عشت يا راسي بخير ولا عليك زود يا عسى تفداك روسٍ خاب الظن فيها.

عودت نفسي ما اتعود على انسان اللي وصل من مر الايام كافي . خيبات وجروح ومواجع وخذلان ما فيه احد يبقى على طول وافي

ما طلبنا الناس مدح ولا شفاعه ولا نمن بشي .. لا منا عطــينا نفعل المعروف من طيب و قناعه ولا رفضنا شي / ما يفرض علينا..

نمشي على النيات وقلوبنا بيض وربي على حسن النوايا رزقنا ما نخلف النيه ولا نحمل الغيض ولا نخضع الا لله اللي خلقنا

الحاجه اللي فعلها يرفع الراس اتعب عليها لو حياتي ثمنها والحاجه اللي دونها منة الناس لو هي حدى عيوني تنازلت عنها

تواضعك للناس ما يعتبر رخص بَالعكس يرفع قيمتك في حياتك مهما عطاك الله لا تحتقر شخص ويجيك يوم وتحتقر فيه ذاتك

خلك علــى مبداك ما يلحقك. عيب وإلزم. مقولة.. دايم. الناس للناس من جاك قاصد طيب قابله بالطيب واترك ردي القول والفعل والساس

كل جرح بـ ھالزمن .. ضربة معلم والفطين بـ ھالزمن يحفظ دروسھ لا انجرحت .. إياك .. تبكي وتتألم دووس قلبك قبل ما غيرك يدوسھ

بين صحوة ضمير و بين ذنبٍ عظيم جيتك التايب اللي ما صحى يوم تاب ٰ عين يا رب تدعيك : الغفور الرحيم وعين يا رب تدري بك : شديد العقاب

حنا فقدنا منهو أغلى من الروح لكن عشنا عقبهم ، غصب عنا هذي هي الدنيا مسرات وجروح محـدٍ يحـقق ، كـل ماهــو تمنا .

تعبت اجامل والمجامل وجع راس في هالزمن مايفلح اللي يجامل ٰ بعض التواضع ذل مافيه نوماس اللي عليك يجرّي ادناة هامل .

بعض الحكي ماودك انك تقوله ياللي كلامك واجد وفعلك شوي إما تقول الشي وكفك تطوله ولا إحشم لسانك ولاتنطق بشي

الرجل تعرف ميزته من ردوده إليا سمع رد الهروج ايتقصى وإلا الردي مسكين كلٍ يقوده يبقى على ماقيل خبل موصى .

عز الخوي وقت الشدايد والافعال الخوي اللي ينتهض لا نخيته ياحظ منهو يا صاحبي له حزام وشرواك يا الطيب يكفيه صيته .

جامل وسامح واعتبر كله زلّه طبع الادمي موروث والعرق دساس والي يقول ابعد عن الناس قله ماغيرهم في كوكب الارض جلاس

من تكبر عاش بـ الدنيا صغير ومن تواضع بين خلق الله كبر .

مامشيت الا وانا عندي قناعه من تردى بالوصل صعب يتسنع.

لاصرت مستانس وعايش حياتك فلا عليك من العرب وش يقولون ! إكسب رضا ربك وإحفظ صلاتك ومالك ومال الناس صاحي ومجنون!!

نخسر بشر بس مانخسر مبادينا ودروبنا صوب فعل الطيب مندفعه ما نلتفت للكلام اللي يذم فينا نفوسنا عن كلام الناس مرتفعه.!

انا علی وضع النقا صنت مبداي اموت ولا افقد مقامي وانا حي من تزعله يمناي ترضيه يسراي ومن راح من لاشي يرجع بلا شي.!