أعشق البرد بس هذي السنه شكله بيخليني أكرهه

الترم ذا ما أدري وش صاير ماني قادره أذاكر يعني بكره اختباري وعندي تسع شباتر أذاكرها مع تسع مراجعات وكله مراجعه فيها اقل شيء ٦٠ سؤال قولو ما نبغاكم تنجحون وبس

دكتور أصعب ماده اللي كان يحط أسئلة سهله قرر يتجنن علينا ذا الترم وهو اخر ترم أخذ فيه ذي الماده تكفى ترا والله مو من مواد تخصصي رفقاً بي

اهخ يارب اختبار سهل يااااااااارب

بنص الاختبار صرت احسب مجموعي بعد ما انجلدت من الاختبار لو حسبتي صح الـ A+ في الجيب لو حصل الغير متوقع بدعي على منسق المادة

هذا الترم أنا بريئة من درجاتي أسئلة الفاينلز ما أدري من أي منهج حاطينها بس متأكدة أنها مو المنهج اللي قاعدة أذاكره

ودك تحب راس المنسق على هذي الاسئله

أول اختبار اطلع منه ضامنه الفل يارب توفيقك

رجع أملي بدرجات الترم ذا

خلصت يعني أجزت يعني بنام زي ما أبغى وأتابع كل مسلسلاتي وقت ما أبغى لمدة ثلاث أسابيع بنزوي على سريري مع لابتوبي وأكلي ولستة الأنمي اللي مرتبتها بمخي

خلصت أنمي والقفله أكثر شيء ماله داعي مخلي أهم حدث بالأنمي كله هو النهايه ومدري متى بتنزل التكمله

لما ترجع لنقطة الصفر بعد كل المحاولات لدرجة صرت أتمنى إنها معد تفرق معي متى أثبت على موقع ثابت مدري

وش ذا النادي الأسطوري حتى وأنت مشترك أقل اشتراك يهتمون لأمرك شكل بيصير عندي ولاء لهم

جامعه،تدريب،نادي ودوام الجامعه كالعاده تبن من الصبح لبعد العصر كيف بعدي هذي الفتره الله وحده يعلم

اكرهه شحذة التدريب ياخي قدمو لنا بنفسكم وبعدين مره وحده تكفي ليش مرتين

قبل كم ساعه نزلت المكافأة وقبل لحظات من الأن طارت

والله هذا الشهر صرت مفجوعه مين بيستلم كل هذي الطلبيات لا يكون أنا

اهخخ السنه اللي فاتت هببت وقلت اشياء يارب السنه ذي غير خلاص بنطم ومعد بهرج مقدار كلماتي بقلله لأقصى حد ممكن بصير انسان صامت

نعم أنا اللي اشترت بجامة العيد قبل الفستان وشكلي بكشخ فيها لأن مافيه فستان دخل مزاجي