يا وجهٍ خطف قلبي وضيّع صوابي

{قَرِيبٌ مُّجِيبٌ}

في كَنف بشت الطواري والسهر واللّوعه عشت ياحزن الضمير اللي ماهو بـ هويّن !

صدق ناصر الحمادين يوم قال : كل ما ضاقت بي الأرض الوسيعة أتتقى فالقصايد .. و اتذرّى !

اتفق مع عساف بن سعد يوم قال : لا شفت الاوراق بين الناس مكشوفه صديت .. واللي يخالف منهجي عفته !

ناصر الحمادين يوم قال // له جِرةٍ فـ الحشا ما غطّها السافي .. طرى لي كلامٍ مرّنيّ , وللأسف انتهت صلاحيته ! مير الأكيد ان كلام ناصر هِنا , ماله انتهى صلاحيّه .

ما حداني لـ القصيد ولـ السهر والونّه غير حزنٍ ما خذا روحي .. ولا خلّاها !

يالله ياللي عليك الشان والتكّله في وجه الايام لا تتركني .. لحالي !

تلّد النواظر يمّ ذيك الديار والبلا حنيني تعدا شوارعها !

بيتٍ لـ عبدالله بن زويبن اطبقه من مبطي , قال به : صدك تقلّ ما اوّحيت لو انّك اوّحيت عن الرديّه طيب .. ماهو رخامه !

ومثل ما قال زبار الحربي : دام الفعايل هرج كبّ المشاريه فنجال مدحك .. لاتسوقه علينا !

وعلى ما قال ابو هاجوس آل جميح , رحمة الله عليه / تعوّدت ما عاد اشره .. الا على الوافين علشان شرهاتٍ على اللاش منقودي !

ليّا مات الشغف كنك فقدت عيونك الثنتين تضيع ابسط حقوقك في الحياه وتوخذ نهابه !

محتاج فرحةٍ تطلعني من الماضي فرحة فقيرٍ تصدّق .. و انفرج كَربه !

غِبْ ثلاثين عام ! ورِدْ مجدك بـ ليلة .. 🤍

انتهى يوم وبدت ليله وانا هذا مكاني ! مرتحل بالشعر .. ما بين القراءة والكتابة

ياديرةٍ حبها من حب .. مخلوقي لوّ تعرفين الغلا ماكان لمتيني🌷

ولا نيب مرتاعٍ ولا نيب مرتاب هذا زِماٍن مبيّنٍ فيه خلّه !! جربت انا الايام وانا بعد شاب تجريب شايب سوّ بقعا يقلّه ..

بيتٍ , اشهد اني شفته و عشته // مشيت فـ الدنيا وحصلت الاعجاب تضحك وتبكي .. كِل يومٍ بـ ملّه !!

اشهد انّ الحال مثل ما قال إبن شايق : كم نبي نَرضي الدنيا وكم ـــــ زعّلتنا !