Со лауреатот, добитничките на награди и организаторите на 63. издание на #СтрушкиВечериНаПоезијата. Честитки до носителите на највисоките признанија на еден од најстарите светски поетски фестивали, кој повеќе од шест децении е гордост на македонската држава и култура.

Распеана и разиграна атмосфера за време на средбата со моите денешни гости – членовите на хорот „Златно славејче“. Им благодарам за безвременските рефрени и им посакувам уште многу хитови кои ќе се слушаат и од идните генерации.

Средба со Никола Кимовски, директор на NU MNT. Разговаравме за подготовките за новата сезона, која ќе биде означена во септември, со свечено отворање на летната сцена „Славиша Кајевски“, како и за престојниот јубилеј – 80 години МНТ, што ќе биде одбележан во 2025 година.

Со организаторите и поддржувачи на 37. Охридскиот пливачки маратон. Верувам дека Охрид и годинава ќе биде на мапата на успешни пливачки маратони. Многу успех на сите учесници кои во сабота ќе се натпреваруваат на пливачката патека „Климе Савин“.

Празнувањето на Успението на Пресвета Богородица значи славење и почитување на традициите и на семејните вредности, и затоа со добри мисли и со љубов да им помагаме и да им даруваме на ближните. Нека ни е честит големиот христијански празник Успение на Пресвета Богородица.

Присуство на светата литургија по повод големиот христијански празник Успение на Пресвета Богородица во храмот „Успение на Пресвета Богородица – Каменско“ во Охрид. Нека ни е честит празникот и за многу години.

Добредојде за новоименуваната амбасадорка на Кралството Холандија, Узлем Џанел. Верувам дека високо-развиените билатерални односи кои се карактеризираат со интензивен политички дијалог и партнерски односи во наредниот период ќе се збогатат со нови содржини на соработка. 🇲🇰 🇳🇱

Добредојде за новоименуваниот амбасадор на Француската Република, Кристоф Ле Риголер. Со Франција изградивме динамични политички односи и солидно ниво на меѓусебна соработка во повеќе области на коишто верувам дека ќе им се додадат нови содржини и форми во иднина. 🇲🇰 🇫🇷

Започна 37. Охридски пливачки маратон. Многу среќа и успех на сите натпреварувачи. Нека победат најдобрите. #ОхридскиПливачкиМаратон

Во посета на работилницата на СОСУ „Св. Кирил и Методиј“. Поддршка за ентузијазмот, креативните идеи и заложби на охридските средношколци за заштита на уникатниот екосистем и ендемските видови во Охридското Езеро.

Честитки до бразилецот Матеус Еванжелиста и французинката Каролин Жуис кои први испливаа до целта. Им честитам и на сите останати натпреварувачи кои дадоа сѐ од себе. #ОхридскиПливачкиМаратон

Ми беше огромно задоволство, на првиот ден од новата учебна година, да ги поздравам првачињата од ООУ „Јан Амос Коменски“. Оваа посета ми ги врати спомените од моите училишни денови кои ги поминав токму во ова скопско училиште. Првачиња среќно и успешно!

Со директорот на Центар за управување со кризи, Стојанче Ангелов разговаравме за потребата од реформи во системот за управување со кризи, измени на Законот за управување со кризи и за владината одлука за спојување на Дирекцијата за заштита и спасување и Центарот за управување со кризи.

Со директорот на EPLO Спиридон Флогаитис. Разговаравме за нивните истражувачки активности, важноста од промоција на владеење на правото и поддршка во градење на демократските капацитети на институциите. Ги разгледавме можностите за идна соработка со македонските институции.

Со претставници на United Macedonians. Разговаравме за нивните активности во интерес на македонската заедница во Канада, за нивната улога во економскиот и демократски развој на земјава, како и за прашањата од национален интерес, коишто ги засегаат и македонските иселеници.

Со задоволство и особена чест присуствував на одбележувањето на 25 годишниот јубилеј од епископската хиротонија на Скопскиот бискуп и епарх струмичко – скопски, Киро Стојанов, и на литургискиот споменден на Света Мајка Тереза, во нејзината родна парохија „Пресвето Срце Исусово“.

Добредојде за новиот шеф на EU Delegation to North Macedonia Michalis Rokas. Со Ваша поддршка, уверена сум дека можеме да напредуваме и во оваа последна фаза на нашиот пат кон целосна европска интеграција, со забрзано темпо и без никакви пречки. 🇲🇰 🇪🇺

Прием во Собранието по повод 8 Септември - Денот на независноста на Македонија. 🇲🇰

Со задоволство присуствував на карневалот во рамки на Тиквешкиот гроздобер 2024. Најстара манифестација од ваков вид, кај нас, којашто со својата автентичност и уникатност ревносно ги негува македонската винска култура и традиции. Посакувам успешна берба и бериќетна година.

Наша должност е да ги оставиме на страна поделбите и да се сплотиме околу општото добро и јавниот интерес. Мора да ги вложиме сите наши лични и институционални капацитети за да ја направиме македонската република пристојно место за живеење.