ولا مرّه دخل شخص بحياتي وخليته عوض عن شخص أو ياخذ مكان شخص ثاني، كل شخص دخل حياتي كانت له مكانته ومشاعره اللي تخصّه، كل شخص لازم يعرف مكانته بحياتي هذا قانون لسلامة مشاعري و اعصابي.

القرار الصح راح يعوّرك بالبدايه ويريّحك العمر كلّه.

خانتنا ملامحنا الحلوه وبيّن علينا التعب.

احب الصبح وجمال الصبح، احب طقوسه بكل حالاته، واحب كل من يحبه🫶🏼 صباح الخير

تمر عليك مرحله بحياتك اسمها "نقطة تحوّل " يمكن تواجهك بعمر كبير او صغير،تتغيّر فيها ويمكن تتغيّر الى شخص ثاني تكون فيها دروس الحياه صعبه ومكثفه عليك تخليك تفهم حياتك اكثر وتفهم تصرفات الناس تخليك هادي وتتقبّل كل شي ومع انها فتره ابدًا مو سهله بس بعدها تصير شخص افضل و اقوى و انضج

لا تتعلّق بشخص مايفقدك مايبادر بالسؤال عنك مايحفظ تفاصيلك مايعبر لك عن حجم غلاتك و اهتمامه فيك بحجّة ان مايعرف او مو متعوّد لا تختلق اعذار لشخص انت عارف ان مقصّر بحقك بس لانك متعلّق فيه تبي تعذره، انت بهالشكل تسمح له ان مايهتم لك تسمح له ان يهمّش شعورك ومايحسب له حساب.

حياتك عبارة طريقة تفكيرك كل ماكنت انسان قوي مبتسم وقلبك مفتوح لكل شي راح تلاقي حياتك تشبهك، حياة جميله وقويه وسعيده لو مهما صار والعكس صحيح، حافظ على قلبك و عقلك انهم يفكرون بشكل يشبههم ولا تعيش حياة مو لايقه عليك تحت اي ظرف من الظروف، انت دايمًا تستاهل الأحسن لنفسك.

يزيد حبي للشخص لما اشوفه يميزّني عن غيري بكلامه، بتصرفاته، وبأبسط الأشياء.

انا من فريق الناس اللي تحترم وعودها اخذ الموعد على محمل الجد بشكل كبير اذا وعدتك بشي يعني اتحمّل مسؤوليه وعدي ومستحيل اتراجع عنّه، لذلك صعب علي احترم اللي يوعدني ومايحترم وعده لي وارد جدًا اني اخسر علاقتي بالكامل معاه اذا مو قد كلامك لا تقوله لي من الاساس.

ابسط شي اطلبه منك انك تكلمني لا تختار لي وقت تكلمني فيه بكل الاوقات كلمني وانت حزين،سعيد،متملل مشغول او فاضي تكلم معاي واسمح لي اطمن على قلبك كلمني لجل افهمك وتفهمني، لا تفكر شنو تقول لا تضغط على روحك بالتفكير لا تبني حواجز لا يتعب قلبك من ترتيب الكلام بدون اي سبب وبسبب كلمّني.

لا تفرط بالشخص اللي يفهمك ويتفهمك.

القواعد الثابته بحياتي؛اللي يچذب علي مره و اعديها راح يستسهل الوضع ويچذب وايد،اللي يكسر بخاطري مره و اسامح راح يكررها وخاطري بيصير مو مهم عنده،لذلك بعد الچذبه الاولى وكسرة الخاطر الاولى ما ارجع مثل ماكنت واللي فعلاً ماراح يكررها عنده الوقت كله لجل يثبت لي ان خاطري يسوى مليون خاطر

قدّر كل نعمه بحياتك لا توصل لمرحله ماتحس بقيمة الشي الا لما يروح منّك، حافظ على الاشياء الحلوه بحياتك، اهتم بالقلوب المختلفه و النادره لا تهمل ، لا تتذمّر ،لا تكابر قيمة الاشخاص والامور بحياتك انت تحددها لا تقلل من قيمة شخص يسوى وتزيد من قيمة شي مايسوى تصرف بذكاء ، بعقل ، وبحب❤️

صباح الخير بكل لغات العالم🫶🏼

kubbar island☀️

ليش مانكتفي بنفسنا؟ ليش دايمًا ندوّر الشخص علشان نكتفي فيه؟ احنا مو ناقصين علشان ندوّر شخص يكملنا، نحتاج شخص يزيد حياتنا جمال و اهوا كامل بنفسه.

كل شخص راح يعطيك اللي يبيك تشوفه وتعرفه عنّه وبس .. عمرك لا تصدق انك تعرف احد بنسبه ١٠٠٪ هذا انا بلغتك.

بقولك نصيحه واحتفظ فيها؛ تمسّك بالعلاقه اللي ما تلاقي فيها كلمة " احبّك " بكثره، لكنك تلاقي فيها كل شي يثبتها.

لا تربط سعادتك بشخص ابدًا، لازم تستوعب و تقتنع ان السعاده مو هدف لازم توصل له، اهي بكل بساطه اسلوب حياة وانت تستاهل السعاده، وتقدر تكون سعيد كل يوم تدري؟

تذكير؛ محد يعرف قدرك كثرك، محد يدري لأي درجه انت قوي الا انت، محد يستوعب شكثر عديت وعدد المرّات اللي وقفت فيها بعد تعب، هذا كله بس انت تعرفه، ارجوك عامل نفسك كما تستحق الله يخليك.