" عسى البارق اللي شاقني ينتثر وبله " . #سند

الجديد سولف عن القابله ولا عن الليله لا تطري الماضي الله يقلع الماضي

الجديد: مع اني اشك ما شكيت فيك انتي انا لو اشك فيك اشك في اخلاقي

انا ما اعرف ليه انتظاري عليه يزود مع انه عنيد وقاسي القلب و مكوبر يواعد على انه في اكتوبر علي يعود يا كذبة ابريل تنافسك كذبة اكتوبر

في المطر في السحابة في الزهر في الخفوق لك منازل كثير ولي في وجهك حِما السماء ماهي بس اللي تشوفين فوق والله ان كل قاع أنت ِعليها سماء

الاعذار .. تنتظرك .. ورا بابها المفتوح عسى ينتهي بك صبري وينطوي ياسي #سند

على رصيف الصبر ملّ المنتظر طول الوقوف وين الحياة ؟ اللي تخيّلت ! ولمحت أوصافها ياللي تزعّلكْ المواعيد وتراضيك الصدوف وش يرضي اللي جاته الحاجة بعد ما عافها ؟ لا تبتئس لا خانك الواقع وعادتك الظروف الناس من عاشر رماديها ظلم شفّافها

أنا على حطّت يدك والله ما عندي جديد أعاند أيامي بعد ما جاتني بـ عنادها ما هو بـ يمكن فاقدك، أنا فقدتك و الأكيد عاد العيون تغار و روحي في غرامك عادّها تبقى الرسايل الأوّله أغلى و أعزّ من الوريد رسايلٍ من قبل روحك . . يختلف ميعادها

سيّر إن هبّت رياح الشوق حاول تغتنمها باب قلبي من ثلاث سنين لعيونك مطرّف الظروف اللي تغث البال لو جيت نهزمها هات عذر وهات قلب وهات ما ودك تصرّف

على البال لو م الله كتب لي معك وصال أشيل لك بـ ضلوعي شي م هو على بالك

خطايّاك واجد والعذر ماقدرت القاه جروحك يحس بـ ضيقها من مجربها ولو الغلا يدمح خطايّاك في مأواه ترى النفّس في حفظ الكرامه مدربها تحمّلتك الين الصبّر طاح من مركاه واخاف انفجر من شي تافه و اخربها

تهبْ الطواري كنّها بارد الانسام على واحدٍ ودّه يجافيك بس ازرى سرى وانتصف دربه وعوّد ولا ينلام طريقٍ بدون مْسامرك سَرمدي مَسرى مَحَد يدري انّي من فراقك غديت حْطام اكابر على نفسي وأنا ابخص بها وادرى

تذكر هذاك القلب الابيض كيف كان وتذكر بلطف وطيب .. كيف كان يعاملك والييوم جف من العواطف و الحنان ماعاد مثل اول .. تجي ويجاملك أصبح قوي من كثر صدمات الزمان ومن كثر صداتك .. ومن تعاملك انا مغادر .. وانت دورلك مكان تاأكد ان العفو .. ماهو شاملك

كانت أفكاري تحب أحلامي الورديّه وتالي أكثر لون افكر فيه لون الشاهي كل شي ابغاه واجد صرت ابغاه شويّه النزول بـسقف رغباتي جعلني راهي اهتمامي قلّ في حاجاتي الشخصيّه واهتمامي زاد صوب الجانب الإلهي السلام الداخلي والراحه النفسيّه من ملكها ما يهمه في الحياه إلا هي

دورة الايام مافيها جميل .. ولا مجامل .. كان ماقويت عزمك جاتك بعزم ورهاوه • الحياة الصامله ماتبغي الا قلب صامل .. والظروف القاسيه ماتمشي الا بالقساوه