PAGSIBOL

Ngayon, sa pagsikat ng araw,
Nawa'y manabik ka sa pag-asa.
Sa pagsibol mo, 'wag kang mamughaw,
Sa paglakbay mo, sana matamasa.

Mamukadkad kang ubod ng saya.
Tapusin na ang 'yong pagluluksa.
Damdamin, pag-ibig at ligaya.
'Wag matakot muling mag-umpisa.

a little reminder for you, just incase you feel down, disappointed, and sad at certain things today.

'Until I die, people will not know the real me. I am an enigma.'

- Ms. Celia Rodriguez

'Oh, my life is changing everyday
In every possible way...' 🎶

Well, the Cranberries can also make me go with the flow...

KAPIRASO

Bilang 'sang kapiraso sa mundo,
Sana'y dalhin mo ako sa agos;
At kung saan man ako pumundo,
Sa tahimik, ito'y matatapos.

Sa ngayon, aking napagtanto,
Baka nga 'di tayo pinagtagpo.
Ika'y mahal, ang hirap mahinto;
Ika'y mahal, sana 'di mahapo.

PAGTIGIL

Lumipas man ang mga panahon,
Tayo'y darating sa mga puntong,
Binago na ang interpretasyon;
Dito pa rin sa lungkot hahantong.

Kaya't para sa iyong katinuan,
Hayaan mo na lamang ang agos.
Ibigin siya sa kahinahunan,
Habang pagod na sa pagdaosdos.

PAHINGA

Sa tuwing ako ay nagsusumamo,
Sa Panginoon, laging dalangin;
'Diyos ko, sana'y maituro mo,
Paghinagpis ko, sana'y pawiin.'

Wari'y mula ka sa alapaap,
Bigay Niya ay pagmamahal na nga.
At lagi, ikaw ay hanap-hanap,
Ikaw lamang ang aking pahinga.

SANDALAN

Sa ngayon, ako'y nagulumihan,
Naghahanap ng makakausap,
Upang mapawi sa'king isipan;
Sana ay lagi mo akong tanggap.

Hinagpis ko man ay natatanggal,
Kapag nariyan ka't nagsasabing,
'Ikaw ay tunay na mapagmahal.
Lumaban ka't hanapin ang kinang.'

Puppy hugs his little brother who's having a nightmare..🐕🐾❤️

'Kung ikaw ay isang panaginip, ayoko nang magising...'

this.

take it easy.

LIGAYA

Ang ngiti sa iyong mga mata,
Habang kwento ang 'yong buong araw.
'Di mawala ang 'yong pagkumusta,
Ligaya ko ay nangingibabaw.

Nang masambit mo ito sa akin,
'Sa'yo ko lamang gusto magkwento.'
Maging ako man ay kalmado na rin.
Sana ay 'di na tayo huminto.