'ఏంటి పాదాల వంకే చూస్తున్నావు?'
'నీ అందెలు...!'
'అందెలా? ఏమయ్యింది వాటికి? బాలేదా?'
'నువ్వు అలంకరించుకున్నాక ఆ అందెలకు అందమైన నీ పాదాలు తాకాయనేమో, గర్వంగా, పులకింపుల మైమరపుతో ఘల్లు ఘల్లుమని అందంగా మోగుతున్నాయి...'
'ఓహో! కూసింత నీకు కూడా తాకించమంటావా మరి'
'తాకించకు...అతికించు'💋

దేశానికి అన్నదాతలైన రైతుల కృషిని, యజ్ఞరక్షక రామడు రక్షించి, వారి పాడిపంటలును సస్యశ్యామలము చేయుగాక!

దేశాన్ని కాపాడే సైనికులను దసముఖాంతక రణకర్కశ రామడు, తన పరాక్రమ కృపతో ఎల్లప్పుడూ కాపాడుగాక!

దేశ ప్రజలు లోకాభిరాముని అనుగ్రహంతో, సుఖశాంతులతో వర్ధిల్లుగాక!

శ్రీరామ నవమి శుభాకాంక్షలు!

వసంత ఋతువు ఆగమనంతో, శ్రీ క్రోధి నామ నూతన సంవత్సర ఉగాదికి స్వాగతం పలుకుతూ అందరికీ తొలి పండుగ శుభాకాంక్షలు. అధర్మం పట్ల క్రోధాన్ని, ధర్మం పట్ల మైత్రీభావాన్ని పెంపొందించే విధంగా ఈ ఉగాది కొత్త వెలుగు మీ జీవితంలో శాంతిని, శ్రేయస్సుని, ఆనందాన్ని తీసుకురావాలని కోరుకుంటూ...
🩷🩷
#గిత్త

ఇన్ని రోజులు యాదృచ్ఛికమే అనుకున్నా కానీ ఇప్పుడే అర్థమయ్యింది! నిన్ను కలిసిన ప్రతిసారి నా ఉనికిలోని ఎంతో కొంత నీ దగ్గిరే ఉండిపోతోంది. నీ చుట్టూ సరిగ్గా చూస్తే, అక్కడక్కడ నేను తునాతునకలుగా నీకు కనపడతాను. అసలు గమనించావో లేదో? ఈసారి ఏకంగా నా గుండె, నాతో రానని, నీ వెనకే మిగిలిపోయింది!

అంతర్మథనం...
నాకు నువ్వు ఎదురైనప్పుడెల్లా కళ్ళతోటే మాటలు కలపగలను ఎందుకంటే లిపి లేని భాషలో లిఖితమైన ఓ విలువైన పుస్తకం నువ్వు. ఆ భాష చదవలేని భావుకతతో నిన్ను నా గుండె గ్రంథాలయంలో భద్రంగా దాచేసుకోవాలని తాపత్రయపడే ఓ నిరక్షరాస్యుడిని నేను....

పదే పదే నిను గమనిస్తూ మౌనంగా ఆరాధించడం
పదే పదే నీ చూపులు చెప్పే కొంటె కథలు రెప్పార్పకుండా వినడం
పదే పదే 'నీలో నేనా లేక నాలో నువ్వా' అని ఆశ్చర్యపోవడం
పదే పదే నీతో ఉన్న క్షణాలు నిలిచిపోవాలని కోరుకోవడం
పదే పదే నీ ప్రేమలో కరిగిపోయే నా మనసు నీకేమివ్వగలదు? జీవితకాలం అంకితమైపోడం తప్ప 🫶