من غلاها لو تورّدني على حوض المنيّه كنها تسقيني الشهد المصفا من شفاها ومن حلاها ماتوصفها الحروف الأبجديّه كيف توصف وردة يبري من العله شذاها الورود تغار منها مزهريّه مزهريّه وإن تباهت عذرها معها يحق لها تباها.

وصل الكلام .. آخر حدود الميانه واللي تعثر قام واللي .. قسى حن مافيه احد ، يستاهل انك عشانه تعيش راجي فضل وتموت ممتن ودك ترّجع ، ( كل شي ) بـ مكانه بس المسير لوين والخطوه لمن لا خانك اللي كنت خوفه وأمانه بـ يخونك التعبير ويخونك الظن.

هذا أنت ياصيفٍ جذبني سحابه أغلى الليالي يوم اشوفك مسيّر لو إنك اول من يعجّل زهابه ويروح مرواح العجول المطيّر عذرك معك.. مانيب محتاج إجابه وإن خيّرك فيني الزمن لا تخيّر انا اللي آسف واعتذر بالنيابه عن قلبي اللي مستحيل يتغيّر .