام بتجبرنا نتجاهل حاجات كانت إهتمامنا في يوم من الأيام .

اكتشفت ان رؤيتك لشخص بتحبه في الحقيقة ولو لنص ساعة حتي وإنك تشوف رد فعله وملامحه وهو بيضحك أو وهو متأثر بصياحك أحسن من عشرين ساعة chat أو call

مش عارف ليه كل مابتدي اثق في حد ربنا يبعتلي إشاره اني المفروض افضل زي مانا كدا حلو وجميل و all alone.

أول مره أكون زعلان الزعل الهادي ده مقفول من كُل الناس حتي أقربهم ليا .

مش عارف اتعامل مع فكرة ان شخص ف العشرينات يكون تايه ومش عارف هو عاوز ايه او هيعمل ايه وده سبب قلقي الدايم حرفيا.

كان نفسي شبابي يضيع بطريقة احسن من كده.

الأيام بتربي الإنسان على الهدوء، أي شخص تلاحظ أنه هادي ومش على عادته أعرف إن الدنيا دشملته

فيا طبع قاسي شويه ، لما اتقفل من حد بخليه يشك اني كنت بحبه ف يوم اصلا !

هحاول علشان مندمش اني محاولتش مش اكتر.

كنت حزين اوي وأنا ببرر موقفي لحد كُنت فاكر إنه عارفني كويس.

مبحبش اتعرض لمواقف تفكرني اني Highly Sensitive Person عشان بحس ان انا والعالم ده مش لبعض.