اول أيام المحبه مثل لطف الملّوك ! واخر أيام المحبين مثل .. سيوفها .

"أنا ما لي محلّ إلا على الذكرى و على الإ عراب وقصيدٍ لو ضحك نصه بكى نصه وعلانّية "

"أنا سمحت وطابت النفس وأقفيت ما عاد لي صوب الرجوع التفااته.." —عبدالله بن شايق*

جميع الهقاوي . . . ياغرييم الظنون و صار الامل من بعيد يمرك ويشطرك تعيش .. في قوقعه عزلتك ضيف يمون والخير في الي الى شافك كذا يعذرك الله يغيث الشجاع الي كسته الشطون وابطا وهو و الاماني . . بينهم معترك انا سجين الهقاوي يا سجين السجون الفرق فرق الاماكن و الاسم مشترك .

ودي أتقهواك و أشبّع من سواليفك ويمّضي بي الوقت ماهزيت فنّجالي .

عليك الغلا والشوق ينساق لك بإهدار أساس المشاعر انت يا سيّد اشواقي فدا طلّتك قدامي الدار واهل الدار ابيع العمر كلّه فدا حْضورك الراقي أنا كلّما شفتك نبت فـ ضلوع ازهار دخيل العيون الناعسه ترخي وثاقي وش الحب لولا طلةٍ تخطف الانظار من المبسم الآسر مغيبي ومشراقي

كم حاجةٍ أرخصتها لجل مبداي راحت وأنا بتطيح كبدي .. عليها

لاحد يلوم القلب لامـنـه فضل العزله يـرتـاح فـي ركنه ، الـهـادي ، وزاويتـه . .

تمر فـ البال مثل الغالي الميت لا الموت نقص غلاه ولا الغلا رده

بيت اعتبره سيره ذاتيه لي يقوله : —-صالح النشيرا غرورك تمتع به على اللاش والمسكين أمّا أنا نظام الغطرسه .. ما يناسبني يكسبني الكلام الواقعي والجناب الزين و ردي العقل بالذات ماهوب كاسبني

المحبه تدخل القلب مثل المستجير سوّد الله وجه قلبٍ ما يثني ركبته

وطيفك حطب عيني..وعينـي مشبّـه والشوق برد ٍ ما انقطع لو للحظـات

اتفاخر بك و احبك يـ الجناب الطيّب واتباهى في وصالك جعل راسك سالم جعلك انت اللي على باقي الحياه قريّب دامني في حضرتك كنّي ملكت العالم ♥️.

لا تخاف القلب ما يرتد عن سلمه ودينه لو تقفي عن نظر عيني بشوفك في خيالي انت عندي مثل عاقاً ما يبر ب والدينه لو يوريهم نجوم القايله ،، بيضل غالي :)

ودي أكمّل معك حتى الحياة البرزخية وين تلقى عاشقٍ يبغاك حتى في مماته من يشوفك يدري إن الموت حاجة عاديه كل ليلة في طوارف مبسمك يعلن وفاته

مالقيت اشد واخطر من انواع الحروب غير حـرب النفس لـ الذكريات الـفـايته -

انت حاكم خافقي وانت المفوّض لو غدت كبدك على وصلي غليضه ٓ وانت فرصه فالعمر ماهي تعوّض في حياة اللي عسا ربي يعيّضه .

القلب لامن حل طاريك يسرح به تقول يمك له منادي ينادي له