لما بخلص المتاوبة بدوق في حلقي طعم ( قهوة - بامية - بوزو) . الموضوع لذيذ وساعات بيخض

يتم الاستماع لألبوم ويجز

صحيح فطير وائل كريم أوي في الجبنة لكنه مدحت جداً في السجق وأدهم بشدة في النوتيلا

الله يرحمه..الخبر تقيل والله والعجز والضعف اتقل واتقل..حتى الكلام مبقاش ليه اهمية

- جزمة مين دي اللي بقالها اسبوع في البيت وكل ما ارميها ترجع؟ - وطي صوتك دي جزمة الضيف - مين دة؟ - الحموضة !!

فضل شاكر بدأ ياخد شكل جورج وسوف كدة ليه؟!! اللي بيرش بنج على تقاطيعه يبطل ارجوكوا

بتخيل ان الناس اللي عندهم كيندل دول لما بيطرطروا بينزل منهم شوربة عدس راقية او يخنة

النسكافيه لو سِقِع ببقى متأكد اني لو شربته هلاقي فيه دبانة ميتة

حبي للوطن اللي بيظهر لما بكون على كوبري اكتوبر واشوف بيلبورد لكومباوند مصري بيبيع بموديلز اجانب واحلف في سري اني مش هشتري من عندهم وحدات سكنية عشان احرم فدادينهم من ان تطأها جينات مصرنا المتأصلة فيا

اعتقد التطور الطبيعي لظهور جورجينا المتكرر في الاعلانات انها هتتجاب في الأفراح تفرج الشبكة للمعازيم بكات ووك كاتشي كدة

العريس خريج جامعة حلوان ومشغل في فرحه اسماء الله الحسنى بالإنجليش عشان يشرف عروسته قدام صاحباتها اللي نازلين اجازة من دبي

شكر وشامبانيا لهشام اللبان على الفولو باك. حسيت بمسؤولية خلتني عايز اعيد قراية بستان الكرز لتشيخوف من باب اثبات حسن النية لهذا الفطحل المائز دائماً وابداً. Hesham Ellabban ♥️

مخاوفي من اني ابقى اب سيء بتهدأ لما بفتكر اني مهما كنت اب سيء عمري ما هوصل لدرجة الأب اللي بيحفظ ابنه رد معين بريأكشن معين ويشغل الكاميرا اكنه فيديو مرتجل

حلمت ان انا وامي وجدتي روحنا نعمل عمرة ورجعنا احنا التلاتة قُرع

ويبقى السؤال الأزلي قائماً: هي حلوة عشان بتشرب سجاير في علبة حديد؟ ولا بتشرب سجاير في علبة حديد عشان حلوة؟

لو إنت كارت الكهرباء ممكن تكون مستخبي فين؟

- عندي ليك خبرين، واحد حلو والتاني حلو - ابدأ بالحلو - الحلو هو ان الجو ابتدى يبرّد - والحلو؟ - ان الصيف خلص

الكاست بتاع السلم والتعبان ٢ متأثرين جداً بطارق العريان . كلهم مملطين . حتى حاتم صلاح حالق شنبه

بتأكد أن الصيف جه لما بلاقي لبه بطيخ لازقه في بطن رجل خالتي و هي ممده قدامي

لا أحب من يرتدي القميص قبل الكلوت و لكني احترم من يرتدي الشراب قبل اي شيء.