حين تتجلّى المروءة في الشعراء: سعد بن جدلان: "فرصتي ويقة حرارٍ على ماكر حرار ما يعوّد فالمحل الربيب الا البعير" مساعد الرشيدي: "حانت الفرصه ولكن ما أنتهزت الفرصه جيت أبغنمها وعيت شيمتي وأخلاقي"

ربتني الدنيا على الحمدلله عندي يقين و عنده الامر كلّه على الطريق اللي عيوبه مزاياه ما كنت اعقد الحبل عشان احله يا ما رميت الحزن للا مبالاه و يا ما صنعت الضحكة المسفهلّة دليلي انّ الحظ لا ضاع بـ القاه احساس و الاحساس سيد الادلّه

لاتغرنّك منازل الناس في الدنيا، فالقيامة ستعيد ترتيبهم. قال تعالىٰ: { خافضةٌ رافعة }.

"وش استفدت من النباهة يا نبيه يوميًا الفرصة تمرّك… وتعبر ولا لقيت لحالتك عذرًا وجيه الا انك تحب التحلّي بـ الصبر تاخذ من أمثلة الزمان اللي تبيه وتخلي الباقي وهي فيها عِبر ترى التجاعيد اللي تطلع فـ الوجيه هذا —حزن— يا صاحبي ماهو كبر"

ابتلشنا في نفوس العرب من كل صوب مالنا الّا نكتم الصدر واللي فيه فيه لا خلصنا من وجيهٍ تقلّبها القلوب ماخلصنا من قلوبٍ تقلّبها الوجيه

وش عاد باقي من حقوق الرفاقة وأنا اسمع الحيين تغتاب الأموات! غالي بن ربيعان

القلوب البيض بيضان الحصايل كان فالاجناب والا فالرفاقه . ولا تفكر ف الضعوف ولا تخايل من يفارق منّهم جعله فراقه . والردي لامن عجز رد الجمايل دور الزله على قطع الرفاقه" سعد علوش

الضعيّف رفقته كنها المال الحرام والسنافي رفقته كلها خيره وخير نحفظ الخوه ونوقف له معزه واحترام في مواجيب الرفاقه وماجوب القصير والمواقف تكشف الناس زين بشكل عام كل موقف يحصل يصير نظارة ضرير والرفيق اللي نسميه في الشدة حزام يستحق نوشحهَ مدح منقطع النظير 👌🏻

ياوجه الرفاقه .. لا تكثّر على اللوم تراني ماني بالصاحب اللي على خبرك لو تشوفني مبسوط و آواسي المهموم تراني حزين .. وضحكي أحيانا مفبرك اغمض عيوني بس ماعرف لذيذ النوم يا راسي على لوعات الايام يا صبرك

بعض الهروج الكبار اللي مامنها حصيل مثل النياق الزيان اللي مامعها فحل" #سلطان_الحويقل

توضّوا اهل الريا الفاحش ولا صلّوا والآدمي لا نقص عقله نقص دينه ماني مولّي عيوني .. حيث ما ولّوا لـ الدبره الضايعه والمنّه الشينه وان كانهم فالدعا ضاعوا ولا دلّوا بيني وبين الله .. اللي بيني وبينه انا على كثر .. ما زادوا و ما قلّوا اقلّهم حَظ .. واكثرهم طمانينه

منابع فعول الطيب بمطنخ العتبان مثل منبع البترول في راس تنوره

اعتزلت الناس وابشرك طيّب ما غبطت اللي ورا الدنيا يطارد جعلني ما اسوم وجهي عند خيّب المقابل شين والترحيب بارد الرفيق اللي محاضيبه قريّب ما يوردها عذيّات الموارد محسنٍ ظنّي وحسن الظن طيّب غير في بعض الامور الشك وارد ؛)

حزن كبدي لا طرت ذكريات الراحلين حزن عودن هل دمعه على قبر ولده

جت عندك السلطه على فعل الجميل فـ المنصب اللي فيه . . كلٍ غابطك تملك صلاحيه تجيب المستحيل مهوب حق تقول كلم ظابطك :)

جالس لحالي تحت نور القمر والجو هادي والقمر وده يفضفض لي وانا منيب يَمّه

اهم حاجه " ما قال الله و قال الرسول " يا راجي الناس عند الناس وش ترتجي ؟ الزود زود الثقه والنقص . . نقص العقول مهوب نقص الفلوس اللي تروح وتجي :) - ناصر بن مفلح

تبت عن كل بيضاء من بنات الحمايل وهمت في حب سمراء من بلاد النجاشي ما تبي لي قصيد ولا تبي لي رسايل بس أنا مقدر أخفي لهفتي واندهاشي :) - بندر الدويش

ضجيج المدينه لا فهقته وراي خلاف طرا لي جديدٍ من قديمي و قدمته :)

لاتخلي في رقبتك لخلق الله جميل الجمايل فـي رقاب الرجال مكلفه والرفيق اللي ظروف الزمن صوبه تميل لاعطيته شي لاتعتبرك مسلفه خلها فزعه ورفقه ومن هذا القبيل لاتحده يشرح الوضع لك وتحلفه القبول الزين والجود لو حتى قليل قيمته قيمه وعذر الكرام يغلفه