اصحابنا ما تغيّرهم ظروف الليال حنا نعرف الليال ونعرف اصحابنا .

الأوادم ما تعيش إلا على صوت الكرامه والنفوس الهيّنه تستغرب صغار المبادي

تجود النفوس اللي من الأصل فيها جود ويقدم على الجزلات من يعشق الجزلة

ثقلتو الحمله على غارب شعيل واشتالها واقفى يسحّب خطامه وزهبتو البندق و سرجتو الخيل وطحتو في ابو زيد الهلالي سلامه من يلبس الجلباب فوق البناطيل نلبس له الطربوش فوق العمامه

ثقيلة خطوة الفرقى اذا كان الامل معدوم لكن العـزه تخـفف على نفسي و ترعاني .. أنا يوم أنتحي عنك ؟ واصد بعزتي وأشوم؟ أبكسر حاجـز عنـادك مدام انك تـحداني .. كبير أطيح من عينك،ولا أصغر في عيوني يوم أنـا ماني على كيفك ، تـدورنـي و تلـقاني

على الناس ما عندي معاتب ولا تثريب نظاف الضماير كلهم ماتوا الظاهر . ليا قلت يوسف وين قالوا كلاه الذيب وانا داري انه ما سفك دمّه الطاهر . تحيّرت بين العزم وملاوع التأنيب اخاف الفشل واشوف مستقبلي زاهر . انا كني اللي حن لأهله وتل الجيب يبا ينطلق ويرده الخوف من ساهر

" أسوأ إنسان في الدنيا الذي يُؤذيك ويتعامل معكَ كأنك أنت الذي آذيته ."

دايم المنّة ليا جات من عقب معروف ، لا غدا مكسب .. جمالة .. ولا دفعة بلا !

الصدور أطرافها متراميه .. والليل هادي لايروح الليل قبل أستنطقه وأخذ جديده! كل ماسقت القدم بين المبادي والمبادي أعترض لي طاري الشوق وخذيت الشعر بيده ودّي أضحك من بعد طول المعاتب والتمادي ضحكه الي يضحك من أدناة حاجه من حفيده.

غيابك حضورً له بـ صدر البيوت شهود وش الي يغيّب ضحكتك والغلا ثابت ؟ أحنّك مثل ما أحن وجهي مِن المنقود وأعدك ليا عديت .. الأيام وش جابت !

مرد القريب يغيب دام الحياه دروب تفرق و تجمع والمخاليق طرقيه يخوض البني أدم بعمرة كثير حروب مع كل غاره مات من روحه شويه اشد الملاحم جرح للغالب المغلوب دخول العقل والقلب في حرب أهليه

اجعل لنفسك مساحة للتفكر✋ اجلس منفردًا وتأمل في عطاء الله لك، ستجد أنك في خير وفير وكرم عظيم، طبيعة الإنسان أنه ينسى وربما عينه تمد للدنيا وينظر لما ينقصه فقط وينسى ماعنده من خير، وينسى أنه أصلًا في زحام من النِعم .. فجدد شعور المحاسبة ولا تكن من الغافلين.

صفعات الأيام ترشد للطريق الصحيح بعض المصايب تسوي خير بأصحابها .

أحس إني كبرت وبين بـطبعي مدى التغيير فلا هذا هـو احساسي ولا هذي هي أطبـاعي بديت أتعمق بـنفسي ولا أهتم لكلام الغير يقولون الهوى غفله وأقول إن المدى واعي غديت أودع المقفي ولا أحب أسمع التبرير أشوف إن التفاصيل الكثيره مـا لها داعي

اليا اذن المذن ، تهيا لـ الصلاة والله ما تلقى خير من تاخيرها . قد ماتوا اللي يستحقون الحياة يعني بتبقى حي . . دوّر غيرها :)

قلوب البشر ماني على ودها مكلوف رضاها علي . . ماهو مدخلني الجنّه عسى الله يبيض وجه من يذكر المعروف يماري بـ راعي الطيب لا من حكـو عنـه بوقت أشوف الناس تخرج عن المألوف تكب الصحيح و تترك الفرض و السنّه نعاف المكان اللي حشم هرجة الملقوف و نعاف الجميل . . اللي يجي من وراه منّه

إستعذت من الدروب اللي نهايتها حسافة قبل ترميني ملذات الزمن .. في جوف غبة شيمة الانسان ميزان اعتداله وانحرافه تنذره لا شافت الاوضاع ما هي مستتبه إن عجزت إنك ترد النفس عن شيٍ تعافه ماقدرت تحط نفسك فالمكان اللي تحبه

العمر وقفات والدنيا دروس وعبر والعاقل اللي عرف الايام وحمولها من جادل الجاهلين يضيع له في بحر فلا تخاطب الناس الا بمستوى عقولها ثنتين خذها معك يا من يهمك لامر وصى عليها الحكيم لطيب مفعولها لا تمدح العود لين يحط فوق الجمر ولا تمدح الناس حتى تظهر فعولها .

اللي تهيا له الطيحه هو المستريح لو ان مطيحه من القمه يجي له دوي كم واحد قاضي حيله و وده يطيح وتوقفه نظرة اللي يحسبونه قوي

يقولون الحذر لماح واقول الحذر خواف كلام الي يغامر والعمر في دبرة الوالي