«لا تمهِّد للفراق إن كان ودِّك في فراقي أذبح الوصل بسكاكين الصدود ولا تسمّي»

الشِّعر ذنبي اللي ما بغيت ارتكابه ودِّي إنْ مسرحه ماهوب مسرح جريمه

شجاعٍ حذف لك بندقه والرصاص يثور و لا تذبحينه عقب ما سلم سلاحه - صالح النشيرا الشجاع الي نزل عن سابقه و أعطاك سيفه لا تذلينه و هو ما ذل قدام المعادي - شايش العطاوي

و أيضاً / شجاعٍ تاركك عنده مع ظروف الليالي ثار اذا مارد وأحلامه معاه أستوعبي موته

لاتذكرت الموادع ضحى يوم الخميس ودي إن الوقت وقفّ على يوم الربوع

تعبت وقلت كل اللي أظنّه يافهد ينّقال وأبي أستلفظ أنفاسي إذن لابد من وقفه - مساعد الرشيدي رحمه الله جفا ولا دفا ولا وفا.. ولا فضاوة بال تجيني مثل سيفٍ ياثقل حدّه ويا رهفه - فهد عاف

خضار العروق إللي تحت جلدك الشفّاف عناقيد ربل ما سفى فوقها السافي

الفقد لو مر الجمل خلاّ الجمل مفتور حيل وش عاد في قلب آدمي خيّب الواقع رجاه

أنا مغامر والمغامر مايعرف الأنسحاب يدفع رسوم التكلفه مدبول لامنه قدم والله لو ظروفي تصير ابهت من جناح الغراب أني لوردها على الميراد كان الله قسم وان مافعلت الي نويت وراحت اتعابي هباب اخاف اموت من الغبينه والحسايف والندم

تخفّي هيامك وأنت ميت وملتاع ... ماتدري ! انه في ملامحك منحوت

يالي تقول الدرب يسر وسهالات ترا المصاعب ماتحرّم مزوحي ما أعلنت خطواتي تعديت بسكات والصمت يغني عن مشاوير بوحي ماشفت تضحيتي وانا أبني صروحي أخفيت مجهود المدى والمعاناة وبان النجاح اللي تبروز بلوحي ماعطتني الدنيا فرص وأختيارات أفرض الاحلام واتبع طموحي

أحس إنّي بديت أتثاقل الخطوة كأن الأرض ما تتحمّل أقدامي تسيّرني مقاديري على القسوة مع إني ما قسيت إلا على أحلامي عسى ما بيني وبين الفرح فجوة عسى ما ينتهي صبري وأنا ظامي

عاقبتني كل يوم تلحق الكيه بكيه اتعبتني وادركتني والحقت نفسي مداها وان تمادت جهزو قبري وانا بكتب وصيه بكتب اللّٰه لا يعاقبها ويرضى لي علاها الاعمار تلفها الايام والدنيا مديه والسنين تلفني والنار تحرق من وطاها علموها تلحق الباقي مدام الشمس حية وتغانم ما بقى مني وما تطلب فداها

لقيتّك ماتشابهني ولا ديارك هي دياري ولا طبعّك مثل طبعي ولا مثلك يناسبني شريت البعد واخترت الفراق اليوم اجباري وانا الي ماهقيت بيوم زماني عنك يبعدني فمان الله يا قلب عطيته أجمّل أسراري فمان الله حتى لو ضميرك ماستحى منّي

سافرت عنّي وضاقت بي فجوج الرياض كأنك خذيت الرياض وكل أهلها ورحت

ليت يوم أنه نطحني بالسلاح اللي غزاء به ما تعجل لين دور له سلاحٍ ينعزي به طلقته لو امكنتني ريحتي من عذابه مايروع الذيب غير الطلقه اللي ما تصيبه

« أستميل لعزلتي وأبعد ولا عندي سبايب غير حبي للهدوء اللي عن اللجّة مبدّا »

ينبّت بصدري من تهذرف مطرها روضٍ ورا روضٍ ومرجٍ ورا مرج جتني وانا قبل الوعد منتظرها شوقي لها صهوة وشوفي لها سرج واستغفرالله من خطايا سهرها والعذر لله ثم لعيونها الدعج

أحلى تفاصيل السنه كان .. قربك وأجمل مراسيم النهايه .. حضورك ولو ما يجي من عامي إلا .. " أحبك " نذرت كل سنين عمري .. لسرورك ! حسبي ، غلاك اللي .. رياحه مهبّك يجلي عتامي .. لا "تباهى" بنورك ويكفيني إنّي .. عشت عامي ، ب قلبك و إنّي الوحيد .. اللي " تسيّد " شعورك !