أنا ليّ في الله حسن ظنّ ورجا وآمال كأنّي أشوف أقداره البيض قدّامي .

واعلم بان العمر ينقص مايزود واللي يفوتك منْه صعْب ترجّعه ولاتنْظر لماضيك لانه مايعود فكر بحاضرك الجديد وسنّعه وابذل عشان احلامك اضعاف الجهود وباب الأمل بين المحاني شَرّعه.

لك عيون الله يعين الناظرين كل نظرة منها شبّة جَمر.

الله الله يالدروب المستقيمة كيف أجادل واحد ماهوب قدّي شرهة العاقل على النفس الكريمة واحتفظ بالرد في مزحي وجدّي يفرح الجاهل و يحسبها هزيمة ما درى ان عيني لـ مثله ما تلدّي صدّتي عن بعض خلق الله غنيمة ما يوالف قلبي ،القلب المصدّي

تبي تزين الامور .. وينشرح صدرك العسر بعده يسر .. لو طالت المدّه اظن بالله ( ظن ) الواثق المدرك مهما تضيق الصدور .. وتكبر الشِدّه .

{فَإِنَّ مَعَ الْعُسْرِ يُسْرًا}

وجهك مثل صبحٍ يسوق التباشير واليا أبتسمت من الشموخ أرتوينا سولف وتنبت بالصدور النواوير وأقطف غلاك من العمر ما حيينا ياكثر مايفرق حضورك عن الغير مثل المطر مهما هطل ما أكتفينا

طهارة وجهك الراضي كأنه منخلق من لين سحابٍ يروي أحساسي طهر ويلملم شتاتي ذخرتك للشقى صدرٍ يكفيني عن الباقين وذخرتك للمدى هقوه تشتت كل ضيقاتي أنا يا ضحكة سنين الزمان وكل علمٍ زيـن تركت الناس متعمد وعليك أسوق هقواتي

كل ماضاقت بوجهي دروب الحياة اذكرك .. والحياه تزين في ناظري .

في ساعة الشده تبين الأجاويد ويظهر بوقت الضيق راعي الشهامة ومن عود اليمنى على الطيب تعويد يفرض على كل الوجود احترامه .

غلاك عندي لو شرب منه عطشان يعيش ما ذاق العطش في حياته . وقدرك بصدري لو نزل وسط الأنذال تعلموا درس الوفاء والصداقه

"صافحت فيّ كفي خيال العزيزين وأثره جنون الشوق صافح يدينيّ".

الأماني لو بعيدة .. ما على ربك مُحال 🤍

لا تنزعج دامها راحت ولا جاتك ياكم حلمٍ عجز لـ أنسان تحقيقه كل شي مكتوب بالدنيا ولا فاتك كفال الأرزاق .. ما يهمل مخاليقه

أضرب العالم انا يمناك منت لحالك ابتسم جعل الوجيه المبغضه يفدونك وان تكدر خاطرك ولا تعكر بالك والله إني لا أقلب الدنيا و اوقف دونك

الله رحمني حط لك شبيه بـ السماء كل ما غبت عني لقيتك بين النجوم

أنا قلبي يوم أشوفك يجي فيه رعشه حبّ مدري شوق مدري غلا مدري شفاه أنت مثل الغيث لا مر له دار أنعشه صح من قال اقرب الحيّ ويزيدك حياة.

كرامة الطيب أكبر من كبار الظروف وقسوة ظروف الحياة تلاوعه في شقى الوقت متغير وصلف الليالي تحوف عزيز قومٍ يكابر،،، و الظروف محقى

الوصف والتعبير في وصفه يخون

أحبك و لو عادت جميع الوجيه أغراب خذيتك أمان يشرّد الخوف من طيبه أحبك لو أعذارك ما هي تقنع الكذاب أنا الصدق بعض أحيان ما ودي أدري به حشاك أني آخذ من ظروف الغياب أسباب ما زاد الوصل والله و لا نقّص الغيبه .