طبعًا عادي! ماشريته عشان يقعد بالدولاب. ألبس وأنسق وأغير كل لبسي بكل وقت وأكرر كثير لأنّ اللبس من لباسه🥰 شافوني فيه أو ماشافوني مايقلل من قيمتي ولا يأثر بالقطعة نفسها!

بنات حبايبي توكم بأول العمر، انبسطوا واحسنوا الظن بربي وعيشوا حياتكم 💗

أول خطوة إنك عرفتي إنه إدمان يعني ممتاز 👍🏻 ثاني خطوة تبدئين تفهمين ليش تتصرفين هالتصرف؟ ممكن تتابعين ناس كثير وتتحمسين؟ أو تسوين كذا لما تكونين طفشانة؟ متضايقة؟ افهمي السبب وابدئي بتغيير السلوك مثلًا إذا طفشت أشتري؟ جربي لما تطفشين تعبين السلة بس أو تروحين بنترست أو هواية..

أهم شيء حاجتين: النظافة والترتيب. يعني لبس مرتب كاجول أفضل من العباية لأن مخك يتهيأ للدراسة عكس العباية توحي لمخك إنك مستعجلة وبوضع خروج.

بنات أكثر شيء يرهق نفسيًا موضوع الندم وجلد الذات. ترى كلنا نتعلم بالوقت والتجارب عادي تحطين حدود بس لا تقعدين تقهرين نفسك على شيء عدا🤍

اي ممكن بس لا تجلدون نفسكم بقسوة! صحيح الواحد يحاول ينتبه لأموره ويأخذ الأمور بتروّي ومرونة وينتبه لأخلاقياته في اختيارات حياته، لكن كل فترة الواحد يتغير ويتحسن إن شاء الله فطبيعي يستغرب من تصرف سابق أو أو.. كل ماكنتي مرنة وتسمعين بهدوء وتقررين برويّة بشكل عام كل ماقلّ ذلك.

بنات دايمًا أول شيء بأي علاقة إنكم توضحون للشخص. كذا تخصصون لقاء ولا مكالمة تقولون فيه أنا منزعجة من التصرف الفلاني تكرر بكذا وكذا. بكل وضوح العالمين. إذا الشخص مازال يكرر خلاص فيه تغيير يصير بالعلاقة وحدود إضافية.

مافي فرق بين الحياة قبل وبعد التخرج من ناحية هل راح تتحقق الأمور؟ لأنّ بالأخير عليك السعي ومن ربي النتيجة. السعي مطلوب والخوف طبيعي لكن لا يعيقك، كل ماتكبرين كل ماتتعلمين إنه التقبل والمرونة والتكيف مطلوبة مع تقلبات الحياة وإنه مو كل شيء بالملّ راح يكون لكن مو معناته بشكل سيء.

بنات كأخت كبيرة بقولكم شيء يمكن محد قاله لكم من قبل! تعلموا تسمعون فكرة بذهنكم وتطنشونها! اي بالضبط حل بسيط وسحري⭐️ يعني جاء ببالك "وش هالسالفة ماتنقال بتنفهم كذا وكذا" قولي لنفسك عادي يفهمونها براحتهم نيتي ماكانت كذا وخلاص.. لما تواجهين فكرتك وماتخلينها تحدد مزاجك، تخف مرة👍🏻

الاهتمام بما تملك والتفكر بقرارات الشراء أفضل من الاستهلاك المتكرر بدون وعي.