رجعت من الزعل تايب وتاب الله على من تاب وسمحت من الزمان اللي تكسّر فيه مجدافي حبيبي جعل مايقفى مواصيلي معاك غياب أنا مالي بعد غيمك سحاب يبلل أطرافي

مقاصد عيوني شوفته طيّبٍ وعفاه لو إني على ( وجدي على شوفه ) مطوّل من يشوفني واقف على بابه أتحرّاه يحسبنّي موقّف على بابه أتسوّل إي والله أبي قلبي يرده على مركاه وأبي منْه يرجع مثل ماهو لي منوّل وأبي منه مايتركني أبكي على فرقاه ولا أشبّهه في كل مرّار وأزوّل على الغصن ناح

مقفي عن الناس ومجنّب وجالس وحيد ومطرّق شماغي الريح وهوابيلها الليلة اللي هواها صلف ليلة قصيد فيها تزين الطواريق ومواويلها فالشادن اللي مجودها بحبل الوريد ومعلّق آمال عمري في مواصيلها إن جد منها وصل ما جد منها وعيد وان طاب منها لقى ماطاب شوقي لها مابين غصنٍ ليان وبين طلعٍ

كبير المقام تحبه الناس وتهابه وعن اللي يغثرب مشربه مبعدٍ نجمه الاصوات من دونه قصيره ومرتابه والأبصار مخطوفه والأفواه منلجمه لو يداهن العالم خذوا قدره نهابه مايامن ضعيفٍ كلمته كنها الرجمه وأنا لو ضحك لي هافي القدر ما أرضى به أبين له ان نفسي ماهي معه منسجمه ما أخلي معه بوابة

كل مايطرق شماغي هوى الغربي عصِير ينثني من سالف العمر غصنٍ ماذوى الليالي ماتخلي عشيرٍ مع عشير إن قوى قلبي على الهجر ولا ما قوى أول الدنيا ذعاذيع ريحان وعبير وخاطرٍ لا طرّف الليل عيّن له دوى وتالي الدنيا طواري تعزّر فالضمير وقلب تجفاه المضاجع ويفريه الهوى

وأنا أدري انك علي بيوم من الايام راح تمر وأنا في وقتها مشغول وأنت بوقتها فاضي تجيني لا ربيعٍ منتشر لا غيمةٍ تجتر مجي العابر اللي شايفه من قبل فالماضي يطيّرك الهوى وتطير مثل السنبله والذرّ وأنا مانيب لا زعلان منك ولاني براضي

صوت المطر من أجمل أصوات الحياة 🌧️

وش اقول وش اخلي شف الجمال

اللهم لك الحمد اسأل الله التوفيق لي ولجميع المشاركين

الهوى يمنى بيسرى وممشى في ضباب وضيعةٍ ماودك ترجعّك منها الدروب قد قضيت العمر وياك صده وإغتراب لا حبايب وإنتلاقى ولا شمع ونذوب جيتني والعمر ماعاد به زهرة شباب وما معي إلا قلب يوم أنت يبغالك قلوب كني اللي يرجي الشمس من خلف السحاب ولا إنكشف عن وجهها إلا على وقت الغروب

من يلثم الرشفه اللي من شفاه القناد مايترك العاده اللي دايم يعودها

مابين سهيل اليماني فالنجوم باقي عليه شوي يا طرادته تزهبوا وإخذوا مواقعكم عموم للطير ولملواحه ولهدادته وأنا إتركوني في شتا ولا سموم أعرف قلبي وأعرف من غادته سمرا إثيوبيه لها شقار روم فيها الغشيم إذا تعشّم صادته لا هيل لا مسمار لا وش العلوم معها المزاج يصد عن نشادته

ساع زان الليل يا ام الوساع الناعسات في هدب عينك منامي بعد طول اتعبي أقبلي مثل السحايب على روس النبات وإلعبي لعب الجوازي وغني واطربي فيك لطف من النسيم ومن الخيل إلتفات ولون خد من الشقايق وعين من الظبي لا تهابين الليالي وكيد الغانيات والله انك في ذرى سد دقني واشنبي

الناس ماهم للنصايح مطيعه لو انك تنصحهم من الصبح لليل ما يقنع اللي مايذوق الخديعه لين يغدي لعبه مابين الرياجيل

على صباحات الزمان يتجلّا صبحٍ غسل وجه الثرى فيه ديمه مافيه غصن من الوله ما تدلّى رابي على عز السحاب ونعيمه وريحانة الوادي عليه إتسلّا تفرح ليا سرّح شعرها نسيمه والله مايشبه ريحة الماطر إلا ريحة مداهيل البيوت القديمه