القرآن و الابتهالات الصبح عالريق كده بيطمنو القلب بشكل غير طبيعي بتحس بدفا و انت بتسمع المنشاوي و النقشبندي او نصر الدين طوبار كده

بقاله حبه محافظ اني بصحى بدري ناقصني بس حاجه واحدة عشان ابقى زي الناس الصباحيين الشاطرين دول وهو اني انام كمان بدري عشان نوم الساعتين ده بيخليني في نص اليوم مدغشش زي شاشة التلفزيون القديم كده حاسس رامات مخي بتتحرق

معالجة المشاكل بالاختفاء ده مرض ربنا يشفينا منه والله

موضوع ان الواحد مصري ده اندرريتيد في بعض الاوقات برضو

الشعور بالوطنية و الهوية المصرية في السماء 📉👆

كل شخصية ناجحة مصرية لما بتطلع تتكلم نص كلمة الواحد جسمه ببقشعر و بيحس بفخر غير طبيعي ❤️

ايه ميكس الحضارات المفاجئ ده العالم كله بقى مصري ❤️

منظر الاهرامات مبهر 😳

هشام نزيه مفيش مره فشل انه يخلي جسمي يقشعر من المزيكا اللي بيعملها

احنا عندنا اعظم اوركسترا في العالم.

المسلات بتاعتنا في كل دول العالم اهو ياريت اللي عنده حاجه مش بتاعته يرجعها بقى اظن الرسالة وصلت

موكب المومياوات الملكية معلي سقف التوقعات و مدلدل رجليه جامد اوي بس برضو برافو علينا بقينا بنقارن نفسنا بنفسنا

عندنا كمية تنوع و ثقافات و حضارات غير طبيعي احنا تاريخ محافظات عندنا بعيدا عن الاقصر و اسوان عشان منظلمش الدول بتاريخ بلاد كاملة

قناع توت عنخ امون ده يتعمله متحف لوحده مستريح من الدقة و التفاصيل اللي فيه

انا ملحقتش اخلص اللب و السوداني اللي جايبهم ده انا اروح فيكو في داهية و ايه التتر اللي بيجري ده هو وراه ايه ؟

طب يمكن عشان في الموكب مكناش متوقعين اي ابهار يحصل لكن احتفالية المتحف المصري داخلين و توقعاتنا عالية شويتين تلاته ؟

احتفالية حلوة بس متشبعش

لو حد بيسأل عليا انا عاليوتيوب بتفرج على موكب المومياوات الملكية