عسى الله يسامحنا على الذنب والتقصير وعسى الله يوفقنا على الطيب والطاعه ولا تاكل خفوقك بتحسّاف والتفكير تفائل وسلم امرك لربك وداعه وتغانم حياتك دمّت طيب ودمت بخير ترا العمر يمشي مثل ماتمشي الساعه

«يا راحله وش عذرك لهذا الرحيل عذرٍ تقبّله الضلوع الناحله من يقنع اللي سامر الليل الطويل اقسى من احلام الهوى مراحله بالمنتصف بين الشهد والمستحيل تشتت الولهان وتلوي كاحله يا راحلة يا هل انا عابر سبيل ولا مطار الهم ولا ساحله ولا على ماقيل كنتي حلم ليل حلمٍ تمناه الفتى وارتاح له

روّح فـ أمان الله من غير تبرير عيت عليك أقدارك المستحيلة أوعدك حفظ السر حتى عن البير و إن زلّت الدمعة بـ حقك قليلة راحت بك ظروفك ولا رحت للغير و أنا أملك الغاية ولا أملك وسيلة مافي يدي غير إني أدعي لك بالخير مخلوق ما عندي بـ الأقدار حيلة

يا الله يا ربي وأنا العبد الضعيف أدعيك لـ صعاب الأمور تحلها يهون لك ما كان لـ عبادك كليف وتخضع لك وجيه الخلايق كلها أنت الإله اللي على خلقك لطيف ولا غير ظلك في الوعد بيظلها يامن بأمرك تبصر عيون الكفيف حمول متني ما قدرت أشلها 😢

يالبعيد اللي وسط قلبي مقره كيف تتركني وتجزم في بعادي هايمٍ بحبك ونفسي فيك حّره ماني اللي هايمٍ في كل وادي كنت ناوي أذبح العذال حره لين شفتك تطعن وتذبح ودادي وكنت أنادي في غيابك و أتحرى راح صوتي ولاحياة لمن تنادي

ما بقى لك في مشاويري مسافه اعتقد حنا وصلنا ، للأخير الندم و العذر ودموع الحسافه مالها قيمه بعد موت الضمير البحر هادي وتغرينا ضفافه بس لا هاج البحر موجه غزير خايف من البُعد ، لا لا تخافه لا تخاف البُعد و أحبابك كثير اشكر إحساسك على قِلّ الكلافه يا كبيرٍ طحت من عيني صغير

مدّ ظلك خلّني تحته أقيّل / لي سنينٍ ما عرفت أهدى بروعي

انا استودع الله فيك ياقلبي المخطوف وداعة من مسلّم حياته من البارح مع الفارع اللي تجعل السمع مثل الشوف ووجهٍ يرد الجرح من نيّة الجارح تلافح بروحي كنّها ماتعرف الخوف وادوّر مماتي من يديها وانا فارح ولا عاد عندي شي غير انّي الملهوف خذتني سواة الانتباهه من السارح

"أخاف العُمر يمشي وتتبع جرته الأحزان واخاف من كثر المساعي تخيّب هقوة أحلامي واخاف يمضي العمر.. ويقولون أجله حان وانا في خاطري غاية تلاحقني في رحلة هيامي واخاف لا جار عليّ وقتي في زماني ما تبان ولا ألقى لـ مدهالك دربٍ يسرق وحشة ظلامي"

يارب عاونّي على دنيايّ و الدين و لا تشمّت العذال فينا من عدم و يـارب لا تجعل ذنوبي عليّ دين وأموت من ذنبي و فوق الذنب الندم عبدك دعاك و رآجي منك تعين قبل لا يفقد جميع أحلامه و تنهدم

مايجيك الا نصيب علية أسمك يلوح إن بغيت تعيش في المدّن ولا القرى قابل اللي تجيب الأيام بـ الوجة السموح دام منها ما سلم - لا رعاة ولا أومرا - التفاؤل ياخذك من طموح الى طموح والتشاؤم يحذفك أنت وأحلامك ورى وأن نصحك اللي مخليته الدنيا نصّوح أسمعه لو كان ما قد كتب ولا قرى 💯

أنا في رجا اللي من رجا رحمته بالذات سمح من وجيهٍ ما ورى شوفها طمعه عليه العوض لا راحت أغلى السنين شتات ولا فـ الليالي عقب تفريقها جمعه لو ارخص مطيح دموع عيني على مافات تسلّفت غير دموع عيني ، مية دمعه أحسب إن الأحيا فقدها ارحم من الأموات وأثر من فقد شوفه .. مثل من فقد سمعه .

وكل أمرك للكريم ويسمح امرك كل ما دكت على صدرك روابع وإفرد همومك على سجاد صدرك لا تضيّقها وحلم الله واسع ولا تطاول في قصير الشبر شبرك ولا تنازل عن شيّمك ولا تراجع ولا تواضع للوضيع يضيع قدرك منت مجبورٍ على بعض التواضع

اللهم صل وسلم على نبينا محمد 🤍

«أضرب دروب الأوادم وامش ممشاهـا وأضرب دروب العرب وأدرج مدارجها وأرسم لنفسك .. حدود ولا تعداها من حط نفسه بدرب الضيق يحرجها»

أسج وأسهج عاليات المراقيب وأشرب وعيا يقطع الماء ظمايه جرحي عميق تضيع فيه الاطابيب وأخترت من بعض العلاج الوقاية ولو من جرحني يلمس الجرح ويطيب ولله لتوب عن —الهوى للنهاية

أمان الله على عمري وعلي من الليال السود عسى الله يملي سنيني رضا وأيام ورديه عسى هالعام ثمر أخف من شيلة المولود ولا تنعاد لي ساعه من الماضي ولياليه وعسى عامٍ راح مرت لياليه جفا وصدود تصير من العوض بـ الذاكره والعمر منسيه #٢٠٢٥

بين حُب الجواب و بين كُره السؤال القلب لو تاه ماينزل عليه الوحي لازلت قدّ الفراق و قدّ حلو الوصال لو المفارق مصيبه و الوصال أريحي يازين والطق في موت المشاعر حلال إلى متى و أنت لا مقبل ولا منتحي ؟ يامقربك لو دعيتك بس كلمة تعال أثقل على خاطري من حاجة المستحي

أخاف العمر يسرقني وأنا عشت العمر طوّاف ما بين الأمس، والذكرى، وأعدائي، وأصحابي تطيح الدمعتين ثقال ويحسبها البعيد خفاف وأشوف الوقت ياخذ من يديني معظم -أحبابي- وأشوف الليل يغتال النهار ب ظلمته وأخاف تصاحبني الظروف الظالمة وتصاحب أبوابي

بعض الخساير تعتبر شبه مكسب وبعض المكاسب ماوراها من أرباح وان كنت تبغى لك نصيحة مجرب اتـرك كـلام الـنـاس سايح وسواح من كان همه يرضي الناس يتعب ومن كان همه في رضى الله يرتاح