اتركوني كل ماغبت ولا تنشدون ماني ببرقٍ عيون العباد تخايله ودي ادفن جرتي واتّقي عن العيون الله الباقي ونفس البنادم زايله والله لاصدري شمالي ولاهم يحزنون حتى لو ماشفتوا دموع عيني سايله كل يوم اظن لي ظن وتخيب الظنون وانا كتفي تعب من جور حملٍ شايله

الرذايل تثبّت و المبادي تنافض والشرور اتفتّل ما لقت من نقضها ، وأنا عن نفسي و عن كل مسلم محافظ إن لقيت الرذيلة فالطريق اعترضها ، قد ما تقدر اتحافظ على الوجه حافظ وجهك أهم حاجة فالحياة اتحفظها ،

استريحي ي عيوني واستكني مابه إلا ما كتبه الله علينا ، لو نحصل ما نحبه ب التمني كان كل اللي نحبه في أيدينا ،

ليت ذعذاع الهوى الغربي يجنّب دربي في بعض الاحيان ولا بعضها يا طيبه !

أربع دقائق مع الجمال ونظرة العشاق له مشاهدة ممتعة😅😍

يامجمول ماحنا من الوقت مرتاحين ظروف الليالي كل يومٍ لها طاري ، ㅤ ليا جيت يمك عطني من القصيد الزين وسولف علي ولا تنشد عن اخباري ،

عزة النفس " العزيزه تتقي فـ ظلالي ماني إللّي لا تماكن صيدته ؟.. يدرقها ‘ ما رجيت الناس في حلي و في ترحالي من ترجى .. غير ربه" هامته .. دنقها " كلمةٍ أدري وراها " ما تشين أحوالي " لو تجي قدام عيني مستحيل أنطقها ‘

لا تواخذني على كثر المزوحي المزوح احياناً تعطيك الاجابه

على باب الحياة.. أمدّ صوتي يا خَلِي البَال عسى ما تسرقك من روْض صدري كلمة الجاهل قديم الوِدّ.. وأيَّام الصبا والحِلَّ والترحال أعرفك مثل نظرَات الوَله في عيْن متجَاهل.. تمهَّل لا تغافلك اللّيَالي، والسنين طوال أنا للحين أغنّي في عيونك.. وأنت تستاهل !

الهوى مافيه … عيب ولا حرام ولا نقيده الردي دايم يخونه والنزيه يصير قده ،

صراع العاطفه والعقل شي يحير التفكير وروس أحلامنا تهوي عليها حدب ورهافي ، مواعيد الغرام وكل ذكرى حوّلت في بير من النسيان والكتمان والتهميش ي كافي ،

صبحتم ب الخير وومما في الخاطر ✍🏻 حنا نجازي راعي الطيب بالطيب واللي لنا نعرفه .. واللي علينا ، وراعي الردى ماله ورانا مكاسيب لا هو يشرفنا .. ولا هو يعنيينا ،

من يشوفك يبتسم لو كان عايش في كئابه كيف عاد .. إللي فـ قلبه لك مكانه مستقلّه نبرتك في مطلبك تكفيك عن فن الخطابه و نظرة عيونك .. على الواقع تزيد الطين بلّه

ي زين الشعر من الملقي والشاعر 👏🏻