تقول : شفت القمر واحد من أشباهي وأقول : خليه عنك ، وخلي وصوفه أنتي جمال الحياة ، الفارق ، الناهي أشوفه " وكنّي أول مره أشوفه "

غديت أودع المقفي ولا أحب أسمع التبرير أشوف إنّ التفاصيل الكثيره .. مَـا لها داعي ! _ فيصل القاضي

صبح وجهك كل ما طّل وأشرق في سماي مابقى للشمس طاري ولا للصبح نور .

تدلّل وش تبي ؟ يا المبسم الضحّاك لجل عينك عذابي في الغرام يْهون جمالك شي يستعصي على الإدراك عليك الكل من هول الحسن مفتون من يقاوم بهاك ! ولحظك الفتّاك ؟ من اللي هام فيك ! وما غدى مجنون ؟ عطيتك قلب مهما تجرحه ! يفداك تمون وكل جرح ٍمن طرفْك يْمون ..

تقولين أنت من قدّك ؟ و أناظر قدك الميّاس و أقول إليا تمايل قدّك المياس .. من قدّي ؟ تغيبين .. و تجيني في صلاتي كنك الوسواس مع إنك شي .. ما تدري به العالم مثل : سدّي قبل لا أواجهك .. دقات قلبي : تسبق الأنفاس ولا واجهتك أشوف إن نور وجهك جرعة مهدّي _ خالد بن طفلان

على نور الصباح اللي نسيمه يفرح المحتاج انا المحتاج لإشراق الصباح وشوفة عيونك

بعدك ( تغير ) روتيني فـ الزمان الأخير على كثير الأماني .. ؟ ، طاغيٍ شــوّهـا أنام ، وأخفف من الأكل ، وأقرا ، وأسير وأصدّ عن ليتت ( الأنفس ) وعن لوّها وأدور الضحك لو أضحك مع لي غرير ! من قفّت أشين سوالفنا . . بـ محلوّها : _ محمد ابن الذيب

ماحسدت المطر على مكان النزول لين بلّل جدايلها وهي .. ضاحكه كانت كفوفنا ملامح .. مْن الذهول مدري كفوف ولّا ارواح متشابكه ! جعل غيمٍ يوسّع خاطرك ، ما يزول وجعل كل الليالي فيك .. متباركه

نهب قلبي هواك وصار قلبي في هواك أْسير عيوني زاهدة في كل شي وفيك طماعة تمنّي ما تبين ولك علي اللي تبين يصير لي أدوّر رضاك و مالك إلاّ السمع والطاعة على جسر العمر ما كلّ موعد يقبل التأخير أبي ليله معك وإن ماحصل ليلة أبي ساعة

تعال أخذني من الليل الطويل الحزين وأفتح يدينك وشف قلبي يجيك يعدي ㅤ ويهيم بين النحر و الخد أبو شامتين أعوذ بالله من نفسٍ . . مداها مدي ㅤ وأقلط وبيتك يسار الصدر ما هو يمين بيتٍ ضيوفه طيوفك ، والبساط أحمدي ㅤ كم مره يطيح وأشده بـ حبل الوتين بيت أجودي و يتجوّد فيه كل أجودي

مكافحة هذا البرد لاتصح الى بما ذكره الشاعر فهد عافت ادناه : خذني لحضنك وشتتني وجمعني ادخل متاهات صدري واحترق فيني ضيع انت فيني وابي منك تضيعني في غابةٍ تحترق فيها .. عناويني خذ ما بدا لك حلالك لا تراجعني بعض الطلب ينهيّ اللذه وينهيني

يروحون كل الناس !.. مني شويّ شويّ ولا فيه أحد يبقى على البال : غير أنتي _ عبدالله السراهيد

عليك من الرضى ما لاعب الغربي غصون الطلح و ما هل المطر و ابتلت القيعان و اخضرّت حبيبي لو تبادر بالعطا و تمد كف الصلح تبادرك اليمين اللي لا قرت بالقسم برّت وش أحلى ملامك غير وجهك و أنت كلك ملح لك جباه القصايد تحت رمشك صاغرة خرّت

يا برد الشتاء خل الحنين القديم يموت امانه معك لا تبعث الشوق من قبره انا من كثر ماني بمتضايق ومكبوت لو يقول احد وش فيك ؟غصتني العبره! اذا الناس تحتاج أُكسجين وشراب وقوت انا احتاج جبرة خاطرٍ ما لقى جبره

أحبك .. ومحبتي في شكل عام و شكل خاص محبةٍ للعمر .. ماهي للترفهْ و الدجل عهدٍ علي و العهد ما ينقض لو فـ حكم القصاص لا اصون حبك لين ما يبقى على الدنيا .. رجل ماكنت اعرف الضحك قبلك كانت الضحكات عاص و اليوم اسمك راسم الضحكات عندي في السجل

جعلني ما أذوق لك حزن دامي فالوجود يالعيون اللي تخافين دمعك ينسكب الهوى نكبه والايام عاقد ومْعقود وانا لا أول من تعقّد ولا آخر من نكب الحزن والضيق والهم والقلب الحسود إحذفيهم مثل حذف النفايه فالمكب لا تخلّين أزرق الدمع ياصل للخدود لا نخلّي حامي الدم ياصل للركب

الليالي موحشه ،، والفكر متشتت وتايه انتهت كل الحلول وعزلتي {مخرج طواري} والله اني مُرهق ومُتعب بما فيه الكفايه بس اقاوم قسوة الايام من خوف انكساري الرضى والصبر واجب ،، والفرج مطلب وغايه والامل يحتاج ، عقل مولي وقلب انتحاري

لا تعاتبني على الصمت مدري وش أقول ضايقٍ خلقي من الناس و أولهم أنا كل ما قربت برتاح من شيل الحمول شلت في قلبي مدارات و أحباب و عنا كنت واهم يوم أقول إنها شدة و تزول الهنا هناك متراكي و أنا واقف .. هنا

المبسم النرجسي والنظره الخجلا تناقضاتك ! تزيد اهل الهوى عله وش هو له تكحلين عيونك النجلا ؟ انتي الكحل في عيونك وهبه من الله

على نور الصباح وهبّ نسناسه وصوت الطير ثلاث اشياء .. كفيله تنعش اشواقي وتحييها ㅤ صباح الطيب والا الفلّ والا الحب والا الخير تخيّر في الصباحات الجميله .. وانت راعيها :)