كنا من سنين قريبه لما نزود البرامج على الكومبيوتر يهنج والمحمول بالكاد يشتغل..الان المحمول عليه بال ١٠٠ برنامج وعادى! وبرامج السوشيال متعدش..الهاء غير عادى ولا الكوره!!

كان فيه نكته قديمه جدا كل ما افتكرها اضحك..زمان كان التليفزيون المصرى قناتين ويقفلوا الساعه ١٢ ليلا وتفتح تلاقى الشاشه بتنمل مفيش ارسال..النكته..ان حد فتح التليفزيون الساعه واحده الصبح فلقى المذيعه بتحمى ولادها! ( بعد ما خلصت شغلها وغيرت وكده!😂)

الحياه لازم تسير غصب عن اى معوق..القطه اللى خلفت وعايزه تخلف تانى وانت مانعها بتتهبل وترجع ترضع ولادها اللى عمرهم ٦ شهور وهما بيرضعوا وهى وهما يخترفوا..لانك وقفت دورة الحياه الطبيعيه..اى حاجه بتعوق ليها رد فعل فى سير حياة الناس..

يلفت نظرك احد لثقافته، لباقته، ذوقه، استنارته، اخلاقه، ..الخ..حتى يظهر لك مشوهين البشر..فيضعونه فى تصنيف يحقر شأنه لاى اسباب..وقد يكونوا محقين وانت حكمت بالظاهر وقد يكونوا حاقدين وهو الاغلب..

الطحينه السمسم البيور عشقى..تعملها سلطه وتاكلها مع عيش طازج واى شئ رائعه، تضع عليها عسل اسود هايله، يتعمل منها حلاوه طحينيه..وجودها فى البيت مطمئن!

تخيّل تصحى من النوم وتلاقي في حسابك 90 ألف ريال محوّلين لك من شخص لا تعرفه. بعد ساعتين يتصل عليك ويقول: «لو سمحت، الحوالة تمت بالغلط، رجّعها على الحساب ده، وأنا أعطيك 3 آلاف ريال حق تعبك». هنا لو كنت واعي، ردّك يكون واضح: «أنا ما ليش علاقة بإرجاع الحوالة، تواصل مع البنك

الحياه غريبه..احنا اللى بنحط التاتش بتاعتنا فى احداثها وبنقلبها حكاوى دراما (زى المؤثرات الصوتيه والبصربه فى الافلام) باى حدث مثل..حب، موت، كره، مرض، رعب..الخ مع ان الحدث نفسه بالطبيعه قد لا يكون له اى ابعاد..بالتالى الحدث عندك غير عندى غير بمجتمعات وثقافات اخرى..الا بعض التشابه!

تسريب مستقبل التكنولوجيا يتم بحرص شديد ببلاد الانتاج..مثلا قيل من عشرات السنين ان البترول بنضوب خلال ٥٠ سنه مما اثار قلق..يعنى ح نرجع لركوب الحيوانات وتختفى السيارات والطائرات..الحقيقه المخفيه ظهرت من ١٠ سنوات فقط..انه سيستبدل البترول بالكهرباء! وتوليد الكهرباء له طرق غير البترول

القلقاس من اكلات الشتا اللى لو اتعملت حلو بتكون رهيييييبه الطعامه..ورائحته الجميله تملا المكان..وصدق اللى قال زى الزبده..

يدهشنى من تعلم واعمل عقله ثم اخترع استخدام الرخام الجرانيت اللامع فى الارضيات..بادعاء الفخامه!..وهو زحليقه تكسر عظم من يقع..طب وفر عقلك لاستخدامات مفيده! فنفذ ارضيات حتى ولو موزايكو وركز فى ابداعات اخرى تفيد..

منذ كنت طفل وانا باذهب لمعرض الكتاب تقريبا كل يوم..ومسكت جناح فى سراى العرض لناشر امريكى فى اجازة نص السنه..وبحادثه طريفه..سرايا العرض لعينات الكتب الحديثه جدا فلا تباع وانما تحجز نسخة العينه بالمعرض ويتم شراؤها من المكتبه بعد المعرض..كان كتاب بالهندسه تمنه ٦٠ج وحجز ٥ج وتم حجزه ١

فيديو زوجين بزياره للهند..دخلوا مطعم وضع على ورق الموز ١٦ نوع من الاطباق كلها عينات ولا لحوم واسماك ودواجن ولا خضار مطبوخ..فى عرفنا نعتبرها فواتح شهيه..لانه بعرفنا العرب بدون لحوم،اسماك،دواجن+خضار مطبوخ فلا طعام..العرب عموما لا يراعون الحميه الغذائيه..

الشغف بيروح من اللى قدامك بمجرد ما تشعر انك مش فارق معاه وانه بيتواصل تسليه!..لو عرض عليك اى قضيه تخصه او ضيع وقتك فى تسليه بتلاقى نفسك مسدوده من دعمه..خلاص..حماسك انتهى..اى محاوله ايجابيه منك تشعرك اكنك بتملأ قربه مقطوعه..الاسوأ من النموذج ده لو كان بالاضافه لما سبق مؤذى ومستفز!

العالم مدهش..شعوب الدول الناميه عايزه تروح دول متقدمه زى امريكا وبتعتبر مجرد دخولها او الجنسيه يعنى خلاص وصلوا لامالهم..مع ان امريكا واشباهها فيها فقراء ومشاكل..واللى بيروح بعد رحلته الجامعيه والنادى والبرستيج فى بلده..بيشتغل بواب او بائع او سائق..لم يفكر فى مرحله ما بعد اللقمه!

ليه الستات اللى بتصنع وتبيع الخبز البلدى البيتى بتبيعه بضعف سعر العيش البلدى الحر..رغم انها لا تتحمل ضرائب ولا ايجار ولا اجور..كما تتحمل المخابز وتربح كذلك؟! وليه الاكل البيتى كذلك..مثلا شوية محشى يكلفوا ٣٠٠ج ولو بفرخه ٥٠٠-٦٠٠ج فى شوية ارز!

فى الفجوه بين الدخل والشراء: دايما افضل فرصة شراء هى ما قبل التضخم مباشرة حيث دخلك فى افضل زياداته بتقدم عمرك والطلب زائد بما يوشك معه انفجار السعر لاعلى..فتجد الفجوه اقل فيما كنت تتمنى شراءوه..شقه، عربيه..خصوصا بالتقسيط فقد رهنت مال سيرخص مستقبلا امام شيئ سيغلو ولا رجوع عن العقد

الوعى العام هو كل شئ فى جماليات ونموذج معيشة بلد ما..لهذا التعليم شرط اساسى لتذوق الجمال والقيم وتعلم منطق العقل والعلم لجميع افراد هذا المجتمع..لا يوجد مجتمع على الارض لا يضع ذلك فى حسبانه تحت اى ظروف.

الواحد بتجيله اوقات بيكتئب ومش بالاقى اى حاجه تشدنى..السبب بسيط انى غير منتظم فى ممارسة هوايات احبها بمواعيد..جارتنا ست كبيره وبتسحل نفسها فى خدمات للجيران تلزم نفسها بها تعاونيه وخيريه اعتبرها وجع دماغ لا ينال تقدير مناسب..لكن هكذا تجعل لحياتها معنى..