لاشفت وجه الصمت قام يْتفتّق صدييت لاشفت الحنين فـ طريقي ضريبة الحزن القديم المعتّق موت الشغف ولا القصيد الحقيقي

من ضنون الوسم ولا من ثبوته ياسقى الله روحي وجرهد بلادي نفسي اللي مسنيه مثل خبوته ودّها ان الغيث ياطى كل وادي كل يوم يموت له عشرين موته واحدٍ ماهوب عادي .. عاش عادي يعترضه الهرج ويفضّل سكوته السكوت يفضلّه على التمادي من عقب هبّ الهوى واشتال صوته ودّه انه هبّ قبل انه ينادي

مترامية الأطراف .. ملمومة أطراف في عيني الليلة على شكل ثاني ! لو القمر عملاق وغيومه لحاف عجزو على سدّ الخلل في كياني .

اللهم صلِّ وسلم على نبينا محمد .

عاينت فيك وتارك الناس اجمعين وأثرك خطاي اللي تعبت آجمّله حدّيت سكينك على جرح السنين مدري وش اللي ناقص وبتكمّله !

يانجد طال النيا وازدادت اسفاري وانا غريبٍ تغرّب في حضن داره مافيه حاجه تمرّ ، تجدد اصراري الوقت بوّار والعربان بوّاره حتى نسيم الصبا ماعاد له طاري من مفرق الوادي اللي ماتت أشجاره محتاج راحة مهاجر - راحة انصاري يشوف صَحبه على يمناه ويساره

عنود المراتع والحضارات والارياف وش اللي تبينه .. بس لاذوق حرماني عيونك بحر ما مرّها قارب ومجداف ورمشك عسيبه ياصل الساحل الثاني أنا أقول احبك كل مره ، بدون الكاف ليا قلت احب الغيم والصبح وأوطاني ابشرك حتى الثقل ينقص ثلاث اضعاف متى ماتبسّمتي وقلتي : على شاااني

ودي اقفي عشان الوازع الديني لكن القلب دينه لازم يجامل ارتجافة طلبتك لاتخليني يمكن تردني حتى وانا صامل :)

فيه صوتٍ يجلد الذات ويحسّ الضمير مستعدّ يخلي اسمي مثل نجم الجدي ليش لا ، وانا لاوقفّت فـ اليوم الكبير توقف الساحه على السبحه اللي في يدي .

أي يقيناً هذا ، الذي يجعلني اغامر بـ كل مالدي وانا مؤمن بأن الله لن يخذلني ؟.

حنانيك ياريم المفازه عن التحنان وصوت الهوابيل القديمه على الجرّه ترى حزني من العام الاول الين الان وهو في خفوقي يرفع الصوت ويجرّه اوقف على الحيره وانا ماني النعمان واحاضي على النخوه وانا ماني بـ مُرّه انا عمري الفعلي إذا مانيب غلطان دبل عمري الحالي حوالي 100 مرّه :)

معتّقة طبع وسلوم وعوايد تقول عايشةٍ قبل جيلك ، بـ جيل كحلت لـ عيونك عيون القصايد وان طالت الطرقه ، عيون الرجاجيل

دمعك ، لاعاد يحول بيني وبينك تعبت اداري موق عينك واحنّه واليا تمثنا كفّي ، رماح عينك ماعاد احسد اللي يلاعب الاسنّه

🎤✨ أمسية شعرية مع الشاعر محمد فضاء محمد بن فضاء بعنوان "الحنين وغربة الروح" رحلة بين #الخيال والواقع على أجنحة #القصيدة 💫 📍 مقهى #الأدب_الذهبي – الرياض 🗓️ 18 نوفمبر 🕠 5:30 مساءً ضمن مبادرة #الشريك_الأدبي