تثقل عليّ؟ وانا اللي اعطيت كل شي ولا انت لولا اللي عطيتك .. خفيّف ع. خ. #شعر

انا رجل متصالح بوسط ذاتي وما همّن جروحي ومنهو سببها شطبت اخر حزن في ذكرياتي وضحكت في وجيهن تزايد عتبها العام ضايق من كبار امنياتي واليوم صرت ألعب بها وآحسبها من كثر ماني مهتني في حياتي أحس كل أحلامي الله كتبها 🙂 علي #شعر

أنا أجامل بطبعي ومن باب حسن الذوق لكن بشعوري والاحاسيس ما أجامل مدام ان جفوني قامت ترفّ في مخلوق وتعيد النظر في كل ما شفت بالكامل لقيت اللي أحيت خافقي وأزهرت به شوق بعدما تركته مع ظروف الزمن خامل أداري عليها من غثا الناس مثل الطوق ومن صدمة الأحزان (تأمينها شامل) 😂 ع. خ #شعر

قصيدي كتبته من مشاعر سجينة بال وجاب الله اللي عجّلت وقت تفريجي رمتني بسهم عيونها الساطي القتّال وقامت تقرّبني على الموت تدريجي أبرخص لها روحي والاحساس والاموال والى من رضت بي قلت في يوم تتويجي ترى اللي ينافسني على العنق حبّة خال لعينة وتقعد في مكان استراتيجي 😅 ع. خ. #شعر

جتني على غفلة وتبكي وتحتجّ وانا من الجيّه تقل شاب رمشي حمولها خل عنك بالركض ترتجّ هذي ترجّ حمولها يوم تمشي 😂 ع. خ. #شعر

سلام يالطيب وكيف الحال عساك دايم في غناه وخير يا محزمي لا قلت الافعال ولا تعرف العذر والتبرير خوتك لو هي تنشرى بالمال ضاعوا هل التقييم والتقدير والله لو تنوي تدك جبال تدكها واللي يصير يصير مخلوق مثل سلاح للرجال ماهو عشان البر ولا الطير كلما ضغطت اسمك ع الجوال تقول ضاغط زر للتفجير

يقولون في الأدب الحديث: كن شخصا جيدا لكن لا تضيع وقتك في اثبات ذلك! وقلت: الحمد لله ما على قلبي خلاف ومرتاح كني شايل القلب بيديّ ما همّني لو شايفن ظلم واجحاف وراضي لو ان الله قسم رزقي شويّ اللي يجيني يبشر بقلب مضياف واللي هجرني ما خسرته ولا شيّ! ع. خ. #شعر

الله يديم الغلا ف اصحابي النقوه إظنونهم فيني من سنين ما خابت ماهم مثل ناس ضاعت فيهم الهقوه اللي من سنين لا ودت ولا جابت ع. خ. #شعر

ليت ما ذقت حزنك يالجناب الزعول ولا تمنيت حالي بالقصيد انوصف! البلا اني عجزت أحكي شعوري واقول كن عمري على شارع هدبك ارتصف خطوتي ضاعت وقلبي وقف في ذهول والمصيبة لا من وقفت في المنتصف ان تراجعت صاب اطراف قلبي ذبول وان تقدّمت برصاص الضمير انقصف ع. خ. #شعر

ما ذبحني في غلا ذاك المعنّق غير زينن ما خلق ربي مثيله ضعت بين الردف والخصر المخنّق كنّها دلّة من الصفر الأصيله كلما ميّل على جنبه ودنّق صبّ في فنجال خفاقي مليله ع. خ. #شعر

من بعد لندن تمرّ دبي والدوحه وما تشري الا الثمين النادر الغالي الله يذكر ليالي وسط منفوحه يوم انه يكيّفك دخّان بنقالي 😂 ع. خ. #شعر

الطيّب اللي تحسبون انه بليد ترى اللي تسوونه بحاله سمج صاير يحفظ الود لكن من بعيد لأنه مع طبوع الخلايق ما اندمج مسكين عايش مبتسم لكن وحيد خفّوا على قلب الضعيّف يا همج ع. خ. #شعر

محتاج لي دمع يثبت حالة عيوني يا شينه الدمع لا من غاب له فتره امسك طرف غترتي وآفرّك جفوني ومن حرّ جفني كويت العين والغتره! #علي_الخطيب