كل مرة هتنزل فيها مع اصحاب بتحبهم هتحس فيها انك عملت therapy session و الدنيا بقت احلى خلاص

﴿وَأَن لَيسَ لِلإِنسانِ إِلّا ما سَعى۝وَأَنَّ سَعيَهُ سَوفَ يُرى﴾

وعزتى وجلالى لأدبرن الأمر لمَن لا حيلة له حتى يتعجب أصحاب الحيل.

بيعجبني فيا تفائلي المبالغ عن حده

بقيت مقتنع %100 اننا مش بنوصل للحاجه الصح و المكتوبه لينا غير لما نعدي ع point معينه كده بنسلم روحنا لربنا فيها و بنرضى بإختياره بعدها كل الابواب بتتفتحلنا و بنحس انه الحمدالله يارب انا مريت بكل الصعب عشان احس بقيمه ال انا فيه دلوقتي دا بالحلاوه دي يارب دايما اخترلنا ولا تخيرنا

نسمة الهوا اللى بتيجى مع قرأن الفجر دى بترد للأنسان روحه ربنا يجعلنا من اهل الفجر

كل حاجة بتيجي ف وقتها المناسب ربنا جميل و عالم بـ اللي فيه الخير لينا

عندي حب غير طبيعي لأي انسان من تلقاء نفسه بيشرح سبب أي حاجه ممكن تسبب سوء تفاهم أو زعل لحد تلقائي من غير ما يطلب

قالت حليمة السعدية: لم يكن لنا في الليالي المظلمة مصباح نستضيء به إلا وجه محمد

آخر سورة يس دايما بتبرد قلبي " أَوَليس الذي خلق السماوات والأرضَ بقادر على أن يخلق مثلهم بلى وهو الخلاق العليم؛ إنما أمره إذا أراد شيئًا أن يقول له كن فيكون؛ فسبحان الذي بيده ملكوت كل شيء وإليه ترجعون" الله يستجيب دعائنا.

مش كل الإنجازات إنك تمسك حاجة في إيدك، يمكن انتصارك الحقيقي إنك عدّيت حاجات ووجع محدش شاهد عليه غيرك، ومتهزمتش قدّامه. لسه بتفتح دراعاتك للدنيا رغم اللي قلبك شايله، وبتقابل الناس بوشّ بشوش.

من أشجع القرارات في حياتك إنك تقطع مع كل حاجة مش واضحة أو مش حقيقية، واللي بتخليك محتار ومش عارف مكانك معاها، وتبدأ تحط تركيزك كله على اللي حقيقي ويضيف لحياتك قيمة ويخليها ليها معنى حقيقي

السنه الجايه يارب زي دلوقتي أعيش وسط دعواتي وهي مُستجابه آمين ألف مره .

مش هبالغ لو قولت إن ٩٩٪ من زعلنا عموما بيبقى سببه العشم الزيادة إن ال قدامك هيتصرف تصرف معين انت مستنيه ولما مايحصلش بتحس بالخذلان ال بيتصنف من أسوأ المشاعر الإنسانية وبصراحة احنا ال رسمنا صورة مثالية جداً لتصرفاتهم ف خيالنا احنا ال بالغنا ف التوقع والعشم وف الآخر بيجى ع مفيش