ياطبيب القلق عيا يطيب القلق مير سكر ملفاتي ودوك العلاج دام انا وانت اوادم خلقنا من علق لا تعكر مزاج ولا نعدل مزاج الله الي يعدل والله الي خلق والله الي بيده الضيق والانفراج

السيف بالغمد لاتُخشى مضاربهُ وسيفُ عينيكِ بالحالين بتّارُ .

ياوجود اللي عيونه شقاويّه مرّها حلو المنام وتعداها كن بين جفونها جمرةٍ حيّه مايطفيها سهرها ولا ماها بيّته ليل الشتا فابو حدريّه واحتداه و حد نفسه على أقصاها مشكلة بعض الصدور الجنوبيّه لو تجيها دمعة الطير تملاها العوامل والظروف الطبيعيّه غيّرت مجرا زمنها ومجراها

عرفنا دواء نقص الفيتامين والاملاح لكن وش دواء اللي ينقصه عَرف ومروه

الاحبّه .. تشترك فالقرار وفالمصير رغم انف الكبرياء وتحت امر الوله والخطا وارد .. وردّ الخطا مافيه خير هذا في سِلم المحبه وسِلم المرجله والله ان كفّارة الذنب " تأنيب الضمير " يا حبيبي .. لا تزيد الجروح الاوله كلمة احبك كبيره ومشروهك كبير والكبار اليا تلاقوا .. تِحلّ المشكله

حبيبي و أن تمادت بك ظنونك تتبع المجهول تكلم قبل لا تلعب خيوط الشك بـ أفكارك أحبك و العمر مرّة و أحبك والسنين فصول وإذا كان العمر يرجع .. بأحبك و أرجع أختارك تشوف الأرض؟ لو جنّة ملوها الناس عرض وطول تركت الناس والجنة وراي و عشت في نارك

ما كسرني في حياتي غير صورة مات راعيها وهي للحين حيّة ..

سقتها بحمولها لين ابركت بي في النصيفه ماعلى الخلق اتكّال ولا على الخلاّق كايد

كبريائي فالغلا ما هو تسلّي ندرة الأشياء تغريني وأبيها ما أداني إمتلاك الحاجه اللي كل واحد يقدر يحصل عليها

العمر يركض والسنين السود مامنها نجاه والرجل يصبر والامور العوج ماهي دايمه .

اساير وسيعين المعرفه كبار الصيت واجنّب عيال مدفّن المال بالسافي ولانيب والله ملحق الحي ذنب الميت ولا من تلحف بشت جده وهو حافي لو احط لي في كل طيّب قبيله بيت عساها شهادة حق تكتب على اكتافي

والفجر والاطفال وعيونك السود ماغيرت سود الليالي طباعي لازلت الاول وين مااروح موجود شاعر خيالي عاطفي واندفاعي اضحك وانا في قبة الحزن مشدود وابيع حب ومجتمعنا صناعي امشي واشوف الدرب بالعين مسدود حتى تجاهلت الضياع بـ ضياعي

مايجعل الرشاش سعره مثل سعر المارتين الا وقوعه في يد الي مايعرف ايخبره امغامرً باغلى ما تنجبه الحروف لكلمتين مدري هي معبره ولا ماهيب معبره حتى الهنوف الي تطالع بالرجال بنص عين اغض عنها طرف عيني مقبله ومدبره

احلامنا قفّت كما اقفايت الطير ولا حصل ياسعود نجني ثمرها وامالنا عيّت عليها المقادير برقه ينوض ولا تهامل مطرها شفنا مجاهيم النوايب مسايير و قلنا هـلا لو العـواقب باثرها عوايد نفوس الرجال المناعير تكتم عناها ما تـبين قهـرها

الكلام يطلّع اللي ف النفوس حتى لو من قبله وبعده كلام والفلوس الله يسامحها الفلوس تكشف عيال الحلال من الحرام

اليا ابتسم لي احسب انه صحيبي يلدغ خفا متناسيٍ رمز الاصحاب يا مر وقتي يارداة النصيبي ماعاد بالدنيا صداقات واحباب مات الوفا والعز مقفي صويبي بعصرٍ يشيب بالصغير وهو شاب مجبور اعيش بطول عمري غريبي وافضل كثير من التقرب للأجناب .

يالله بذكرٍ مجيد وطول عمرٍ مديد واعوذ بك من عثا الطرقه ودرك الشقا واقسم لي الخير والخيره وعقلٍ رشيد واغفرلي اللي مضى من العمر واللي بقـا عبدك واناجيك يالاقرب لحبّل الوريد من ضنك دنيا الفنا لجنان دار البقا .

لو فرقتنا بالغلط سود الأيام للموت تبقى يا حبيبي حبيبي . - سليمان المانع .

هذي المدينة لعنة أسمنت وأبواب موطن يعري كل ذكرى دفينة لا زرع لا مشرب ولا ظل ينساب وفيها الظلام يقد روح السكينة ماتت ورود الارض والنخل مرتاب والهم"متبجح"ومطلق يدينه تبدلت من دون ، حجه ولا أسباب واستبدلت روح المدينة مدينة ما كنها"موطن"مواليف وأحباب وأفواه تصرخ منصف الحق وينه .