أنا تعبت من الفراسه زايده إلى عندي والله ماسعيت لها ولا تعلمتها ولا درستها لكن ربيّ ألهمني فراسه عجيبه لدرجه احلل الشخص مجرد ما أشوف وجهه او ملامحه او أتعامل معه بسلوكه اعرف تفاصيل عنه حتىً هو ينصدم ، شعور مقلق ومتعب بشكل مو طبيعي عطوني حل

استغرب من الناس اللي تبين لك انها حساسة وقلوبها رهيفة وإلخ عشان تنتبه لهم وتداري خواطرهم ورغم هذا تلقاهم دايمًا لا مبالين بمشاعر غيرهم، يعني شلون ما تقدر تتفهّم إن كل الناس مهما ادّعوا الصلابة إلا مايكون فيهم جزء بالضبط زيك أو أكثر رقة!

والله ولا شيء يوجع كثر لما تختار الصمت في اللحظة إللي الكلمات تلحّ عليك بأن تنطقها، فجأة تحسها تكتسب طبيعة مادية وتتحول لصخرة بحلقك، أو سكين

مع الأيام بتعرف من تحطه على يمناك ومن ما تلتفت له

وانا تشّرف لكنتي واهتويها مضمونها ودي بشوفتك وأهواك ياللي دروب أهل الردى ما تجيها صانك ولي أمرك وحبك وداراك

والله أننا متعمقين بالدنيا وناسيين أنها دار الفناء أكتب شي تؤجر عليه يوم القيامة

مشكلة الوعي يخليك تشوف كل الأشياء تافهه

مساء الخير يا انسان ربك شال ناس من حياتك لانه شاف وسمع اللي انت ما قد شفته ولا قد سمعته

لا تضغط على احد حتى لو كان من باب الحب اتركوا الكل على راحته لان راحته هي الحقيقيه وتمثل شعوره تجاهك الضغط والعتاب الزايد ما يجيب الا الكذب والتصنع والمجامله

"الطيبين اللي يحبّون الحياة فعيونهم كل الأوادم طيبين" نهج كل أجودي.

راح توصل لعمر تدرك فيه ان الناس ماكانت تراقبك ولا تدري عنك ولا عليها منك راح تدرك ان الكل عايش حياته بطولها بعرضها إلا انت تفكر بالناس وش يقولون لو سوت وفعلت استمتع من الحين بكل شي يخطر ببالك وعيش حياتك كيف ماتحبها

حليت فالإنسـان وااااجـد معضـلات اللئم حاجـه مـا عرفـت أحلهـا .. بااصادق الحيـوان وامشـي فالنبـات ولا بشـر تنـذل لـلـي يذلـهـا ..

إلى كلمك عني وصدقته تراه كلمني عنك وسكته

واحد تقصر جمايله على اقرب مايليه لايهايط بالجمايل مع كل اجنبي

دائمًا خليك مؤمن بنفسك لأن النفس هي الشيء الوحيد اللي بيكون مثل ظلك فلا تخذلها بعدم ثقة وإيمان

الحوارات تصنع انتقالة ولهذا السبب لازم تنتقي الاشخاص الصح اللي تسمع لهم

للأسف اغلب اللي بيتمنون لك الأسوأ وما بيفرحون لك بأي امر سعيد بحياتك غالبًا يكونون من الأقارب عشان كذا من فترة طويلة استحالة اشارك اي موقف من حياتي سواء حزين او سعيد مع اي قريب لي لأن مهما صار غريزة الحسد وتمني الشر منبعها الأول باطن الأقرباء

تبقى البادئ ثابته كل الاوقات مانشتري بايع ولا تبيع شاري

دائمًا عندي أسباب ما يعرفها أحد ، ودائمًا أفضلها تبقى خفية ولا أحاول أبررها أبدًا لأن أحس صعب جدًا أحد يكون أنا أو حتى يشوف الأشياء من مكاني

حسيت إني كبرت مرة يوم صرت أخاف على أهلي ان يمسهم حزن أو وصب ونصب أو حتى أسخف شيء من حوادث الدنيا أكثر مما أخاف على نفسي، أحس إني أتأثر بأحزانهم ومصابهم أكثر من أحزاني ومشاكلي الخاصة