معْك ماترضى لي الهقوات بالدور الحيادي كل ما مالت بك الدنيا لقى قلبي ميوله ماعرفتك عادي شلون اتخلّا عنك عادي ؟ ما يجي بالتضحيه ما يتخلّا بالسهوله :)

يمرّ الكلام.. وتستفزّ الرّكاب البِيْد وأشوف إنك أعذب من هواي، ومشاوِيري يا أبو ضحكةٍ مسروقةٍ من ليال العِيْد أنا مستحيل أستوعب إنك مع غيْرِي.

"صمت غيرك شكوك وصمتك انت الامان ما يطيع الوهم قلبٍ يعرف الصحيح كيف أناديك لا خان الزمان المكان وانت صوتيني التعبان والمستريح "..

مع الاسف يا فاتنة انا من الجيل القديم اللي يحبون النقاء قبل الجمال الظاهري

كان اكبر من المستحيل انك تطيح من العيون وانك لو انك طحت .. منها ، سال سيٍل سدها وساعة مطيحك يوم هنت العشره اللي ماتهون والله ولا دمعة من دموعي . . لقيتك قدها

صحيح غيري كـثير وماني بـ كـامـل لكن تأكد .. ترى ما كنت ناقصني !

تمدّ الصباح بـ ضحكتك يا أوَّل العنقود هذا ثاني الأعياد وإحساسك، إحساسك يمرّ الرّضا، ويفزّ غصنك، وتلْقَح نود وأحاولك، وأستدرك مشاويرك، وناسك! أنا -يا عساني فدوة الصافي القرهود- يا لولا عيونك؟ ما تخطّيت حرّاسك أسوق القصايد كلّها للعيون السود وتجي غيمةٍ ما تمطر إلَّا على رأسك!

يطيح المطر ويصير وجه الثرى مبتلّ وتروى جميع الناس تحته وأنا ضامي أدوّر نهارٍ في شتات الدروب يدلّ وليلٍ نجومه تنتشلني من أوهامي تناسيت وأول ما ذكرتك وطيفك طلّ تبسّمت لك - كنك من الشوق قدامي :)

يحتاج للزين هذا موكب أميري يراقب خطاه ، ويداريه ، ويحنه كل الوجيه أبتسامتها عمل خيري وأنت أبتسامة ثغرك تدخل الجنه :)

أنا مهما نقلت من الحمول اللي ماهيب خفاف أشوفك ( حلم ) لا يعلى عليه و لغز ما له حل مع إن الناس من حولك كثير ولا عليك خلاف يراودني شعور !.. إنك حبيبي ، يا حبيب الكلّ

ناديت ولا لقيت لطول صوتي جواب عيونك تنام و عيوني أبد ما غفت معك تجرعت مْن المر ومْن العذاب إلين ما كفّت طعونك معاي و وفت ماعاد باقي فـ عيني دمع للإنسكاب كل الدموع اللي فـ عيني عليك ذرفت

تدور اللّيَالي بين حِدَّة وبين إحساس تشدّ الركايب.. والظمأ يأمِر، وينْهى أنا يا حبيبي يوم صدّت عيون النَّاس؟ معي عينك اللي جعلني ما خلا منْها.

الغياب ان طيّح دموعي .. ماطيّح قدري راح أذوق مْن الشعور المر لين أتعوّد وليه أفكر فيك من بعد المفارق؟ و أدري مستحيل اني أجيك / و مستحيل تعوّد

مع الاسف يا فاتنة انا من الجيل القديم اللي يحبون النقا قبل الجمال الظاهري

من دافع الشوق .. لا صار الكلام بـ حياء وشلون اقول المدى طول وانا فاقدك ؟ إعذرني أصارحك في علم ما به رياء ؟ يـ اللي على اللي يكنّه قلبي .. معاهدك اقوّي النفس .. بـ إن الصبر لـ الاقوياء وفي وجيه خلق الله اليا مرّوا أشاهدك

على سكة التيه وعلى مفرق الخذلان وقفت اتأمل ماحصل بينك وبيني احاول على الصده واحاول على النسيان وعلى فطم قلبي عنك ماعاد يمديني تكاثرت وصلي وانت من جيتني ولهان وعطيتك من السنين الحياه اجمل سنيني انا ماقدر اصبر واتحمل قدر الامكان وانا كل يوم اشوفك تطيح من عيني

ماجرح قلبي ولا هزّ الفراق احساسي ذكرياتي معك .. أنا نادم على مجمَلها لا تعاتبني ليا من صرت مثلك قاسي غيّرتني مجريات الوقت ، وأنت أوّلها

عن البال ما راحت طواريك لاجل تعود مثل كل ليلة طيش مرت على تايب طبيعي بـ أن الناس تستشعر الموجود ! وأنا أستشعرك موجود وأستشعرك غايب

أنت مدهال الأماني وميزان الشعور مَعك أواجه سُود الأيام و أغني لها .

خاف أصارحك عن رغبتي وأندم على التصريح معي موضوع لكن ما معي للحين مفتاحه أدوّر في اللغة عن كلمة ٍ تعفيني التوضيح أنا ويّاك ! عالق بين حد الياس والراحة عذابي معك في حبس الشعور وكثرة التلميح تعبت أكتم شعور أصعب علي من كتمه إفصاحه