🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

لي آيام سارح ( مايشد انتباهي ) شي يمر الكلام « المختلف » كنّه العادي تحاصرني الدنيا واموري مثل ما هي الازعاج .. يملى مجرياتي ، وأنا هادي أحس إني أملك كل حاجة مابين يدي وأحس اني الخسران من كثرة عنادي - عبدالله السراهيد

تعالي معَ المزن ونسيم الهوى من غرب مجيّك حياة ولا بعد طلتك طلّة يا بُعد المسافة دون وصلك وطول الدرب ويا قِصر ليل ٍ يجمع الخل مع خله تطلين مثل البدر يا أم الجناب الذرب لو البدر ماله ربّ من عقب هالطلّه يكفيك بأنـك لو تمرين بأية درب تسمّي عليك القاع وعيون خلق الله - سعود مهدي

« عزالله إني ظلمت إسمي و ميقافي و أخطيت في حق نفسي و الخطا وآرد هقيت فيك الهقاوي و أنت ؟ يا كافي ما أبرد من أعذارك إلا وجهك البارد » - مبارك بن رادعه

لي ايام مامر الهوى صدري ولا هب ياليت ان صدري باب واملك مفاتيحه حبيبي وش اللي تارك الناعسات تصّب على دمعك الروض ازدهر ورده وشيحه انا ماعرف الابراج ولا درست الطبّ لكن اعرف اوجاعك لو بتكتم الصيحه ماقد قلتلك لا بان حزنك بوجهك خَب اداريك مثل مداري العود بـ الطيحه - سلطان الوسمي

رغم الجفاف العظيم يلوح لي نور لو انه البرق ماوقفت اخيله قفيت والخاطر المكسور مكسور مالي على الوقت والاقدار حيله مشكلتي اني ماعرف الف وادور وحبيت واللي يحبك عزتي له عطيتك شعور ماهو بـ اية شعور وعطيتني حزن يكفي له قبيله - بندر الدويش

قد سمحت مِسامَح اللي صادقٍ مع ربّه من دريت إني اعيش الماضي ومتمسّك صاحبي و الجرح .. ماظنّي تلاقي ، طبّه من قبل لا ينقطع من دمعتينك حسّك مو مصيبه لا كرهت انسان كنت تحبه المصيبه كلّها لا صرت تكّره نفسك .. ! - خلف المسحمي

لـ منادم الليل لو شرّعت حدب الضلوع وأونَس بي الحزن ما علمت بـ حكايته بيني وبين الكلام اللي وراء الصدر روع أدفع ثقيل أحرفه ، وأرتاب من غايته في العين من ليلة البارح حنين ودموع وأسماء توارى، وشيءٍ يبلغ نهايته أطول مسافه على الإنسان وأقسى رجوع الرجعه لنفسه الأولى ، ولـ بْدايتـه .

ياشمس العصر لا تتركين النهار يخاف لا رحتي تلقاه الظلام وبدأ خوفه ترى كثرة الروحه تقلل حلا الأنكاف ماهوب كل رجعه بالتراحيب محفوفه يقوله حزين جر صوته على المشراف وله غاية ماهيب للناس مكشوفه ما غنى يدور من ورى المبدعين انصاف يبي ونته تظهر تحت هيبه حـروفـه - يعقوب العضياني

قلت للناعسات الحور مالا يُقال صرت شاعر يعزف الشعر مايكتبه كل بيت أتفرد به بفكرة غفال أحزّن الطرّب ، منّه و الحزين أطربه المواعيد زلّت و الوعد لا يزال احفظه مثل حفظ الديّن لمذهبه لا يقودك سرابك للدروب الطوال السراب يتنحّى كثر ماتقربه - متعب البقيلي

لا تلوم العاشق اللي على شوفك شفوق ياحبيبي وانت خلك على ماتشتهي الغلا والحب والشوق من صدري وفوق لا تسولف لي عن الشوق وامره منتهي الله يسامحك في كل حاجه يالسروق قبل حبك كنت قاسي وقلبي عنجهي جعلني من حبك السرمدي ماعاد افوق خل عاد المنطق الزين والوجه البهي - علي الدعيه

يازهرة العمر .. لو رحتي مراح السنين من حبك أوآخذ اللي .. وده يواخذك أنتي سواة ونعم قدام ( ذرب اليمين ) مهما تشح الليالي مآخذك .. مآخذك - ناصر بن مفلح

ياعمري اللي تنطّحك الشقى لا تضيق لو شحّ كسبك ولوّ الوقت مال وعصى في قمّة الهمّ كنّ الهمّ قمة طويق وضلعان صدري تحَت ضلعانها من عصا ما حمّلتني الليالي فوق ما لا اطيق الا إن متني جبل والقلب مثل الحصى لو كان ما للبنادم لـ السلامة طريق نصيت وجه الخطر من يوم وجهه نصى - فهّاد

انثري همك على صدري مادام انه قريب من سكنك اللي يساره يا الغزال الشارده واستمدي فرحتك من فرحته لين المشيب والله ان الفرحه اللي دون قربك : بارده انتي اللي ليت هقواتي بحبك ما تخيب وما تخيب الهقوه اللي بإذن ربي وارده - ريّان العياضي

أجاهر بك لأنّك منت ذنبٍ يرهق التوّاب أنا عبدٍ يخاف الله ولا قد جاهر بـ ذنوبه أنا عبد لقى فـ قلبك سكينة كنّها المحراب و كبّر به قبل يذنب و سلّم معلن التوبة لقيتك و أنت غايب في الوجيه العابره تنساب يورّى أن كل جلد يشيل منّك من ورى ثوبه

يا غريبة يوم جيتي و أعلن العمر اغترابه اكحلي عين المسا و إلا استخيري يا غريبة اعبري حول المشاعر و انثني مثل السحابة وانحري عنق الغريب من القوافي وافتدي به أنتي أكبر من شعورٍ ، يفقد العاقل صوابه و أنتي أكثر من كلامٍ يقدر الشاعر يجيبه

يا حبيبي وانت صرت الجهات الاربعه وجهةٍ ماهي لـ دربك جحيمٍ يصطلي والله ان حبك بـ قلبي ولا اشرك معه كان ربي مبتليني .. في حبك مبتلي الضرر وشلون اشوفه وحبك منفعه والسعاده معكْ ما مثلها وصف وحِلي انت مقصود الشعر والخلايق تسمعه وانت آخر حب وانت الحبيب الأولي - مبارك بن وافي

المحبوب مُستثنى حتى وإن كان في الجراح / ضيدان بن قضعان قال : تحاليت الجروح اللي تجيني من يدينك لين دريت إن كل جرحٍ في حشاي أغلى من الثاني ! ومحمد الحبابي قال : ادفن القلب المولّع — ثم لوّح بالنصايب لو كتب لي الموت بيدينك مسوي بي جميلة .