يا مخيّلة السحاب الرايح المترازم كنّه يحوّل عليك وياخذك باطرافه شاعرك ما يتخذ غير القرار الحازم والعرب من طبعها ما تترك الانافه للمشاريه اعتبار وللحلوق ملازم مستحيل نمجد ضعيّف ونمدح تافه مشكلتنا بالحياه عزاز فوق اللازم روسنا ما تنحني ، ونفوسنا عياّفه !

علّم اللي مشقي نفسه .. بنفسٍ مستريحة بأن انا موجود فوق أرضي وتحت ظلال غصني َ منشغل بأحلامي اللي دونها قومة وطيحة أقتنص حلو الفرص .. قبل المنايا تقتنصني ولو يحاول ينتقصني نقص قلت الله يبيحه والله انه يزيدني رِفعة .. لا حاول ينتقصني

حبيبك حبيبك .. لا تفكر تفرط فيه ما دام أنه صفالك بالمحبه تمسك به لا تقسى عليه بـ مرحبا عقب لبيه ولا تقهره و يشك به و تّشكك به رعى الله حبٍ لا مزيف ولا تشويه أماري به ركن المحبه و أشارك به تعلق وعلقني فيه ليه مدري ليه وأنا لانيب مزيونٍ جدا ولا سكبه🤷🏻‍♂️

خلّوني أموت من بين ( النهد والنهد ) أول رجل يدفنونه . . في صدر غانيه .

أتخيل وجهك الزين و أمسسي عليه  كل وجهٍ غير وجهك ، مايغري نآظري .

من اللي يقول العين ماتكشف المستور كلام العيون اصدق من الموت في حيّنه صحيح الصدور قبور بس العيون تبور خصوصاً ليا سن الجفا راس سكينه هذا اكبر دليل اللي تغافل و عاش الدور بغا ينكر الموضوع و استسلمت عينه

الله يسامحني .. على بعض ، الظنون كنت أحسب إنّك مرحلة وأثرك عمر

إني المح آثار اقدام على قلبي ):

"الحور من جنة الفردوس يمكن رموك للأرض ياجادلٍ فيك الشموخ الأبي عليك وصفٍ يحيّرني وهيبة ملوك نوادر الوصف منّك سابيتني سبي وسامتك والثغر ولا الحجاج الضحوك دمار شامل تراجف منه حتى ركبي شكراً جزيلاً ماهوب لك لأمك وابوك أجمل سلاله دبة فوق البسيطه دبي"

من عاش تحت الضغوط ونظرة الحاقد في وجهه .. تشوف حزنه " بان تأثيره " أسرفت فـ الحب ما فكرت .. فـ الناقد و عانيت من شره .. و عانيت من خيره يا ليت الأنسان .. يطلع له " بدل فاقد " لا غاب غالي ؟.. لقينا ( غاليٍ ) غيره

أنتي عن الذل و الحقران مرفوعه والناس في خدمتك و رضاك طمَّاعه سمي و قولي ترى كلمتك مسموعه و إليا سكتي نقول السمع و الطاعه أهم شيء التعب و الضيق و اللوعه لا يرتدي وجهك الوضّاح و شعاعه

البارحه جيت المكان اللي ما جيته من زمان و استقبلتني ذكرياتٍ ما تغيّر لونها جابت لي اللي ما عهدته غير في نفس المكان و جابت مراويحٍ تغسل مزونها بمزونها و ليت الخيال اللي يوقفني على بر الامان ماهوب يوعدني ورا الهقوه و يقصر دونها

تدور اللّيَالي بين حِدَّة وبين إحساس تشدّ الركايب.. والظمأ يأمِر، وينْهى أنا يا حبيبي يوم صدّت عيون النَّاس؟ معي عينك اللي جعلني ما خلا منْها.

ياحبيبي ، رغم اساميك الكثيرة ان بقى بين الضلوع احساس ، هاته جرحك الاوّل ، و صدّتك الاخيره ما يعالجها الكلام بحدّ ذاته انا عاشق ، شرهته ما هي كبيره في لقاك يخلّد احلى ذكرياته لو يحول الموت دونك ، قال خيره من متى ، و العاشق تهمّه حياته

ضاعت ورا جِيْدك سنين، ومداهيل واحتلت، لكن الظمأ فيك، جَنّة.. أعْرِف طرِيقك بيْن معنى، وتأوِيْل ما صدَّت.. عيون المعاذيْر عنّه أنا أتفدَّى الدار، والحِلّ، والخيْل ومرابط جدودك.. وبِيْض الأسنَّة رمشٍ سكن طارف تقاسِيْمه الليل: كيف يتسرب مطلع الفجر منَّه؟

للبال صوتٍ ورا جِفن المساء سِرَّه ما شحَّ لو ضاع حقّي وانتهى خيْري أداري إحساس قلبه.. وأتِّقي شرَّه وأمسك له الرِّيح لا طالت مشاوِيْري يا كلَّ الأيَّام -ما لك فـ الهوَى جرَّة- كيف استقرَّيْت في قلبي، وتفكيْري؟ والله لو إن السنين تعاوَد الكرَّة.. لا يمكن يحبَّ قلبك واحدٍ غيري!

أنت تدري ما على الأرض منك أغلى و أحب و أنا داري ما على الأرض غيري تهتويه من يحبك — يقعد العمر كله ما يحب لو تجيه "حمول الأيام" فاللي يشتهيه معك ما فالصدر غاية ولا فالراس حَب تنّسى "الغايات" و الحَب – سلم لي عليه ياجرك ربي بغلقٍ غدى عقبك رَحب كثر ما خففت عنْه وكثر ما جدت فيه

يوم أضيّع دروبي .. ليه أدور دليله ؟ دام سبة ضياعي عين نجلا و شامه مادريت إن قلبي كان .. راعي طويله لين واجه جروح الفاتنه : بـ ابتسامه تدري ان "ذبحة الغيله" بـ يدها نبيله ليتها ما درت واقفت بحب .. و كرامه جرحها إللي على صدري وسام و فضيله و من مقامه لقى فـ القلب حسن الاقامه

يامجمول مال الزين غير القصيد الزين شوارد قصيدي فيك تِتلى ولا تَتلى على كلّ حاجه معكْ احقيّة التمكين لو اشرقت عكس الشمس ماكان قالت لا اهدّي فوادي كل ماشفت شوف العين من آيات ربي فـ البشر آيةٍ تُتلى نصد البنادق و انت بـ عيونك الثنتين تعرضّتنا صاحين وارديتنا قتلى